Fuad Abdul Hamid Khatib

Fuad Abdul Hamid Al-Khatib (1925 - 28 Oktober 1995), adolah saurang duta besar, aktivis kamanusiaan, panulih, dan pangusaho dari Arab Saudi. Pado kapasitasnyo sabagai saurang diplomat, inyo manjadi pawakilan dari tanah kalahirannyo (Arab Saudi)  untuak Pakistan, Irak, Amerika Serikat, Republik Federal Nigeria, Republik Turki, Republik Rakyat Bangladesh, Nepal, nan pado akhirnyo manjadi duta gadang Arab Saudi untuak Malaysia.

Karir Diplomatik suntiang

Fuad mamulai karir diplomatiknyo sabagai asisten bapaknyo, Syekh Abdul Hamid Khatib, ynan pado wakatu tu iolah duta gadang partamo Arab Saudi untuak Republik Islam Pakistan. Kamudian, inyo ditunjuak sabagai Kuaso Usaho Saudi untuak Republik Irak, tampek di mano inyo mandapekan gala “Bachelor of Science” di bidang Ekonomi dari Universitas Baghdad. Salanjuiknyo, Fuad ditunjuak manjadi panasehat kedutaan Arab Saudi di Amerika Serikat; penunjuakan iko mamacu karir diplomatiknyo ka pado tataran nan labiah tinggi dan inyo juo medapakean kasuksesan pado aenunjuakan barikuiknyo (Nigeria, Turkei, Bangladesh, Nepal, dan Malaysia).

Bangladesh suntiang

Fuad adolah Duta Besar partamo Karajaan Arab Saudi untuak Republik Rakyat Bangladesh nan baru mardeka pado taun 1975, sabuah nagaro baru nan madapekan kamerdekaan dari Pakistan ampek taun seabelumnyo (Republik Rakyat Bangladesh sabalumnyo dikana jo namo Pakistan Timur).[1] Sabagai duta gadang di Bangladesh, Fuad meninggaan pangaruah nan kuek untuak urusan ekonomi, agama, dan kemanusiaan. Pado taun 1981, Inyo mandirian "Ibn Sina Trust" dan "Ibn Sina Medical Group" di Bangladesh, ynan pado akhirnyo bakambang manjadi salah satu kalompok medis nan gadang di Bangladesh pado saaik kiniko, salain itu kalompok tasabuik juo manjalanan banyak rumah sakitk, perusahaan farmasi, mambuek peralatan medis, membangun fakultas kedokteran, dan universitas di Bangladesh.[2][3]

Fuad Khatib jbajaso juo ateh namo pandirian bank Islam partamo di Bangladesh pado taun 1983, yakninyo Islami Bank Bangladesh Ltd, caranyo mamamnggia investor dari Arab Saudi jo nagaro-nagaro Arab lainnyo nan ado di kawasan Teluk Persia untuak berkontribusi tarhadok pambangunan Bank itu.[4] Pado saaik kini, Bank kini manjadi salah satu bank nan gadang di Bangladesh, nan punyo labiah dari 250 cabang, 10.000 karyawan, dan alah barasil mandanai lebiah dari 5 juta proyek di saluruah Bangladesh sajak didirikan.[5] Salain tu, kini ko Bank tasabuik punyo paran gadang pado Proyek Khusus mam bertujuan untuak malayani kaluargo miskin dan mamarangi kemiskinan di nagaro itu, hal tasabuik dilakukan jo mandirian rumah sakit, sekolah, universitas, dan pusek budayo di saluruah negeri.

Malaysia suntiang

Tugas tarakhia Fuad iolah sabagai Duta Besar Saudi untuak Malaysia; indak lamo satalah itu, inyo mamutuihan untuak mangakhiri karir diplomatiknyo dan babaliak baliak ka keluarganya di Arab Saudi. Satalah baliak, inyo diangkek sabagai Asisten Sekretaris Jenderal Organisasi Konferensi Islam (OKI) nan baganti namo pado taun 2011 manjadi Organisasi Kerjasama Islam.[6] Salanjuinyo inyo manjadi Sekretaris Jenderal Dewan Umum Bank Islam jo Lambago Keuangan (nan kamudian merupoan Persatuan Internasional Bank Islam).

Akhir Riwayaik suntiang

Fuad Khatib maninggal pado Pado 28 Oktober 1995 di kota Jeddah; inyo dimakamkan di kota kelahirannyo, Mekkah.

Rujuakan suntiang

  1. Foud, Alkhateeb. "Saudi-Bangladesh relations". Saudi Ministry of Foreign Affairs. Diarsipkan dari versi asli tanggal 2012-03-24. Diakses tanggal 2018-12-04. 
  2. HE Fouad Abdul Hamid Al Khatib Archived 2011-07-13 di Wayback Machine..
  3. Ibn Sina Hospital Fouad Al Khatib Unit.
  4. Asharq Al-Awsat News Paper Archived 2012-04-01 di Wayback Machine..
  5. IBBL Introduction Archived 2011-08-18 di Wayback Machine..
  6. Shiekh Fouad Abdul Hameed Alkhateeb Archived 2012-03-30 di Wayback Machine..