Bahaso Rejang (dalam bahaso Rejang: baso Jang, baso Hêjang; diucap: [baso d͡ʒaŋ], [baso həd͡ʒaŋ]) adolah sabauh bahaso Austronesia nan dituturkan dek masyarakaik Rejang di bagian barat daya Pulau Sumatera, tapeknyo di wilayah pagunuangan Bukik Barisan inggo dataran randah jo daerah pasisia di Bengkulu Tangah jo Bengkulu Utara. Bahaso Rejang tabagi ka dalam limo dialek: Lebong (Lêbong), Musi/Curup (Musai/Cu'up), Kepahiang/Keban Agung (Kêpahiang), Pasisir (Pêsisia), jo Rawas (Awês). Dialek Rawas dituturkan di Ulu Rawas, Sumatera Selatan. Ampek dialek lainnyo dituturkan di Provinsi Bengkulu. Salain dialek Pasisir nan dituturkan di pasisia, dialek bahaso Rejang lainnyo dituturkan di kawasan padalaman.[10]

Bahasa Rejang
Baso Jang
Baso Hêjang
Ditutuakan diIndonesia
RantauTanah Rejang (Tanêak Jang)[1]
EtnisSuku Rejang[2]
Jumalah panutua±500 ribu jiwa  (2010)[3][4]
Rumpun bahaso
Logaik
Lebong
Musi/Curup
Kepahiang/Keban Agung
Pasisir
Rawas[6]
Sistim panulihanLatin (kontemporer)
Rikung (klasik)[7]
Kode-kode bahaso
ISO 639-3rej
Linguist Listrej Rejang[8]
 rej-leb Lebong
 rej-mus Musi
Linguasphere31-MFI-a [9]

Bahaso Rejang adolah ciek dari sapuluah bahaso asali Bengkulu salain bahaso Besemah, Enggano, Kaur, Lembak, Melayu, Minang (Mukomuko), Nasal, Pekal, jo Serawai. Salain tu bahaso ko manjadi bahaso mayoritas di limo dari sapuluah kabupaten jo kota di Provinsi Bengkulu. Walaupun baitu, globalisasi jo capeknyo ekonomi mambuek bahaso Rejang samakin mamuda tarutamo di ruang publik sarato tagantikan dek bahaso Malayu nan sajak lamo dipandang sabagai bahaso tinggi sakaligus lingua franca kawasan.[11][12]

Klasifikasi suntiang

Bahaso Rejang adolah salah satu bahaso dalam rumpun bahsao Austronesia dari rumpun nan labiah ketek iyolah Melayu-Polinesia nan baranggotakan ribuan bahaso, dek karanonyo banyak kasamoan dalam pangucapan, tata kalimaik, jo kosakato jo bahaso-bahaso Austronesia lainnyo. Bahaso Rejang indak bakarabaik sacaro jaleh jo bahaso-bahaso Melayu-Polinesia lainnyo di Sumatera. Manuruik Ethnologue, bahaso ko marupokan isolat di dalam rumpun Melayu-Polinesia.[13] Sementara itu MultiTree menganggapnya sabagai bahaso nan alun diklasifikasikan.[14] Salain Rejang, bahaso Katabaga, Gorap, dan Hukumina adolah bahaso lain dalam kaluargo Melayu-Polinesia nan alun diklasifikasikan. Bahaso Katabaga, Gorap, dan Hukumina juo terdaftar sabagai bahaso alun terklasifikasi manuruik Ethnologue.

Dalam makalahnya taun 2009, McGinn dari Universitas Ohio mengklasifikasikan bahaso iko ka dalam kalompok Bidayuh dari kaluargo bahaso Dayak Darek nan dituturkan di Kalimantan Barat dan Sarawak, Malaysia. Bahaso Bukar-Sadong adolah kerabat terdekat bahaso Rejang.[15] Tadapek kemungkinan bahwa bahaso Rejang bekerabat jo bahaso nan baru sajo ditamuan di wilayah Kabupaten Kaur, Bengkulu, Bahasa Nasal. Tetapi, hal iko baru sebatas spekulasi atau dugaan semata.[16]

