Eropa sacaro geologis, dan geografis adolah sabuah semenanjung atau anak banua (jazirah). Pamisahannyo sabagai banua labiah dek karano pabedaan budayo. Bateh utara adolah Samudera Arktik, di barat adolah Samudera Atlantik, dan di selatan babatehan jo Lauik Tangah. Bateh timurnyo masih alun jaleh dek pamisahan banua ko surang diawali dek faktor budayo tadi. Bateh nan acok dipakai sabagai bateh banua Eropa, jo Asia adolah Pagunuangan Ural, jo Lauik Kaspia.

Eropa
Laweh10,180,000 km2 (3,930,000 sq mi)
Panduduak742, 5 juta (2013)
Nagara50 (dan 13 dipasangketokan) (daftar nagara)
Dependensi
Daerah alun diakui
BahasoDaftar bahaso
Zona wakatuUTC+0 sampai UTC+4
Kota gadangDaftar wilayah metropolitan di Eropa

Banua ko adolah banua paliang ketek kaduo sasudah Australia jo laweh 10.180.000 km² sadangkan bilo dietong dari populasinyo, banua ko talatak di urutan katigo jo populasi tabanyak (di bawah Asia, jo Afrika) jo 742,5 juta jiwa pado taun 2013 atau samo jo sapersalapan panduduak dunia.

Geografis suntiang

Sacaro geografi Eropa marupokan bagian dari daratan nan labiah gadang nan banamo Eurasia. Banua ko tabantang sajak nan dari Pagunuangan Ural di Rusia, nan manggambarkan bateh timur Eropa jo Asia. Bateh tenggara jo Asia indak tagambarkan sacaro jaleh. Paliang umum adolah Sungai Ural atau, Sungai Emba. Batehnyo balanjuik inggo Lauik Kaspia, dan kudian Pagunuangan Kaukasus, atau Depresi Kuma-Manych, dan sampai ka Lauik Itam; Bosporus, Lauik Marmara, jo Dardanelles mangakhiri bateh Asia. Lauik Mediterania di selatan mamisahan Eropa dari Afrika. Bateh di bagian barat adolah Samudra Atlantik.

Ampia saluruah nagara-nagara Eropa adolah anggota dari Konsil Eropa, jo pangacuallian Belarus, jo Tahta Suci (Kota Vatikan).

Eropa mamiliki pakumpulan nagara-nagara Eropa nan banamo Uni Eropa nan kini mamiliki 27 nagara anggota, dan masih taruih bakambang.

Nagara-nagara mardeka suntiang

Peta Eropa nan dapek ditakan[1] (lagenda: biru = nagara nan masuak baiak Eropa maupun Asia; ijau = takadang dimasuakan ka dalam Eropa, tapi sacaro geografis di lua bateh Eropa)

Nagara-nagara mardeka barikuik ko mampunyoi wilayah kakuasoan di Eropa:

 

1 Kamardekaan Abkhazia, Kosovo, Ossetia Selatan, jo Siprus Utara hanyo diakui dek sabagian kaciak nagara di dunia.
2 Sabagian dari Azerbaijan, jo Georgia talatak di Eropa jo dasar definisi bateh antaro Eropa, jo Asia, iyolah puncak Pagunuangan Kaukasus.
3 Wilayah Kazakhstan di Eropa tadiri dari bagian barat Sungai Ural, jo Emba.
4 Namo nagara ko masih dalam padebatan. Lihat Republik Makedonia.
5 Wilayah Rusia di barat Pagunuangan Ural dianggap bagian dari Eropa.

Rujuakan suntiang

  1. The map shows one of the most commonly accepted delineations of the geographical boundaries of Europe, as used by National Geographic and Encyclopaedia Britannica. Whether countries are considered in Europe or Asia can vary in sources, for example in the classification of the CIA World Factbook or that of the BBC.