Ja'far bin Umar Thalib (About this sound palafalan ; bahaso Arab: جَعْفَر عُمَر طَالِب‎; Lafal Arab: [dʒaʕfar ʕumar tˤaːlib]; lahia di Malang, Jawa Timur, Indonesia, 29 Desember 1961 – maningga di Jakarta, 25 Agustus 2019 pado umua 57 taun)[1] adolah saurang tokoh muslim Indonesia, pandiri jo pamimpin Laskar Jihad, sabuah organisasi Islam di Indonesia.[2]

Infobox orangJa'far Umar Thalib
Biografi
Lahia19 Nopember 1961 Edit nilai pada Wikidata
Kota Malang (id) Terjemahkan Edit nilai pada Wikidata
Kamatian25 Agustus 2019 Edit nilai pada Wikidata (57 tahun (id) terjemahkan)
Daerah Kusuih Ibukota Jakarta Edit nilai pada Wikidata
Panyabab kamatianInfarksi miokardium Edit nilai pada Wikidata
AgamoIslam Edit nilai pada Wikidata
Kagiatan
KarajoImam Edit nilai pada Wikidata

Kahidupan pribadi suntiang

Ja'far Umar bin Thalib lahia di Malang, Jawa Timur pado 19 November 1961 sabagai anak bunsu dari salapan basudaro. Ayahnyo adolah Umar Thalib, saurang Madura katurunan Yaman, saurang veteran parang jo saurang guru di sakolah Al-Irsyad. Mode kabiasoan di masyarakaik Arab, namo lengkapnyo tadiri dari namo lahia jo namo ayahnyo, Ja'far bin Umar Thalib sajo "bin" dihapuih. Ayahnyo maaja Ja'far sacaro tegas.

Pandidikan suntiang

Ja'far dididik sabagai saurang santri di Pondok Pasantren Al-Irsyad Tengaran, Salatigo, sampai kudian pado taun 1983 inyo manjadi saurang mahasiswa di Lembaga Ilmu Pengetahuan Islam dan Arab (LIPIA) di Jakarta, nan marupoan cabang dari Universitas Islam Imam Muhammad bin Saud di Riyadh, Arab Saudi.[3]

Pado 1986 sabalun kalulusannyo, dek babarapo pasalisiahan jo salah saurang gurunyo, Muhammad Yasin al-Khattib,[4] inyo maninggaan LIPIA. Dengan bantuan direktur LIPIA, inyo malanjuik an studinyo di Maudoodi Institute di Lahore, Pakistan pado taun 1986 ateh beasiswa dari pamarentah Saudi. Sasudah sataun, inyo batangka lai jo salah saurang dosennyo sahinggo mamutuihan untuak maninggakan institusi sabalun manyalasaian pendidikannyo pado taun 1987.[5]

Thalib mampalajari ajaran sekte Salafi dari Syekh Jamilurrahman as-Salafi al-Afghani di Provinsi Kunar, dakek pabatehan Pakistan sakitar taun 1990. Taun 1991-1993 Ja'far baraja baliak kapado saurang ulama Salafi, Syekh Muqbil bin Hadi Al-Wadi'i di Dammaj, Yaman. Inyo juo mampalajari ajaran manhaj Salafi dari Syekh Nashiruddin Al-Albani dan Syekh Bin Baz.[5]

Aktivitas suntiang

Ja'far bagabuang jo Mujahidin di Afghanistan salamo parang malawan Uni Soviet pado taun 1987. Inyo bajuang dan baraja salamo duo taun di bawah bimbingan Jamaah al Dawa al Quran Syekh Jamilurrahman di provinsi Kunar, dakek pabatehan Pakistan. Ja'far batamu Osama bin Laden pado taun 1987 di Peshawar, di pabatehan antaro Pakistan jo Afghanistan. Walaupun Jafar mangikuti aliran pamikiran Salafi, inyo manantang dirinyo surang dari Osama Bin Laden dan jo kuek maninggakan kakarehan dan ideologi terorisme Osama.[6] Inyo labiah jauah mangatoan bahwa Al-Qaeda adolah organisasi teroris jo ideologi Khawarij.[6]

Pado Januari 1990, Ja'far manyatoan bahwa inyo sapanuahnyo alah baraliah kapado manhaj Salafi dan menanggalkan pamahaman lamonyo nan inyo anggap manyimpang .[rujuakan?]