Barikuik adolah perbandingan kosakata numeral bahaso Rejang jo bahasa-bahasa Austronesia lain nan dituturkan di wilayah sekitarnya:
Bahasa 1 2 3 4 5 6 7 8 9 10
PAN *isa *DuSa *telu *Sepat *lima *enem *pitu *walu *Siwa *puluq
Lembak-Musi satu due tige empat lime enam tuju delapan sembilan sepoloh
Serawai satu duau tigau empat limau enam tujuh delapan sembilan sepuluh
Besemah satu due tige empat lime enem tujuh delapan sembilan sepuluh
Melayu Bengkulu satu duo tigo empek limo nam tuju (de)lapan sembilan sepulu
Melayu/Indonesia satu dua tiga empat lima enam tujuh lapan/delapan sembilan sepuluh
Minangkabau ciek duo tigo ampek limo anam tujuah salapan sambilan sapuluah
Rejang[17] do duai tlau pat lêmo num tujuak dêlapên sêmbilan sêpuluak

Rujuakan suntiang

  1. UIN Surabaya. 2013. Adat Bemaling Suku Rejang di Kabupaten Rejang Lebong, Bengkulu
  2. Departemen Pendidikan dan Kebudayaan. 1991. Pengobatan Tradisional Pada Masyarakat Pedesaan Daerah Bengkulu. Hlm. 10
  3. "Kontribusi Kosakata Bahasa Daerah dalam Bahasa Indonesia". Diarsipkan dari versi asli tanggal 2012-10-27. Diakses tanggal 2019-01-13. 
  4. [BPS. 2010. Kewarganegaraan, Suku Bangsa, Agama, dan Bahasa Sehari-hari Penduduk Indonesia. Hasil Sensus Penduduk 2010. Hlm. 37]
  5. McGinn, Richard. 1999. The Position of the Rejang Language of Sumatra in Relation to Malay and the "Ablaut" Languages of Northwest Borneo.
  6. McGinn, Richard. 2007. Asal Bahasa Rejang
  7. Jaspan, Mervyn A. 1964. Folk Literature of South Sumatra, Redjang Ka-Ga-Nga texts. Canberra: The Australian National University
  8. MultiTree:A Digital Library of Language Relationships"Rejang". Diakses tanggal 2018-11-12. 
  9. Le Répertoire de la linguasphère / The Linguasphere Register"Linguasphere Index (Language and Communities)" (PDF). Diarsipkan dari versi asli (PDF) tanggal 2018-11-12. Diakses tanggal 2018-11-12. 
  10. Marsden, William (1783). The History of Sumatra, containing An Account of the Government, Laws, Customs, and Manners of the Native Inhabitants, With A Description of the Natural Productions, And A Relation of the Ancient Political State of the Island. Printed for Author. p. 37, 183. 
  11. "Vitalitas Bahasa Rejang: Melacak Daya Hidup Bahasa Kuno Bengkulu oleh Mahasiswa UGM". Diakses tanggal 2018-11-04. 
  12. "Tim Satu-Satunya PKM Penelitian Sosiohumaniora UGM Berhasil Mengantongi 2 Emas di PIMNAS 2018". Diakses tanggal 2018-11-04. 
  13. Ethnologue"Malayo-Polynesian". Diakses tanggal 2018-11-12. 
  14. MultiTree: A Digital Library of Language Relationships"Unclassified Malayo-Polynesian". Diakses tanggal 2018-11-12. 
  15. McGinn, Richard (2009) "Out-of-Borneo subgrouping hypothesis for Rejangese"."Archived copy" (PDF). Diarsipkan dari versi asli (PDF) tanggal 2014-01-02. Diakses tanggal 2018-11-04.  dalam Adelaar & Pawley, eds, Austronesian historical linguistics and culture history
  16. [1]
  17. Munir Hamidy, Badrul (1985). Kamus Lengkap Indonesia-Rejang, Rejang-Indonesia. Pusat Pembinaan dan Pengembangan Bahasa, Departemen Pendidikan dan Kebudayaan. p. xv. 

Pautan lua suntiang