Amerika Selatan

benua

Amerika Selatan atau disabuik juo Amerika latin adolah sabuah kawasan nan barado di antaro Samudra Pasifik jo Samudra Atlantik nan tasambuang juo jo daratan dari Amerika Utara malalui Tanah Gantiang Panama. Kawasan iko dilalui dek garih khatulistiwa, dan sabagian gadang dataran kawasan tasabuik barado di balahan bumi selatan. Bagian barat kawasan Amerika Selatan tadiri dari barisan pagunuangan Andes dari utara hinggo ka selatan, sadangkan bagian timur kawasan ko marupoan dataran randah nan sabagian gadangnyo marupoan basin sungai Amazon, dengan hutan tropis nan labek.[1]

Amerika Selatan
Gambar Amerika Selatan nan diambiak dari citra satelit
Peta topografi Amerika Selatan

Sijarah suntiang

Dipakiroan Amerika Selatan ko didiami partamo kali dek manusia nan bamigrasi dari Asia malalui Tanah Gantiang Bering (kiniko marupoan Selat Bering) manuju Amerika Utara dan kamudian taruih ka arah selatan manuju Amerika Selatan. Dugaan lain tentang hal migrasi tasabuik ka Amerika Selatan adolah dari bagian selatan Samudra Pasifik malalui kapulauan di Oceania.[2]

Ekonomi suntiang

Pado tahun 2002, tingkek pangangguran di Amerika Selatan adolah 10,8%. Dikaranoan inflasi nan tinggi di hampia saluruah negara-negara Amerika Selatan, suku bungo turuik maningkek sarato jo investasi nan manurun. Suku bungo biasonyo duo kali lipek dibandiang jo Amerika Serikat. Contohnyo, suku bungo di Venezuela sekitar 22% jo 23% di Suriname. Dengan pangacualian di Chili, nan dimulai sajak 1973 di bawah Augusto Pinochet.[3]

South American Community of Nations adolah sabuah zona dagang bebas nan dirancanaan di kawasan iko untuak manyatuan duo organisasi perdagangan bebas nan alah ado sabalumnyo yaitunyo; Mercosur jo Andean Community.[4]

Di Amerika Selatan, pabedaan antaro nan kayo jo miskin sangaik gadang. Di Venezuela, Paraguay, Brasil, dan banyak negara Amerika Selatan lainnyo, urang-urang 20 persen nan takao dapek mampunyoi labiah dari 60% kakayoan negara, sadangkan 20 persen tamiskin hanyo mampunyoi kurang dari 5%. Pabedaan iko dapek diliek di banyak kota-kota gadang di Amerika Selatan nan mampunyoi rumah kumuah jo gubuak dakek jo gedung-gedung pancakar langik jo apartemen mewah kelas ateh.[3]

Demografi suntiang

Lueh area Amerika Selatan barado pado paringkek kaampek sasudah Asia, Afrika jo Amerika Utara sadangkan populasinyo tadapek pado paringkek kalimo sasudah Asia, Afrika, Eropa jo Amerika Utara. Barikuik iko daftar negara-negara nan barado di kawasan Amerika Selatan:[5]

Namo region jo
territoral sarato bendera
Luweh
(km²)
Populasi
(pakiroan 1 Juli 2018)
Kapadatan Peanduduak
(per km²)
Ibu kota
  Argentina 2.766.890 44,361,150 16,03 Buenos Aires
  Bolivia 1.098.580 11,353,142 8,1 La Paz
  Brasil 8.511.965 209,469,323 21,9 Brasília
  Chili 756.950 18,729,160 21,1 Santiago, Valparaíso
  Kolombia 1.138.910 49,661,048 37,7 Bogotá
  Ekuador 283.560 17,084,358 47,1 Quito
  Kepulauan Falkland 12.173 3,234 0,26 Stanley
  Guyana Prancis 91.000 282,938 2,1 Cayenne
  Guyana 214.970 779,006 3,6 Georgetown
  Paraguay 406.750 6.347.884 15,6 Asunción
  Peru 1.285.220 31,989,260 21,7 Lima
  Georgia Selatan dan Kepulauan Sandwich Selatan 3.093 20 0,006 Grytviken
  Suriname 163.270 575,990 2,7 Paramaribo
  Trinidad dan Tobago 1.339.000 261.0 2,7 Port of Spain
  Uruguay 176.220 3,449,285 19,4 Montevideo
  Venezuela 912.050 28,887,118 27,8 Caracas
        Total 17.821.601 423,581,078 20,8

Catatan:

  1. ^ La Paz adolah ibu kota administratif Bolivia; Sucre adolah ibu kota sacaro konstitusi.
  2. ^ Santiago adolah ibu kota administratif Chili; Valparaíso adolah lokasi rapek legislatif.
  3. ^ Diklaim dek Argentina.
  4. ^ Biasonyo digolongkan sabagai bagian dari kawasan Antarktika (karano badakekan jarak). Kapulauan itu indak mampunyoi populasi permanen, hanyo sabuah kalompok baranggotakan sakitar 100 peneliti jo pangunjuang nan datang kadang kala.
* Tergantung definisinya, Panama jo Trinidad dan Tobago mampunyoi salah ciek atau duo wilayah di Amerika Utara jo Selatan.

Rujuakan suntiang

  1. Bambang Wahyu Nugroho,2016, Diktat Kuliah, hal.3"STUDI AMERIKA LATIN" (PDF). webcache.googleusercontent.com. Diarsipkan dari versi asli (PDF) tanggal 2018-04-17. Diakses tanggal 2020-10-18. 
  2. Media, Kompas Cyber. "Bangsa Eropa Bukan yang Pertama Datang di Benua Amerika, Ini Buktinya Halaman all". KOMPAS.com (dalam bahasa Indonesia). Diakses tanggal 2020-10-18. 
  3. a b "Strategi Perlawanan Venezuela dalam Menghadapi Tekanan Amerika Serikat melalui ALBA Tahun 2015-2017". webcache.googleusercontent.com. Diakses tanggal 2020-10-18. 
  4. "UNASUR | South American organization". Encyclopedia Britannica (dalam bahasa Inggris). Diakses tanggal 2020-10-18. 
  5. Media, Kompas Cyber. "Daftar Negara di Amerika dan Ibu Kotanya". KOMPAS.com (dalam bahasa Indonesia). Diakses tanggal 2020-10-18. 

Pranala lua suntiang