Epidemiologi
Epidemiologi adolah cabang ilimu biologi nan mampalajari jo maganalisis panyabaran, pola, jo panantu kondisi kasihatan dan panyakik pado populasi tatantu.[1]
Epidemiologi marupokan landasan bagi kasihatan masyarakaik, yang mambantuak pangambilan kaputusan dalam kabijakan publik jo praktik babasis bukti dengan maidentifikasi faktor risiko panyakik jo mangidentifikasi tujuan pancegahan panyakik. Ahli epidemiologi mambantu jo disain studi, pangumpuan jo analisis statistik data, mambuek interpretasi, jo manyebaran tamuannyo (tamasuak sasakali tinjauan sajawek jo tinjauan sistematis). Epidemologi alah mambantu mangambangan metodologi nan digunoan dalam panelitian klinis, panelitian kasihatan masyarakaik, dan pado tingkek labiah randah, panalitian dasar dalam biologi.[2]
Bidang utamo studi epidemiologi maliputi panyebab panyakik, panularan panyakik, panyelidikan wabah, surveilans panyakik, epidemiologi lingkungan, epidemiologi forensik, epidemiologi pakerjaan, panapisan, pamantauan hayati, jo pabandiangan efek pangobatan sarupo dalam uji klinis. Ahli epidemiologi mangandalan disiplin ilimu lain sarupo biologi untuak labiah mamahami proses panyakik, dan statistika untuak labiah mamanfaaikan data sacaro efisien jo manarik kasimpulan nan tapek, ilimu sosial untuak labiah mamahami panyabab langsuang jo tadakek, dan rekayasa untuak panilaian paparan.
Epidemiologi, sacaro harfiah bararti "studi tantang apo nan ado pado urang-urang", barasa dari bahaso Yunani epi, nan bararti 'di antara', jo demos, nan bararti 'urang, distrik', jo logos, nan bararti 'studi, kato, wacana', sahinggo manunjuakan bahwasanyo epidemiologi hanyo balaku untuak populasi manusia. Namun, istilah iko banyak digunoan dalam studi populasi hewan (epidemiologi veteriner), maskipun istilah "epizoologi" tasadio, dan juo alah balaku di studi populasi tumbuahan (epidemiologi panyakik tumbuahan).[3]
Pabedaan antaro "epidemi" jo "endemi" partamo kali dikecekan dek Hippokrates,[4] untuak mambeda-an antaro panyakik nan "mangunjuangi" suatu populasi (epidemi) jo panyakik nan "tingga di dalam" suatu populasi (endemi).[5] Istilah "epidemiologi" tampaknyo partamo kali digunoan untuak mangambaran studi epidemi pado taun 1802 dek dokter Spanyol Villalba dalam karyanyo, Epidemiologia Espanola.[5] Ahli epidemiologi juo mampalajari interaksi panyakik dalam suatu populasi, suatu kondisi nan dikenal sabagai sindemik.
Istilah epidemiologi kini ko banyak digunoan untuak manguraian deskripsi jo panyabab babagai kondisi kasihatan, indak hanyo panyakik epidemi, tatapi panyakik sacaro umum, dan bahkan banyak kondisi non panyakik takaik kasihatan, sarupo takanan darah tinggi, depresi, jo kagapuakan. Oleh karano itu, epidemiologi iko didasaran pado bagaimano pola panyakik manyababkan parubahan fungsi badan manusia.
Referensi suntiang
- ↑ Susilawati dan Bachtiar, N. (2018). Biologi Dasar Terintegrasi (PDF). Pekanbaru: Kreasi Edukasi. hlm. 5. ISBN 978-602-6879-99-8.
- ↑ Miquel Porta (2014). A Dictionary of Epidemiology (edisi ke-6). New York: Oxford University Press. ISBN 978-0-19-997673-7. Diakses tanggal 16 Juli 2014.
- ↑ Nutter, Jr., F.W. (1999). "Understanding the interrelationships between botanical, human, and veterinary epidemiology: the Ys and Rs of it all". Ecosystem Health. 5 (3): 131–40.
- ↑ Hippocrates. (~200 BC). Airs, Waters, Places.
- ↑ a b Carol Buck, Alvaro Llopis; Enrique Nájera; Milton Terris (1998) The Challenge of Epidemiology: Issues and Selected Readings. Scientific Publication No. 505. Pan American Health Organization. Washington, DC. p. 3.
Pranala lua suntiang
| Wikimedia Commons mampunyoi media nan bahubuangan jo Epidemiology |
| Caliak katarangan manganai epidemiology di Wikikato. |
- The Health Protection Agency
- The Collection of Biostatistics Research Archive
- European Epidemiological Federation
- 'Epidemiology for the Uninitiated' by D. Coggon, G. Rose, D.J.P. Barker, British Medical Journal
- Epidem.com – Epidemiology (peer reviewed scientific journal that publishes original research on epidemiologic topics)
- 'Epidemiology' – In: Philip S. Brachman, Medical Microbiology (fourth edition), US National Center for Biotechnology Information
- Monash Virtual Laboratory – Simulations of epidemic spread across a landscape
- Division of Cancer Epidemiology and Genetics, National Cancer Institute, National Institutes of Health
- Centre for Research on the Epidemiology of Disasters – A WHO collaborating centre
- People's Epidemiology Library
- Epidemiology of COVID-19 outbreak