Demografi marupoan gabuangan duo buah kato nan diambiak dari bahaso Yunani, yaitunyo demos jo grafein nan mano aratinyo rakyaik jo tulisan. Jadi demografi adolah satiok tulisan nan manjalehan tentang masyarakaik atau kapanduduakan manusia.[1] Untuak maganalisis kapanduduakan tasabuik dapek marujuak masyarakaik sacaro kasaluruahan atau kalompok tatantu nan didasarkan pado kriteria sarupo pendidikan, kewarganegaraan, agamo, atau etnisitas tatantu.[2]

Pangartian suntiang

Demografi adolah sabuah studi ilmiah tantang panduduak tarutamo nan bakaitan jo fertilitas, mortalitas, sarato mobilitas. Demografi iko didalamnyo tamasuak penduduk, pasebaran geografis, komposisi panduduak jo karakter demografis sarato mancaliak bagaimano faktor-faktor iko barubah dari wakatu ka wakatu.[3] Mako karano itu, demografi fokus untuak mangkaji pamasalahan kapanduduakan sacaro kuantitatif, sarupo jumlah, struktur, komposisi, jo ukuran kapanduduakan sahinggo teknik-teknik pahituangan data kapanduduakan atau demografi sangaik diparaluan untuak mandapekan hasia jo kualitas pahitungannyo nan baiak.[4]

Variabel demografi suntiang

Para praktisi atau urang nan ahli di bidang kapanduduakan disabuik juo sabagai demograf.[2] Para demograf ikolah nan kan mangkaji tigo buah variabel demografi yaitunyo statistik fertilitas (kealahiaran), mortalitas (kamatian), jo mobilitas (papindahan tampek). Hal tasabuik dikaranoan katigo variabel iko marupoan komponen nan bapangaruah tahadok parubahan panduduak. salain itu, Katigo komponen tasabuik diukua jo tingkek kalahiaran, tingkek kamatian jo tingkek migrasi atau papindahan nan manantuan jumlah panduduak, komposisi umua sarato jo laju patambahan atau panurunan panduduak.[3]

Bonus demografi suntiang

Bonus demografi adolah sabuah paluang (window of opportunity) nan dinikmati dek suatu negara sabagai akibaik dari gadangnyo proporsi atau jumlah panduduak produktif (rentang umua 15-64 tahun) dalam evolusi kapanduduakan nan tajadi di negara tasabuik. Di Indonesia, fenomena iko tajadi karano proses transisi demografi nan bakambang samanjak babarapo tahun lalu nan dipacapek pulo dek kabahasialan kabijakan kapanduduakan nan manurunan tingkek fertilitas, maningkekan kualitas kesehatan jo suksesnyo program-program pambangunan samanjak era Orde Baru sampai pado maso kiniko.[5]

Pariode bonus demografi dihituang marujuak kapado economic support ratio yaitunyo jumlah tanago karajo produktif nan manopang satiok saratuih urang panduduak. Economic support ratio ko dapek maagia gambaran sacaro labiah efektif potensi panduduak baumua produktif nan tasadio untuak dioptimalan dalam pambangunan.[6]

Bonus demografi di Indonesia suntiang

Indonesia alah mandapek bonus demografi mulai samanjak 2010 nan kamudian dipakiroan dapek mancapai puncaknyo sakitar tahun 2020 hinggo tahun 2030. Marujuak ka data Badan Pusat Statistik hasia sensus panduduak tahun 2010 angko rasio katagantuangannyo adolah 51.3%. Bonus demografi tatinggi biasanyo didapekan angko katagantuangannyo antaro 40-50%, nan bararti bahwasanyo 100 urang baumua produktif mananggung 40-50 urang baumua nan indak produktif.[5] Di negara-negara maju sarupo di Eropa alah salasai malewati maso-maso kaamehan bonus demografi, samintaro itu babarapo negara Asia sarupo Tiongkok kiniko alah mulai manikmatinyo. Bonus demografi di negara-negara Eropa tajadi bavariasi antaro tahun 1950-2000. Tiongkok mulai manikmati bonanza bonus demografi samanjak tahun 1990 nan balangsuang sampai 2015. Di India, hampia samo jo di Indonesia, mandapekan bonus demografi samanjak tahun 2010. Samintaro itu di negara-negara Afrika, bonus demografi dipakiroan tajadi pulo hinggo tahun 2045.[5]

