Gunuang Talang
Gunuang Talang (namo lainnyo Salasi atau Sulasi) adolah gunuang barapi nan barado di kabupaten Solok, provinsi Sumatera Barat, Indonesia. Gunuang Talang balokasi sakitar 9 km dari kota Arosuka ibukota kabupaten Solok, atau sakitar 40 km sabalah timur kota Padang. Mandaki gunuang iko membutuhkan labiah kurang sekitar 3-5 jam serta melewati pos/rambu sebanyak 54 titik
| Talang | |
|---|---|
 Gunuang Talang | |
| Katinggian | 2.597 m (8.52 ft)[1] |
| Daftar | Ribu |
| Lokasi | |
  Talang | |
| Jajaran | Bukik Barisan |
| Koordinat | 0°58′42″S 100°40′46″E / 0.97833°S 100.67944°E |
| Geologi | |
| Jinih | Stratovolcano |
| Usia batuan | Pleistosen |
| Busur/Sabuk vulkanik | Busur Sunda |
| Latuih taakia | 2007 |
Gunuang batipe stratovolcano nan bakatinggian 2.597 m ko adolah salah satu dari gunuang api aktif di Sumatera Barat, sarato salah satu kawahnyo manjadi sabuah danau nan disabuik Danau Talang. Gunuang Talang alah pernah malatuih baulang-kali sajak taun 1833 sampai jo taun 2007[2].
Ado ampek kecamatan nan warganyo bamukim di sakitar kaki gunuang ko, iyolah kecamatan Lembah Gumanti, Danau Kembar, Gunuang Talang, sarato Lembang Jaya. Jumlah panduduak di ampek kecamatan tu mancapai 160.000 jiwa, atau sapatigo dari jumlah panduduak kabupaten Solok.
Pado 11 April 2005, Gunuang Talang malatuih baliak. Gampo nan disaratoi bunyi gamuruah jo latusan nan mangaluaan abu vulkanik alah balangsuang sakurangnyo 42 kali. Di Aia Batumbuak, lokasi tadakek jo sumber latusan, hujan abu mancapai radius 5 km, sadangkan katabalan abu di jalan mancapai 10 cm. Di sabalah selatan Gunuang Talang tabantuak kawah baru nan mangaluaan asok balerang jo hujan baabu vulkanik. Sabanyak 27.000 panduduak harus dievakuasi dari wilayah tu.
Rujuakan suntiang
- ↑ "Talang". Global Volcanism Program. Diarsipkan dari versi asli tanggal 2020-11-14. Diakses tanggal 2010-06-06.
- ↑ http://www.volcanolive.com diakses pada 6 Juni 2010
Pautan lua suntiang
| Ado kategori tantang Gunuang Talang di Wikimedia Commons |
- www.volcano.si.edu Talang Archived 2020-11-14 di Wayback Machine.
