Cut Nyak Dhien
Cut Nyak Dhien, ejaan lamo Tjoet Nja' Dhien (laia di Lampadang, Kasultanan Aceh, 1848 – maningga di Sumedang, Tanah Pasundan, 6 November 1908[1] pado umua 60 taun, dikubuaan di Gunuang Puyuah, Sumedang) adolah surang Pahlawan Nasional Indonesia dari Aceh nan bajuang malawan Balando pado maso Parang Aceh.
Cut Nyak Dhien | |
|---|---|
 Cut Nyak Dhien | |
| Lahia | 1848 |
| Maningga | 6 November 1908 (umua 59–60) |
| Panyobab maningga | Maningga dek sakik-sakik sasudah di asiangan dek Balando |
| Burial place | Komplek Makam Cut Nyak Dhien, Sumedang, Jawa Barat 6°51′47.7″S 107°54′59.1″E / 6.863250°S 107.916417°EKoordinat: 6°51′47.7″S 107°54′59.1″E / 6.863250°S 107.916417°E |
| Namo lain | Ibu Perbu / Ibu Ratu / Ibu Suci (Sumedang) |
| Dikana dek | Pahlawan Nasional Indonesia |
| Pagarakan | Perang Aceh jo Balando |
| Opponent(s) |  Balando |
| Pasangan | Ibrahim Lamnga, Teuku Umar |
| Anak | Cut Gambang |
| Urang tuo | Teuku Nanta Seutia |
| Dusanak | Teuku Mayet Ditiro (Menantu) |
| Kaluargo | Teuku Rayut (Saudara Kandung) |
Kahidupan awal suntiang
Cut Nyak Dhien dilahiaan dari kaluarga bangsawan nan taat baagamo di Aceh Besar, wilayah VI Mukim pado taun 1848. Ayahnyo banamo Teuku Nanta Setia, surang uleebalang VI Mukim, nan marupoan katurunan Machmoed Sati, parantau dari Minangkabau. Machmoed Sati mungkin datang ka Aceh pado abaik ka 18 katiko Kasultanan Aceh diparintah dekh Sultan Jamalul Badrul Munir. Oleh sabab itu, ayah dari Cut Nyak Dhien marupoan katurunan Minangkabau[2][3]. Ibu Cut Nyak Dhien adolah putri uleebalang Lampagar.
Pado maso keteknyo, Cut Nyak Dhien adolah anak nan rancak.[2] Cut Nyak Dhien mandapek-an pandidikan pado bidang agamo (nan dididik dek urang tuo ataupun guru agamo) sarato pandidilan rumah tanggo (mamasak, malayani laki, sarato nan manyangkuik kahidupan sahari-hari nan dididik baiak dek urang tuonyo). Banyak laki-laki nan suko pado Cut Nyak Dhien nan bausao malamarnyo. Pado umua 12 taun, Cut Nyak Dhien lah dinikahan dek urangtuonyo pado taun 1862 jo Teuku Cek Ibrahim Lamnga[2][3], putra dari uleebalang Lamnga XIII. Mareka punyo surang anak laki-laki.
Paparangan malawan Balando suntiang
Pado tangga 26 Maret 1873, Balando manyatoan parang ka Aceh sarato mulai malapehan mariam ka daratan Aceh dari kapa parang Citadel van Antwerpen. Parang Aceh mulai tajadi.
Parang partamo pado tahun 1873-1874 nan dipimpin dek Panglima Polim jo Sultan Machmud Syah malawan Balando nan dipimpin dek Johan Harmen Rudolf Köhler. Katiko itu Balando mangirim prajurik sabanyak 3.198 prajurik. Pado tangga 8 April 1873, Balando tibo di Pantai Ceureumen di bawah pimpinan Köhler sarato bisa langsuang manguasai Musajik Raya Baiturrahman. Musajik itu kamudian dibaka dek Balando sarato prajuriknyo.
Pado parang partamo ko Kasultanan Aceh bisa mamanagkan parang jo Balando. Johan Harmen Rudolf Köhler mati tatembak pado bulan April 1873.
Jenderal Jan van Swieten sarato pasukannyo bahasia manduduki daerah VI Mukim, Aceh pado tahun 1973. Kamudian pado tahun 1874 Keraton Sultan jatuah ka tangan Balando. Pado
24 Desember 1875, Cut Nyak Dien jo bayinyo sarato ibu-ibu jo rombongan lainnyo pai mangungsi manyalamaikan diri. Sadangkan suaminyo Ibrahim Lamnga malanjuikan patampuran malawan Balando marabuik baliak daerah VI Mukim.
Ibrahim Lamnga tewas di Gle Tarum pado tanggal 29 Juni 1878 nan manyabab-an Cut Nyak Dhien sangek berang lalu basumpah nak maancuaan Balando.
