Wikipedia

Adam Smith

John Adam Smith (lahia di Kirkcaldy, Skotlandia, 5 Juni 1723 – maningga di Edinburgh, Skotlandia, 17 Juli 1790 pado umua 67 tahun), adolah saurang filsuf bakabangsaan Skotlandia nan manjadi palopor ilmu ekonomi modern. Karyanyo nan takenal adolah buku An Inquiry into the Nature and Causes of the Wealth of Nations (disingkek The Wealth of Nations) adolah buku patamo nan manggambaran sijarah parkambangan industri jo padagangan di Eropa sarato dasar-dasar parkambangan pardagangan bebas jo kapitalisme. Adam Smith adolah saurang palopor sistem ekonomi Kapitalisme. Sistem ekonomi ko muncua pado abaik 18 di Eropa Barat, pado abaik 19 mulai takanal di sinan.

Kamakmuran Nagari (Wealth of Nations) jo nan labiah ketek pangaruahnyo Teori Moral Sentimen, alah manjadi titiak awal untuak sagalp partahanan atau kritik atau bantuak kapitalisme, nan tapantiang dalam tulisan Marx jo ekonomi manusia. Karano kapitalisme laissez-faire acok dihubuangkan jo kaegoisan ndak takontrol, ado garakan baru nan manakankan filosofi moral Smith, jo fokus simpati kapado sado urang.[1]

Ado babarapo kontroversi tantang kaaslian Kamakmuran Negara Smith; babarapo urang manyangkal hasil karajonyo hanyolah tambahan biaso kapado karajo pamikia sarupo David Hume jo Baron de Montesquieu. Banyak teori-teori Smith hanyo manggambaran trend sijarah manjauah dari merkantilisme, manuju pardagangan-bebas, nan alah bakambang salamo babarapo dekade,alah mampunyoi pangaruah nan nyato dalam kabijakan pamarintah. Namun, buku ko mangorganisasi pamikiran-pamikiran sacaro lueh, sarato tatap manjadi suatu buku nan paliang bapangaruah jo pantiang dalam bidangnyo kini.[1]

Biografi suntiang

Adam Smith dikanal lueh jo teori ekonomi '"laissez-faire" nan mangumuman parkumpulan di abaik 18 Eropa. Smith picayo jo hak untuak mampangaruhi aemajuan ekonomi diri surang jo bebas, tanpo dikandalian dek parkumpulan /atau negara. Teori ko sampai pado proto-industrialisasi di Eropa, mengubah mayoritas kawasan Eropa manjadi daerah pardagangan bebas, mambuek kamungkinan akan adonyo pangusaho.Baliau dikanal sabagai "Bapak Ekonomi" versi barat.[1]

Pandidikan suntiang

Diumua 13, Smith mamasuki Universitas Glasgow, di mano baliau baraja filosofi moral di bawah bimbiangan"si urang nan indak buliah dilupoan" (sabagaimano Smith mamanggianyo) yaitu Francis Hutcheson. Disiko Smith mangambangan kainginan kueknyo akan kabebasan, aka sihaik, jo kabebasan bapandapek. Tahun 1740 baliau dianugerahi Snell exhibition jo mamasuki Kampus Balliol, Oxford, tatapi sarupo William Robert Scott kecekan, "Universitas Oxford dalam masonyo mambarian saketek jiko bantuan mapun nan dibarian apo nan harusnyo marupoan karajo saumua iduiknyo," dan baliau maninggakan universitas itu tahun 1746. Dalam Buku ka V dari The Wealth of Nations, Smith bakomentar pado instruksi kualitas randah jo aktivitas intelektual nan bajumlah saketek dibandiangkan jo di Skotlandia. Komentarnyo ditujuan ka urang-urang nan dianugerahi kakayaan dari kampus-kampus Oxford jo Cambridge, di mano mambuek pamasukan dari profesor indak badasarkan pado kamampuan untuk manarik murid, pado fakta bahasonyo urang-urang nan manyatu sabagai men of letters bisa manikmati kahidupan labiah nyaman dari menteri di Church of England.[2]