Manfaaik suntiang

Tadapek babarapo manfaaik dari demografi ko untuak sabuah negara. Partamo, tasadionyo labiah banyak paluang pasa tarutamo dapek maundang investor untuak mananaman modal di Indonesia. Kaduo, mandapekan sumber dayo manusia nan bakualitas dari sagalo aspek. Katigo, mampunyoi banyak tanago karajo nan produktif jo kreatif dari segi umua sarato jo kamampuan.[7]

Rujuakan suntiang

  1. Fitriani, Nurul, Theresia Militina, Aji Sofyan Effendi (2012). "PENGARUH FAKTOR DEMOGRAFI DAN INVESTASI SWASTATERHADAP PERTUMBUHAN EKONOMI KOTA SAMARINDA" (PDF). Jurnal Ekonomi Pembangunan. 10 (1): 50. ISSN 2527-4023. 
  2. a b "Apa Itu Demografi, Manfaat, Tujuan, Variabel, Komponen". Pelayanan Publik (dalam bahasa Inggris). Diakses tanggal 2020-11-03. 
  3. a b Santoso, Soeroso (2005) (dalam bahaso id). Mengharusutamakan Pembangunan Berwawasan Kependudukan di Indonesia. Jakarta: EGC. pp. 3. ISBN 978-979-448-677-1. https://books.google.co.id/books?id=vKEQ4pS2qvwC&pg=PA2&dq=demografi+adalah&hl=en&sa=X&ved=2ahUKEwickNWMu_DtAhW_ILcAHVeEDNAQuwUwAHoECAAQCA#v=onepage&q=demografi%20adalah&f=false. 
  4. Armansyah (2019-05-16) (dalam bahaso id). MENJAWAB TANTANGAN DEMOGRAFI. Jakarta: GUEPEDIA. pp. 7. ISBN 978-623-229-195-9. https://books.google.co.id/books?id=aoqYDwAAQBAJ&pg=PA7&dq=demografi+adalah&hl=en&sa=X&ved=2ahUKEwjykZH5v_DtAhVWgtgFHb2eCIYQ6AEwAXoECAMQAg#v=onepage&q=demografi%20adalah&f=false. 
  5. a b c Djoko, M. A. S. Sri; Karyana, Yayat; Karim, Nur Azmi; Mirdad, Ade Jamal; Fatah, R. Hozin Abdul; Kusdiana, Dikdik; Pamungkas, Panji; Badranaya, Djaka (2017-05-13) (dalam bahaso id). Mobilitas Penduduk Dan Bonus Demografi. Bandung: UNPAD PRESS. pp. 124. ISBN 978-602-0810-00-3. https://books.google.co.id/books?id=lHXhDgAAQBAJ&pg=PA124&dq=bonus+demografi+adalah&hl=en&sa=X&ved=2ahUKEwj6jMqUtPXtAhVJ7XMBHZ-6DUgQ6AEwAXoECAQQAg#v=onepage&q=bonus%20demografi%20adalah&f=false. 
  6. Wibowo, Pandu (2019-11-13) (dalam bahaso id). DESAINER BARU BIROKRASI: Menyambut Gelombang ASN Milenial di Birokrasi. Yogyakarta: Phoenix Publisher. pp. 2. ISBN 978-602-0713-94-6. https://books.google.co.id/books?id=e8O9DwAAQBAJ&pg=PR1&dq=bonus+demografi+adalah&hl=en&sa=X&ved=2ahUKEwj6jMqUtPXtAhVJ7XMBHZ-6DUgQ6AEwCHoECAgQAg#v=onepage&q=bonus%20demografi%20adalah&f=false. 
  7. Savitri, Astrid (2019) (dalam bahaso id). Bonus Demografi 2030: Menjawab Tantangan serta Peluang Edukasi 4.0 dan Revolusi Bisnis 4.0. Semarang: Penerbit Genesis. pp. 8. ISBN 978-602-5713-99-6. https://books.google.co.id/books?id=Dy3TDwAAQBAJ&pg=PA7&dq=demografi+adalah&hl=en&sa=X&ved=2ahUKEwjCvbbmt_XtAhVF_XMBHeHmDyIQ6AEwA3oECAYQAg#v=onepage&q=demografi%20adalah&f=false.