Teuku Umar, salah surang tokoh nan malawan Balando, malamar Cut Nyak Dhien. Pado mulonyo Cut Nyak Dhien manulak, tapi karano Teuku Umar mambuliahannyo sato baparang, Cut Nyak Dhien satuju untuak manikah jo Teuku Umar pado taun 1880.[1] Mareka dikaruniai anak nan diagiah namo Cut Gambang.[4]
Sasudah panikahannyo jo Teuku Umar, mareka baduo baparang basamo malawan Balando. Namun, Teuku Umar gugua katiko manyarang Meulaboh pado tanggal 11 Februari 1899, sahinggo Cut bajuang surang di padalaman Meulaboh basamo pasukan keteknyo. Cut Nyak Dhien katiko itu alah gaek sarato bapanyakik encok jo rabun, sahinggo surang anggota pasukannyo nan banamo Pang Laot malaporan kabaradoannyo karano ibo.[2][5]
Cut Nyak Dhien akhianyo ditangkok lalu dibao ka Banda Aceh. Di sinan baliau dirawat lalu panyakiknyo mulai elok. Namun, kabaradoannyo manambah sumangaik palawanan rakyaik Aceh. Cut Nyak Dhien masih bahubuangan pulo jo pajuang Aceh nan alun tatangkok. Akibaiknyo, Dhien dibuang ka Sumedang. Tjoet Nyak Dhien maningga pado tanggal 6 November 1908 lalu dikubuaan di Gunuang Puyuah, Sumedang.
Panghargaan suntiang
Biografi dalam Seni suntiang
Parjuangan Cut Nyak Dien diinterpretasi dalam film drama epos na bajudul Tjoet Nja' Dhien pado tahun 1988 nan disutradarai dek Eros Djarot jo dibintangi dek Christine Hakim nan baperan sabagai Tjoet Nja' Dhien, Piet Burnama sabagai Pang Laot, Slamet Rahardjo sabagai Teuku Umar jo didukuang Rudy Wowor. Film iko mamanangkan Piala Citra sabagai film paliang baik, jo marupoan film Indonesia paetamo nan ditayangkan di Festival Film Cannes (tahun 1989).
Pado tangga 13 April 2014, karya seni untuak maingek samangaik pajuangan jo pajalanan iduik Cut Nyak Dhien (CND) dalam bantuak teater monolog nan dimainkan jo disutradarai dek Sha Ine Febriyanti. Teater ko dipentaskan patamo kali di Auditorium Indonesia Kaya, Jakarta. Naskah salamo 40 minik ko ditulih dek Prajna Paramita tu, dipentaskan baliak pado tahun 2015 di Jakarta, Pekalongan, Magelang, Semarang, dan Banda Aceh.
Pangabadian suntiang
- Sabuah kapa perang TNI-AL diagiah namo KRI Cut Nyak Dhien.
- Pitih rupiah nan baharago Rp10.000,00 nan dikaluakan tahun 1998 ado gambar Cut Nyak Dhien nan deskripsi Tjoet Njak Dhien.
- Diabadikan di banyak kota Indonesia sabagai namo jalan.
- Musajik Aceh kecil didirikan di dakek pusaro untuak Cut Nyak Dhien.
Rujuakan suntiang
- ↑ a b Sai, Julinar, Tiara Wulandari (1995). Ensiklopedi Pahlawan Nasional. Jakarta: Direktorat Sejarah dan Nilai Tradisional, Direktorat Jendal Kebudayaan. pp. 19.
- ↑ a b c d Armand, Deddi. Cut Nyak Dien. Penerbit: Pustaka Ananda
- ↑ a b "Tentang Cut Nyak Dhien di situs resmi pemerintah Provinsi Nanggroe Aceh Darussalam". Diarsipkan dari versi asli tanggal 2008-02-02. Diakses tanggal 2013-05-07.
- ↑ "Tjoet Njak Dien (Cut Nyak Dhien)".
- ↑ "Tentang Cut Nyak Dhien di tokohindonesia.com". Diarsipkan dari versi asli tanggal 2006-11-21. Diakses tanggal 2013-05-07.
Daftar pustaka suntiang
- Armand, Deddi. Cut Nyak Dien. Penerbit: Pustaka Ananda.
- Sudarmanto, Y.B. 1999. Jejak Pahlawan Indonesia. Penerbit: Grasindo.
- Muhazir. 1984 .Pahlawan Repulusi Aceh
Pautan lua suntiang
| Ado kategori tantang Cut Nyak Dhien di Wikimedia Commons |
| Wikiquote punyo koleksi kutipan nan berkaitan jo: |
- (Indonesia) "Perempuan Aceh Berhati Baja" Bio Cut Nyak Dien di Ensiklopedi Tokoh Indonesia Archived 2013-05-29 di Wayback Machine.
- (Indonesia) Biografi Cut Nyak Dhien di tokohindonesia.com Archived 2011-02-24 di Wayback Machine.
- (Indonesia) Biografi Cut Nyak Dhien di Website Pemerintah Provinsi Nanggroe Aceh Darussalam Archived 2008-02-02 di Wayback Machine.
- (Indonesia) Film Perjuangan Tempo Dulu Archived 2013-03-26 di Wayback Machine.
- (Inggirih) Tjoet Njak Dien Story @ Victory News Magazine Archived 2013-02-08 di Archive.is
- (Indonesia) Cut Nyak Dien Pahlawan Tanah Rencong @ WartaNews.com Archived 2010-09-23 di Wayback Machine.