Ki Hadjar Dewantara

pajuang revolusi Indonesia

Raden Mas Soewardi Soerjaningrat (EBI: Suwardi Suryaningrat, sajak 1922 manjadi Ki Hadjar Dewantara, EBI: Ki Hajar Dewantara, babarapo manuliskan bunyi bahaso Jawanyo jo Ki Hajar Dewantoro; lahia di Pakualaman, 2 Mei 1889 – maningga di Yogyakarta, 26 April 1959 pado umua 69 taun;[1] salanjuiknyo disingkek sabagai "Soewardi" atau "KHD") adolah aktivis pagerakan kamerdekaan Indonesia, kolumnis, politisi, jo palopor pandidikan bagi kaum pribumi Indonesia dari zaman panjajahan Balando. Inyo adolah pandiri Paguruan Taman Siswa, suatu lambago pandidikan nan maagiah kesempatan bagi para pribumi jelata untuak dapek mamparoleh hak pandidikan saroman halnyo para priyayi maupun urang-urang Balando.

Infobox orangKi Hadjar Dewantara
Biografi
Lahia2 Mai 1889 Edit nilai pada Wikidata
Yogyakarta Edit nilai pada Wikidata
Kamatian28 April 1959 Edit nilai pada Wikidata (69 tahun (id) terjemahkan)
Yogyakarta Edit nilai pada Wikidata
Tampek dimakamkanTaman Wijaya Brata (id) Terjemahkan Edit nilai pada Wikidata
  Daftar Menteri Pendidikan dan Kebudayaan Indonesia (id) Terjemahkan 

Edit nilai pada Wikidata
Data pribadi
AgamoIslam jo anti-imperialist (en) Terjemahkan Edit nilai pada Wikidata
AlmamaterEuropeesche Lagere School (id) Terjemahkan Edit nilai pada Wikidata
Kagiatan
KarajoPolitikus, ahli filsafat, pejuang perlawanan (id) Terjemahkan, pendidik (id) Terjemahkan, guru, aktivis pendidikan (id) Terjemahkan, pangarang, wartawan jo Kolomnis (id) Terjemahkan Edit nilai pada Wikidata
Partai politikNational Indische Partij (id) Terjemahkan
Budi Utomo
Insulinde (id) Terjemahkan Edit nilai pada Wikidata
Creative work
Karya nan tanamo
Kaluarga
Pasangan hiduikNyi Hadjar Dewantara (id) Terjemahkan Edit nilai pada Wikidata
Panghargaan
Tando tangan
Ki Hadjar Dewantara

Tangga kalahirannyo kini diparingati di Indonesia sabagai Hari Pendidikan Nasional. Bagian dari semboyan ciptaannyo, tut wuri handayani, manjadi slogan Kamantarian Pandidikan jo Kabudayaan Indonesia. Namonyo diabadikan sabagai salah sabuah namo kapa parang Indonesia, KRI Ki Hajar Dewantara. Potret dirinyo diabadikan pado pitih karateh pacahan 20.000 rupiah taun edisi 1998.[2]

Inyo dikukuahan sabagai pahlawan nasional nan ka-2 dek Presiden RI, Sukarno, pado 28 Nopember 1959 (Surek Kaputusan Presiden Republik Indonesia No. 305 Taun 1959, tanggal 28 Nopember 1959).[3]

Maso mudo jo awal karier suntiang

Soewardi barasal dari lingkungan kaluarga Kadipaten Pakualaman, putra dari GPH Soerjaningrat, jo cucu dari Pakualam III. Inyo manamaikan pandidikan dasar di ELS (Sakolah Dasar Eropa/Balando). Kamudian sempat balanjuik ka STOVIA (Sakolah Dotor Bumiputera), tapi indak sampai tamaik karano sakik. Kamudian inyo bakarajo sabagai panulih jo wartawan di babarapo surek kaba, antaro lain, Sediotomo, Midden Java, De Expres, Oetoesan Hindia, Kaoem Moeda, Tjahaja Timoer, jo Poesara. Pado masonyo, inyo tagolong panulih handal. Tulisan-tulisannyo komunikatif jo tajam jo samangat antikolonial.

