Atom adolah ciek satuan dasa materi, nan terdiri dari inti atom sarato awan elektron bamuatan negatif nan mangulilianginyo. Inti atom terdiri dari proton nan bamuatan positif, jo neutron nan bamuatan netral (kacuali pado inti atom Hidrogen-1, nan indak punyo neutron). Elektron-elektron pado sabuah atom taikek pado inti atom dek gaya elektromagnetik. Sakumpulan atom baito pulo dapek taikek satu samo lainnyo, dan mambantuak sabuah molekul. Atom nan manganduang jumlah proton jo elektron nan samo basipaik netral, sadangkan nan manganduang jumlah proton jo elektron nan babedo baspaik positif atau negatif dan disabuik sabagai ion. Atom dikalompokan badasaran jumlah proton jo neutron nan terdapat pado inti atom tersebut. Jumlah proton pado atom manantuan unsur kimia atom tersebut, dan jumlah neutron manantuan isotop unsur tersebut.

Atom helium
Helium atom ground state.
Helium atom ground state.
Ilustrasi atom helium yang memperlihatkan inti atom (merah muda) dan distribusi awan elektron (hitam). Inti atom (kanan atas) berbentuk simetris bulat, walaupun untuk inti atom yang lebih rumit ia tidaklah selalu demikian.
Klasifikasi
Satuan terkecil unsur kimia
Sifat-sifat
Kisaran massa1,67 × 10−27

sampai dengan 4,52 × 10−25

kg
Muatan listriknol (netral) ataupun muatan ion
Kisaran diameter62 pm (He) sampai dengan 520 pm (Cs)
KomponenElektron dan inti atom yang terdiri dari proton dan neutron

Istilah atom barasa dari Bahasa Yunani (ἄτομος/átomos, α-τεμνω), nan barati indak dapek dipotong ataupun sesuatu nan indak dapek dibagi-bagi lai. Konsep atom sabagai komponen nan indak dapek dibagi-bagi lai patamo bana diajuan dek para filsuf India jo Yunani. Pado abaik ka-17 jo ke-18, para kimiawan malatakan dasa-dasa pamikiran iko dengan manunjuakan bahasonyo zat-zat tertentu indak dapek dibagi-bagi labiah jauah lai manggunoan metode-metode kimia. Salamo akhia abaik ka-19 jo mulo abaik ke-20, para fisikawan berhasil manemukan struktur jo komponen-komponen subatom di dalam atom, mambuktian bahasonyo 'atom' indaklah indak dapat dibagi-bagi lai. Prinsip-prinsip mekanika kuantum nan digunoan para fisikawan kudian berhasil memodelkan atom.[1]

Sijarah suntiang

Konsep bahasonyo materi terdiri dari satuan-satuan tapisah nan indak dapek dibagi lai manjadi satuan nan labih ketek alah ado salamo ciek milenium. Namun, pamikiran tersebut masihlah basipaik abstrak jo filosofis, daripado badasaran pangamatan empiris jo eksperimen. Sacaro filosofis, deskripsi sipaik-sipaik atom bavariasi tagantuang pado budaya jo aliran filosofi tersebut, dan acok bana pulo manganduang unsur-unsur spiritual di dalamnyo. Walaupun baitu, pamikiran dasa mangenai atom dapek ditarimo dek para ilmuwan ribuan tahun kudian, dek inyo sacaro elegan dapek manjalehan panamuan-panamuan baru pado bidang kimia.[2]

Referensi paliang awal mangenai konsep atom dapek ditiliak baliak ka zaman India kuno pado tahun 800 sabalun masehi,[3] nan dijalehan dalam naskah filsafat Jainisme sabagai anu jo paramanu.[3][4] Aliran mazhab Nyaya jo Vaisesika mangambangan teori nan manjalehan baa atom-atom bagabuang manjadi benda-benda nan labih kompleks.[5]

Rujuakan suntiang

  1. Haubold, Hans (1998). "Microcosmos: From Leucippus to Yukawa". Structure of the Universe. Common Sense Science. Diarsipkan dari versi asli tanggal 2008-10-01. Diakses tanggal 2008-01-17. 
  2. Ponomarev (1993:14-15).
  3. a b (Inggirih)A. Pablo Iannone. Dictionary of World Philosophy. p. 62. ISBN 0-415-17995-5. http://books.google.com/books?id=7wBmBO3vpE4C&printsec=frontcover&dq=Dictionary+of+world+philosophy&hl=id&cd=1#v=onepage&q=The%20earliest%20version%20of%20atomism%20can%20be%20found%20in%20Jainism&f=false. Diakses pado 9 Juni 2010. 
  4. (Inggirih)Hajime Nakamura (1992). A comparative history of ideas. Shri Jainendra Press. p. 145. ISBN 81-208-1004-x. http://books.google.com/books?id=Gpulmza7BBYC&pg=PA145&dq=atomism+Indian&as_brr=3&hl=id&cd=4#v=onepage&q=atomism%20Indian&f=false. Diakses pado 9 Juni 2010. 
  5. (Inggirih)Ben-Ami Scharfstein (1998). A comparative history of world philosophy: from the Upanishads to Kant. State University of New York Press. p. 189. ISBN 0-7914-3683-7. http://books.google.com/books?id=iZQy2lu70bwC&lpg=PA189&dq=Vaisheshika%20atom%20anu%20paramanu&hl=id&pg=PA189#v=onepage&q=Vaisheshika%20atom%20anu%20paramanu&f=false. Diakses pado 9 Juni 2010.