Angin adolah pagarakan udaro dari daerah nan batokanan tenggi ka daerah nan batokanan randah.[1] Pambantuakan arah angin tajadi basobok babedo takanan udaro di duo tampek babedo. Aliran angin bara asa dari tampek nan mamiliki takanan udaro tinggi manuju ka tampek nan batokanan udaro randah.[2] Tajadinyo angin dipangaruhi oleh rotasi bumi bairiangan dangan proses pamanasan suatu wilayah oleh matoari.[3] Angin dibari namo badasarkan asa datangnyo, saparti angin lauik dan angin darek. Kakuatan angin paguno dalam babagai kagiatan di kahidupan manusia. Panduduak nan tingga di pasisia pantai mamanfaatkan angin katiko akan pai malauik dangan kapa layar.[3] Angin paguno juo untuak manabangkan mainan layang-layang. Urang Balando mamanfaatkan angin untuak manjadi sumber energi pambangkik listrik tanago angin. Proses tajadinyo angin indak lapeh dari hubuangan antaro takanan udaro dan suhu. Bilo paneh, udaro mamuai. Udara nan memuai manjadi labiah ringan dan takanan udaro turun kareno kapadatan udaro bakurang. Udaro dingin kamudian mangalir ka tampek nan batokanan randah tasabuik. Aliran naiak udaro paneh dan turunnyo udaro dingin iko banamo konveksi.[4] Kacapatan angin dinyatokan dalam satuan knot. Sadangkan arah mato angin tabagi manjadi dalapan iyolah utara, selatan, barat, timur, tenggara, barat laut, timur laut, dan barat daya (coliak kompas).[5]

Pamandangan pohon sakura nan tahambui angin kacapatan sakitar 22 m/s (sakitar 49 mph).

Faktor tajadinyo suntiang


Rujuakan suntiang

  1. "Arti kata angin - Kamus Besar Bahasa Indonesia (KBBI) Online". kbbi.web.id. Diakses tanggal 2020-12-14. 
  2. Arsyad, Sofyan (1983). Ilmu Iklim dan Pengairan. Jakarta: CV. Yasaguna. 
  3. a b Grebner, Donald L.; Bettinger, Pete; Siry, Jacek P. (2013-01-01). Grebner, Donald L.. ed (dalam bahaso en). Introduction to Forestry and Natural Resources. San Diego: Academic Press. pp. 323–358. doi:10.1016/b978-0-12-386901-2.00014-2. ISBN 978-0-12-386901-2. http://www.sciencedirect.com/science/article/pii/B9780123869012000142. 
  4. "Energy - Student Resources: Wind". ei.lehigh.edu. Diakses tanggal 2020-12-14. 
  5. Aldrian, dkk. (2011). Adaptasi dan Mitigasi Perubahan Iklim di Indonesia. Jakarta: Pusat Perubahan Iklim dan Kualitas Udara, Kedeputian Bidang Klimatologi, Badan Meteorologi, Klimatologi, dan Geofisika. pp. 15. https://www.researchgate.net/profile/Edvin_Aldrian/publication/309721670_Adaptasi_dan_Mitigasi_Perubahan_Iklim_di_Indonesia/links/581ec39c08aea429b295db6b/Adaptasi-dan-Mitigasi-Perubahan-Iklim-di-Indonesia.pdf. 

Pautan lua suntiang

  •   Media tantang Angin di Wikimedia Commons