Dara Jingga
Dara Jingga adolah salah surang puti Malayu Dharmasraya, nan dibao ka Jawa basamo rombongan Ekspedisi Pamalayu, nan diutuih ka Sumatera pado 1275 dek Rajo Kertanagara dari Singhasari.[1][2]
Serat Pararaton jo Kidung Panji Wijayakrama manyabuik baso Dara Jingga jo adiaknyo Dara Petak turuik sato basamo rombongan Singhasari nan tibo di Jawa pado 1293,[2] iyolah sapuluah ari satalah pasukan Mojopaik barasia mausia pasukan Mongol.[1][3] Dijalehan pulo baso Dara Jingga kudian manjadi bini surang bangsawan (sira alaki Dewa),[2][3] sarato punyo anak nan satalah gadang jadi rajo di Tanah Malayu, banamo Tuhan Janaka bagala Sri Marmadewa dan Aji Mantrolot.[1][2]
Babarapo ahli sijarah bakasimpulan baso Dara Jingga taubuang darah jo Rajo Tribhuwanaraja, nan mandapek kiriman adiah arca Amoghapasa dari Rajo Kertanagara pado taun 1286.[1] Badasar kapado batu basurek Padang Roco jo batu basurek Bukik Gombak, didugo pulo baso Tuhan Janaka indak lain adolah Rajo Adityawarman nan bagala Maulimaniwarmadewa,[2] sadang suami Dara Jingga adolah Adwayawarman nan urang gadang istano Singhasari-Mojopaik.[1] Sungguahpun baitu indak sadonyo ahli sijarah sapakaik jo kasimpulan tu.[2][3]
Caliak pulo suntiang
Rujuakan suntiang
- ↑ a b c d e Muljana, Slamet (2005). Runtuhnya kerajaan Hindu-Jawa dan timbulnya negara-negara Islam di Nusantara. Ed. cetak ulang. PT LKiS Pelangi Aksara. p. 4-17. ISBN 9798451163, 9789798451164. https://books.google.co.id/books?id=j9ZOKjMxVdIC&pg=PA5&dq=dara+jingga&hl=id&sa=X&ved=0ahUKEwjctaXn0NnOAhXJtY8KHbuIAUAQuwUIHzAA#v=onepage&q=dara%20jingga&f=false.
- ↑ a b c d e f Kozok, Uli (2006). Yayasan Obor Indonesia. p. 24-39. ISBN 9794616036, 9789794616031. https://books.google.co.id/books?id=Z8Z6XXYuFJ0C&pg=PA24&dq=dara+jingga&hl=id&sa=X&ved=0ahUKEwjctaXn0NnOAhXJtY8KHbuIAUAQuwUIMDAD#v=onepage&q=dara%20jingga&f=false.
- ↑ a b c Muljana, Slamet (2006). Sriwijaya. PT LKiS Pelangi Aksara. p. 291. ISBN 9798451627, 9789798451621. https://books.google.co.id/books?id=l1ALHtAiibQC&pg=PA291&dq=dara+jingga&hl=id&sa=X&ved=0ahUKEwjctaXn0NnOAhXJtY8KHbuIAUAQuwUIJTAB#v=onepage&q=dara%20jingga&f=false.