Jantuang

Jantuang (bahaso Latin: cor) adolah sabuah rongga, rongga organ ba-otot nan mamompa darah malalui pambuluah darah dek kontraksi ba-irama nan barulang. Darah manyuplai okisgen dan nutrisi pado tubuah, mambantu juo manghilangkan sisa-sisa metabolisme. Istilah kardiak bararti bahubuangan dongan jantuang, dari kato Yunani cardia untuak jantuang. Jantuang marupokan ciek dari organ manusia nan baporan pado sistem paredaran darah, talotak di rongga dado agak ka sabalah kiri.

Jantuang
Jantuang manusia
Rincian
System	Sirkulasi
Pambuluah nadi	Aorta, pulmonary trunk dan arteri pulmoner suok dan kidagh Arteri koroner kanan, arteri koroner kiri utamo
Vein	Vena kava superior, vena kava inferior, vena pulmoner suok dan kidagh, vena kardiak besar, vena kardiak tangah, vena kardiak ketek, vena kardiak anterior.
Nerve	Accelerans nerve, Vagus nerve
Pangenalan
Latin	cor
Greek	kardía (καρδία)
MeSH	D006321
TA
Anatomical terminology

Pado manusia, mamalia, dan buruang; jantuang dibagi manjadi ampek ruas: atrium ateh suok dan kidagh; dan ventrikel bawah suok dan kidagh. Pado umumnyo atrium dan ventrikel suok disabuik jantuang suok, dan sisanyo disabuik jantung kidagh. Ikan hanyo punyo duo ruas, sabuah atrium dan sabuah ventrikel, samantaro reptil punyo tigo ruas. Pado jantuang nan sehat darah mangalir sa-arah malalui pambuluah darah. Tadapek sabuah kantuang pambungkuih nan malindungi jantuang, perikardium, nan manganduang juo saketek caiaran. Dinding jantuang tasusun atas tigo lapih: epikardium, miokardium, dan endokardium.

Jantuang mamompa darah malewati duo sistem sirkulasi. Darah nan baasa dari sistem paredaran darah bosegh manganduang saketek oksigen dan mamasuki atrium suok malalui vena kava superior dan inferior manuju ventrikel suok. Dari siko darah dipompa manuju paru-paru, tampek darah mamparoleh oksigen dan maninggakan karbon dioksida. Darah nan sudah manganduang oksigen kambali manuju atrium kidagh, malewati ventrikel kidagh dan dipompa manuju saluruah badan malalui aorta—di mano oksigen dipakai dan malalui metabolisme manjadi karbon dioksida. Ditambah lagi, darah mambao juo nutrisi dari hati manuju babagai organ badan, samantaro mambawa zat sisa manuju hati dan ginjal.

Pautan lua

• Media tantang Jantuang di Wikimedia Commons