Aktivitas pagarakan suntiang

Salain santiang sabagai saurang wartawan mudo, inyo aktif juo dalam organisasi sosial jo politik. Sajak badirinyo Boedi Oetomo (BO) taun 1908, inyo aktif di seksi propaganda untuak manyosialisasikan jo manggugah kasadaran masyarakaik Indonesia (tautamo Jawa) pado wakatu itu manganai pantiangnyo pasatuan jo kasatuan dalam babangso jo banagara. Kongres partamo BO di Yogyakarta diorganisasi juo dek inyo.

Soewardi mudo juo manjadi anggota organisasi Insulinde, suatu organisasi multietnik nan didominasi kaum Indo nan mampajuangan pamarintahan surang di Hindia Balando, ateh pangaruah Ernest Douwes Dekker (DD). Katiko kamudian DD mandirikan Indische Partij, Soewardi diajaknyo pulo.

Als ik een Nederlander was suntiang

 
Ki Hadjar Dewantara
(Chris Lebeau, 1919)

Sangkek pamarintah Hindia Balando baniek mangumpuan sumbangan dari warga, tamasuak pribumi, untuak parayoan kamerdekaan Balando dari Parancih pado taun 1913, timbua reaksi kritis dari kalangan nasionalis, tamasuak Soewardi. Inyo kamudian manulih "Een voor Allen maar Ook Allen voor Een" atau "Satu untuak Sadonyo, tatapi Sadonyo untuak Satu Juo". Namun kolom KHD nan paliang takenal adolah "Saandainyo Ambo Saurang Balando" (judul asli: "Als ik een Nederlander was"), dimuek dalam surek kaba De Expres pimpinan DD, 13 Juli 1913. Isi artikel iko taraso padeh bana di kalangan pajabat Hindia Balando. Kutipan tulisan tasabuik antaro lain sabagai barikut.

"Sakironyo ambo saurang Balando, ambo indak ka manyelenggaroan alek-alek kamerdekaan di nagari nan alah kito rampas sendiri kamerdekaannya. Sajajar jo jalan pikiran itu, bukan saja indak adil, tatapi indak pantas juo untuak manyuruah si inlander maagiah sumbangan untuak dana parayoan itu. Ide untuak manyelanggaroan parayoan itu sajo alah manghino mareka, jo kini kito karuak pulo kantongnyo. Ayo taruihan sajo panghinoan lahia jo batin itu! Kalau ambo saurang Balando, hal nan tautamo manyingguang parasaan ambo jo kawan-kawan sabangso ambo iyolah kanyatoan baso inlander diharuskan ikuik mangongkosi suatu kagiatan nan indak ado kapentingan saketek pun baginyo".

Babarapo pajabaik Balando manyangsikan tulisan ko asali dibuek dek Soewardi surang dek karano gaya bahasonyo nan babeda dari tulisan-tulisannyo sabalun ko. Kalaupun batua inyo nan manulih, inyo manganggap DD baparan dalam maangek-angekan Soewardi untuak manulih sarupo iko.

Akibaik tulisan iko inyo ditangkok ateh pasatujuan Gubernur Jenderal Idenburg jo ka diasiangan ka Pulau Bangka (ateh pamintaan surang). Namun damikian kaduo rekannya, DD jo Tjipto Mangoenkoesoemo, mamprotes jo akhianyo inyo batigo diasiangan ka Balando (1913). Katigo tokoh iko tanamo sabagai "Tigo Sarangkai". Soewardi maso itu baru baumua 24 tahun.

Dalam pangasiangan suntiang

 
Soewardi, Ernest Douwes Dekker, jo Tjipto Mangoenkoesoemo (Tigo Sarangkai) taun 1914 wakatu diasiangan di Nagari Balando

Dalam pangasiangan di Balando, Soewardi aktif dalam organisasi para palajar asa Indonesia, Indische Vereeniging (Pahimpunan Hindia). Taun 1913 inyo mandirian Indonesisch Pers-bureau, "kantua barito Indonesia". Iko adolah panggunoan formal patamo dari istilah "Indonesia", nan diciptaan taun 1850 dek ahli bahaso asa Inggirih George Windsor Earl jo pakar hukum asa Skotlandia James Richardson Logan.

