Glodok marupoan kasatuan bagian dari kota lamo nan ado di Jakarta. Sajak pamarintahan Hindia Balando, daerah iko disabuik jo Pecinan, nan paliang gadang di Batavia. Mayoritas panduduak tingga disiko katurunan Tionghoa. Saat iko, Glodok dikenal banyak sabagai sentra panjualan elektronik di Kota Jakarta, Indonesia. Sacaro administratif, daerah iko marupoan kelurahan nan tamasuak dalam wilayah Kecamatan Taman sari, Jakarta Barat.

Sejarah suntiang

Mengenai riwayat daerah di siko, ado babarapa pandapaik[1]. Ado nan mangatoan barasal dari bunyi suaro kucuran aia dari pincuran. Bunyinyo sarupo grojok. Memang cukuik masuak aka dek karano di sinan sakitaran taun 1670 ado samacam waduk panampungan aia dari Ciliwung nan dikucuakan jo pincuran kayu dari katinggian kurang labiah 10 kaki. Kato grojok disabuikan dek urang-urang Tionghoa asli, panduduak mayoritas kawasan sakitar sinan zaman dulu. Lalu, barubah manjadi glodok sasuai jo lidahnyo.

Keterangan lainyo manyabuik bahwa kato glodok barasa dari sabutan jembatan nan malintehan Kali Besar di kawasan sinan, yakni Jembatan Glodok. Disabuik mode itu karano wakatu itu, pado ujuang jembatan ado janjang-janjang nan manempe pado tapi banda tasabuik (Kali Besar) nan dibuek pado 1643. Janjang tasabuik biaso digunoan panduduak sakitar untuak mandi jo mancuci. Pado Bahaso Sunda, Janjang samacam itu disabuiknyo golodok, samo sabutanyo manyarupai bagi janjang nan ado di dalam rumah.

Mandi di banda katiko zaman itu, bukan hanyo kebiasaan urang awak juo (pribumi), namun kebiasaan umum panduduak Batavia. Tamasuak urang-urang Balando nan bapangkek sakalipun.

Referensi suntiang

  1. Ruchiat, Rachmat (2018). Asal-Usul Nama Tempat di Jakarta. p. 44.