Jafar baliak ka Indonesia sakitar taun 1989 dan kudian mangaja di Perguruan Al-Irsyad Al-Islamiyah sakolah asrama di Salatiga nan dijalankan dek Yusuf Usman Ba'isa sabalun barangkek ka Yaman. Sakambalinyo dari Yaman pado taun 1993 jo bantuan babarapo pangikuik Salafi, inyo kudian mandirian sabuah pondok pasantren nan banamo Ihya Sunnah ("Maiduik an Sunnah Nabi") di Dusun Degolan, Sleman, Yogyakarta di tanah Wakaf nan diwakaf an dek kamanakan patinggi TNI pado saaik itu.

Pado taun 1999, inyo mandirian Forum Komunikasi Ahlussunnah Wal Jama'ah (FKAWJ), sabuah kalompok nan dimakasuik an untuak mandorong reformasi politik. Sacaro khusus, tujuannyo adolah untuak mangacam kampanye calon presiden padusi, karano manuruik interpretasi kalompoknyo, hukum syariah sacaro tageh malarang padusi untuak mamiliki wewenang.[7]

Inyo manyatoan pambantukan Laskar Jihad sabagai kalompok paramiliter FKAWJ pado 30 Januari 2000 sabagai upayo untuak mambela sarato malinduangi Muslim Maluku dari kakarehan dek umaik Kristen di Maluku salamo konflik sektarian Maluku. Kalompok iko mamulai perekrutan anggota nan ingin malakuan jihad di Ambon. Walaupun Jihad adolah salah satu prinsip tapantiang kalompok itu, tapi itu indak panah dimukasuik an untuak manjadi agresor parang . Iko hanyo mambatehi jihad pado tindakan defensif untuak malinduangi Muslim dari sarangan Kristen. Itu bukan pulo untuak mangurangi pambarontakan tahadok pamarentah nan sah.[5]

Mananggapi sarangan 11 September, inyo mengatakan:

"Kami ingin berduka untuk AS [tetapi] Anda harus belajar dari kesombongan Anda. Bagi umat Islam, kami ingin mengucapkan selamat kepada Anda atas pembalasan atas teror yang dilakukan oleh negara teroris terbesar di dunia, Amerika Serikat, pada negara-negara Muslim "[8]
—Jafar Umar Thalib

Pado taun 2001 kepolisian manangkoknyo karano diduga mamimpin pangadilan syariah samantaro nan mamarintahkan saurang pemerkosa dilambuik batu sampai mati, nan ilegal manuruik hukum Indonesia. Inyo diduga mamimpin eksekusi tu, walaupu inyo indak panah dituntuik ateh tindakannyo tu.[9] Kemudian, POLRI manuduah Ja'far manaba kabancian tahadok urang-urang Kristen, khususnyo di Ambon, dimano sakitar salusin pria batopeang jo basanjat, granaik jo balati manyarang desa Soya dakek Ambon, mambaka sakitar 30 rumah sarato sabuah gereja sahinggo menewaskan saketeknyo 12 urang Kristen, dimano Ja'far mambantah Laskar Jihad talibek .[9]

Mantan wapres Hamzah Haz adolah salah saurang pangagum Ja'far Umar Thalib. Inyo pernah menjanguak Ja'far sangkek inyo mendakam di panjaro pado awal taun 2002.[10]

Jafar ditangkok pado 4 Mei 2002 di Surabaya saaik inyo dalam pajalanan dari Ambon.[11] Pado Oktober 2002, Laskar Jihad Ahlussunnah wal Jamaah rasmi dibubarkan dek staf jo dewan pambina FKAWJ (Forum Komunikasi Ahlussunnah wal Jama'ah), sasudah rapaik maraton sajak tanggal 3—7 Oktober 2002. Ja'far Umar Thalib indak satuju, dek masih baurusan jo Pangadilan Negeri Jakarta Timur untuak kasus makar, maasuik, sarato mahino Presiden Megawati Sukarnoputri. Namun, Ja'far tapaso mengumumkan pembubarannyo sangkek dikonfirmasi wartawan babarapo saaik sasudah tajadinyo paristiwa bom Bali I, yakni tanggal 16 Oktober 2002. Ja'far tampaknyo masih mamarlukan pasukan untuak malakuan demonstrasi sampai dapek manakan pemerintah, dalam hal iko Pengadilan Nagari Jakarta Timur, bia indak mambarekan hukumannyo. Kendati demikian tanyato jo bubarnya Laskar Jihad, Ja'far Umar Thalib justru divonis bebas. Manuruik majelis hakim, Ja'far indak tabukti manghina Presiden Presiden Megawati Sukarnoputri, maasuik massa, sarato mangobarkan raso pamusuhan dalam ceramahnyo Masjid Al-Fatah Ambon,[12] Maluku, 26 April 2002. Sahinggo tanggal 30 Januari 2003 adolah hari kebebasannyo.

