Batu basurek Kuburajo II
Batu basurek Kuburajo II adolah salah satu batu basurek paninggalan dari maso Rajo Adityawarman. Di komplek batu basurek ko, ado tigo buah batu bajaja nan ukuarannyo gadang, disusun sarupo sandaran tampek duduak untuak rapek para pangulu/kapalo adaik di maso daulu.[1]
Nan disabuik jo namo batu basurek Kuburajo II ado di tangah, sadang batu-batu nan di suok jo di kida dibari iasan nan basipaik candrasangkala. Batu basurek Kuburajo II tadiri dari salapan barih nan ditulih dalam bahaso campuaran Sanskerta jo Jawa Kuno. Aratinyo masih sarik dikataui, namun ado duo kato puri jo sthana nan kamungkinan marujuak pado istano rajo.[1]
Batu di sabalah suok baiasan bungo matoari jo ampek vajra (simbol), iyolah tujuah alai daun, jo tigo kuncuik bungo, nan dapek diaratian 12, 7, jo 3, iyolah 1273 Saka atau 1351 Masehi.[2]
Batu nan di sabalah kida baiasan labi nan di tangah badannyo ado lingkaran malambangan matoari, badannyo basagi anam, kapalonyo maadok ka bawah, nan dapek diaratian 12, 6, jo 1, iyolah 1261 Saka, atau 1339 Masehi.[2]
Caliak pulo suntiang
Rujuakan suntiang
- ↑ a b Kozok, Uli (2015). A 14th Century Malay Code of Laws: The Nitisarasamuccaya. Institute of Southeast Asian Studies. p. 40. ISBN 9789814459747, 9814459747. https://books.google.co.id/books?id=35lqBgAAQBAJ&pg=PA39&dq=kuburajo+II&hl=en&sa=X&ved=0ahUKEwifsv6CyqzPAhWJRI8KHTaTAPQQuwUIJTAB#v=onepage&q=kuburajo%20II&f=false.
- ↑ a b Aroengbinang, Bambang (19 Januari 2017). "Situs Prasasti Kubu Rajo Tanah Datar". thearoengbinangproject.com. Diarsipkan dari versi asli tanggal 13 November 2015. Diakses tanggal 26 September 2016.