Di sikolah inyo kamudian marintis cito-citonyo mamajukan kaum pribumi jo baraja ilmu pandidikan hinggo madapek Europeesche Akta, suatu ijazah pandidikan nan bagengsi nan kudian manjadi pijakan dalam mandirikan limbago pandidikan nan didirikannyo. Dalam studinyo iko Soewardi tapikek pado ide-ide sajumlah tokoh pandidikan Barat, sarupo Froebel jo Montessori, sarato pagarakan pandidikan India, Santiniketan, dek kaluargo Tagore. Pangaruah-pangaruah ikolah nan mandasarinyo dalam mangambangan sistem pandidikannyo surang.

Taman Siswa suntiang

Soewardi baliak ka Indonesia pado bulan September 1919. Kudian basagiro inyo bagabuang dalam sakolah binaan sudaronyo. Pangalaman maaja iko kamudian digunoannyo untuak mangambangan konsep maaja bagi sakolah nan inyo dirian pado tanggal 3 Juli 1922: Nationaal Onderwijs Instituut Tamansiswa atau Paguruan Nasional Tamansiswa. Wakatu inyo lah ganok baumua 40 taun manuruik hituangan pananggalan Jawa, inyo mangganti namonyo manjadi Ki Hadjar Dewantara. Inyo indak manggunoan gala kabangsawanan lai di muko namonyo. Hal iko dimukasuikan supayo inyo lapang dakek jo rakyaik, baiak sacaro fisik maupun jiwa.

Samboyan dalam sistem pandidikan nan dipakainyo kini amaik tanamo di kalangan pandidikan Indonesia. Sacaro utuah, samboyan itu dalam bahaso Jawa babunyi ing ngarsa sung tuladha, ing madya mangun karsa, tut wuri handayani. ("di muko maagiah contoh, di tangah maagiah samangaik, di balakang maagiah dorongan"). Samboyan iko masih tatap dipakai dalam dunia pandidikan Indonesia, talabiah di sakolah-sakolah Paguruan Taman Siswa.

Pangabdian pado maso Indonesia merdeka suntiang

 
Patuang Ki Hajar Dewantara

Dalam kabinet patamo Republik Indonesia, KHD diangkek manjadi Mantari Pangajaran Indonesia (sasudahnyo disabuik sabagai Mantari Pandidikan, Pangajaran, jo Kabudayaan) nan patamo. Pado taun 1957 inyo mandapaek gala doktor kahormatan (doctor honoris causa, Dr. H.C.) dari universitas tatuo Indonesia, Universitas Gadjah Mada. Ateh jaso-jasonyo dalam marintis pandidikan umum, inyo dinyatokan sabagai Bapak Pandidikan Nasional Indonesia jo hari kalahirannyo dijadian Hari Pandidikan Nasional (Surek Kaputusan Presiden RI no. 305 taun 1959, tanggal 28 Nopember 1959).

Inyo maningga dunia di Yogyakarta tanggal 26 April 1959 jo dimakamkan di Taman Wijaya Brata.

Galeri suntiang

Referensi suntiang

  1. Iko adolah versi Perguruan Tamansiswa jo Kapustakaan Presiden Perpustakaan Nasional Republik Indonesia, tokohindonesia.com manyabuikan 28 April 1959 sabagai tanggal wafat.
  2. Uang Kertas Bank Indonesia Pecahan: Rp. 20.000,- Archived 2020-09-20 di Wayback Machine., Bank Indonesia, diakses tanggal 26 April 2011.
  3. ""DAFTAR NAMA PAHLAWAN NASIONAL REPUBLIK INDONESIA"". Diarsipkan dari versi asli tanggal 2012-04-14. Diakses tanggal 2018-10-20. 

Pranala lua suntiang

Jabatan politik
Didaului jo:
indak ado
Mantari Pengajaran
1945
Digantian dek:
Todung Sutan Gunung Mulia