Pado 28 Februari 2019, Direktorat Reserse Kriminal Umum (Ditreskrimum) Polda Papua, rasmi menetapkan Ja'far dan anam urang anggotanyo, sabagai tasangko ateh kasus pangancaman jo parusaan rumah warga, nan tajadi pado 27 Februari 2019, dikawasan Koya Barat, Distrik Muara Tami, Kota Jayapura, Papua.[13] Ja'far Umar Thalib kudian dikanaian pasal balapih, yakni Pasal 170 ayat (2) KUHP sarato Undang-undang Darurat No. 12 Taun 1951 Pasal 2 ayat (1).[rujuakan?]

Sasudah 28 hari bebas dari panjaro, Ja'far Umar Thalib masuak Rumah Sakit Jantung dan Pembuluh Darah Harapan Kita (RSJPDHK) Jakarta Barat dikarenakan panyakik jantuang nan ditangguangnyo.

Ja'far maningga dunia pado tanggal 25 agustus 2019 pukua 12.10 WIB di Rumah Sakik Jantung jo Pambuluah Darah Harapan Kito. Maiknyo dikubuan sahari sasudahnyo di Degolan, Desa Umbulmartani,Kecamatan Ngemplak, Kabupaten Sleman, Yogyakarta.

Wahabisme jo Anti-Syiisme suntiang

Wakatu paluncuran buku bajudul Mereka Bukan Thaghut, Ja'far managehan sikapnyo bahwa inyo adolah saurang Wahabi sejati.

Sabagai hal nan biaso di kalangan para pangikuik Salafi untuak manantang kareh Muslim Syiah, bahkan manganggapnyo kapia (caliak Anti-Syiisme), Ja'far pado Juni 2013 panah mangatoan bahasonyo akan mendeklarasikan jihad malawan Muslim Syiah Indonesia nan dituduah mencubo mengintimidasi jamaah Sunni di Bekasi.

Referensi suntiang

  1. https://www.cnnindonesia.com/nasional/20190825143451-20-424463/sakit-jantung-eks-laskar-jihad-jafar-umar-thalib-tutup-usia
  2. Kementrian Pertahanan RI: Laskar Jihad Serahkan Senjata"[pranala nonaktif permanen]
  3. "Salman Menyetujui Pengembangan Kampus LIPIA"". Diarsipkan dari versi asli tanggal 2018-04-23. Diakses tanggal 2019-08-29. 
  4. Hasan, Noorhaidi (2006). Laskar Jihad. SEAP Publications. p. 70. ISBN 9780877277408. https://books.google.com/books?id=cTHqqDr61dMC&pg=PA69&dq=bangil&hl=en&sa=X&ei=TcGQU86IM7KqsQT-_YGYAQ&ved=0CD8Q6AEwBA#v=onepage&q=bangil&f=false. 
  5. a b c Saiful, Umam. "Radical Muslims in Indonesia: The case of Ja’far Umar Thalib and the Laskar Jihad". Center for Southeast Asian Studies, University of Hawai'i at Manoa. Diakses pada 16 Oktober 2014.
  6. a b "Kesaksian Jafar Umar Tholib Tentang Usamah". Tempo (dalam bahasa Indonesia). May 3, 2011. Diarsipkan dari versi asli tanggal May 31, 2014. Diakses tanggal May 30, 2014. 
  7. "Your Daily Muslim: Jafar Umar Thalib". July 13, 2013. Diakses tanggal May 30, 2014. 
  8. Banyu Perwita, Anak Agung (April 30, 2007). Indonesia And The Muslim World: Islam and Secularism in the Foreign Policy of Soeharto And Beyond (paperback). Nordic Institute of Asian Studies. pp. 222. ISBN 9788791114922. 
  9. a b "Profile: Jafar Umar Thalib". BBC. January 30, 2003. Diakses tanggal May 30, 2014. 
  10. https://m.liputan6.com/news/read/33755/hamzah-haz-menengok-jafar-umar-thalib
  11. "Laskar Jihad". Diakses tanggal May 30, 2014. 
  12. "Location of Masjid al-Falah in Ambon". Diakses tanggal September 6, 2014. 
  13. "Polda Papua tetapkan Jafar Umar Thalib tersangka perusakan di Koya"