Karir di Edinburgh jo Glasgow suntiang

Tahun 1748 Smith mamulai studinyo di Edinburgh jo bimbiangan Lord Kames. Sabagian dari parkuliahannyo manyingguang retorika jo belles-letters, tapi beko baliau ka maambiak subyek dari "amajuan dari kasajahtaraan," sarato bekonyo, di patangahan atau akhia abaik duo puluah, di mano baliau partamo kalinyo manamukoan filosofi ekonomi dari "sistem nan jaleh jo sederhana dari kabebasan alamiah" di mano baliau manyatokan hal tasabuik ka khalayak dalam buku karangannyo The Wealth of Nations. Pado sakitar tahun 1750 baliau basarobok filusuf David Hume, nan marupokan seniornyo tapauik sapuluah tahun. Hubuangan jo kasamaan opini nan dapek ditamukan dalam detail dari tulisan kaduonyo mancakuik sijarah, politik, filosofi, ekonomi, jo agamo manandoan baso kaduonyo mampunyoi parsamaan intelektual nan dakek sarato basahabaik dibandiang urang lain nan ka mameranan peran pantiang salamo Pencerahan di Skotlandia., baliau marutinan The Poker Club dari Edinburgh.[2]

Tahun 1751 Smith ditunjuak sabagai katua dewan logika di Universitas Glasgow, pado tahun 1752 baliau dipindahan ka Dewan filosofi moral Glasgow, parnah ditinggaan dek gurunyao nan takenal, Francis Hutcheson. Kuliahnyo mancakuik etika, retorika, jurispundens, politik ekonomi, jo "polisi jo kauntuangan". Tahun 1759 baliau manabikan Teori dari Sentimen Moral, mamasukan sabagian kuliahnyo di Glasgow. Karya ko, nan mambangun reputasi Smith maso itu, manjalehan baa komuikasi manusia bagantung pado simpati antaro agen jo panonton (sang individual jo anggota masyarakaik nan lain). Analisisnyo pado evolusi bahasa kadang-kadang superfisial, sarupo nan ditunjukkan 14 tahun kamudian dek penelitian nan labiah dalam pado bahasa primitif dek Lord Monboddo. dalam karyanyo bajudul Asal Muasal jo Parkambangan Bahasa kapasitas Smith akan pangaruah, persuasif, atau argumen retorikal, labiah banyak dalam buktinyo. Baliau mandasarkan panjalehannyo indak, sarupo Lord Shaftesbury katigo jo Hutcheson lakuan pado "kapantiangan moral", indak sarupo Hume pado utilitarianisme, tatapi badasarkan ateh simpati.[1]

Smith kini mamulai parhatian labiah pado jurisprudensi jo ekonomi di dalam kuliahnyo sarato saketek paoa teorinyo tantang moral. Kesan nan didapekan samo ka pangambangan ide-idenyo pado ekonomi politik dari catatan kuliahnyo dek saurang mahasiswa sakitar tahun 1763 nan beko diedit dek Edwin Cannan, jo mambantuak apo yang Scott, penemu jo panabiknyo, mandeskripsian nyo sabagai "Bagian dari Draft Wealth of Nations", nan batanggal sekitar 1763. Karya Cannan muncul sabagai Kuliah dalam Keadilan, Polisi, Pajak djo Sanjato. Sabuah versi labiah lengkap ditabikan sabagai Kuliah dalam Jurispundensi di edisi Glasgow tahun 1976.[1][2]

Tur Prancis suntiang

Pado 1762 senat akademik dari Universitas Glasgow batamu dalam titel Doktor Hukum Smith. Pado akhia 1763, baliau mandapekan tawaran manggiuran dari Charles Townshend (yang dikenalan ka Smith dek David Hume), untuak mangaja anak tirinyo, Duke of Buccleuch. Smith akhianyo pensiun dari keprofesorannyo dari 1764-66 bakelana basamo muridnyo, kebanyakan di Prancis, dima baliau datang untuak manemui pemimpin intelektual sarupo Turgor, Jean D'Alembert, Andre Morrelet, Helvetius, khususnyo, Frangois Quesnay, kapalo dari Sakolah Psiokrat nan karyanyo dihormati dek Smith sangaik tinggi. Dalam pajalanan pulangnyo ka Kirkaldy, Smith dipiliah manjadi anggota Royal Society dari London, baliau mandedikasian kabanyakan sapuluah tahun barikuiknyo pado magnum opusnyo, The Wealth of Nations, nan muncua tahun 1776. Buku tasabuik ditarimo elok dan mambuek sang pengarang takenal.[1]

Tahun- Tahun Akhir suntiang

Tahun 1778 Smith ditunjuak untuak manduduaki pos sabagai komisioner untuak cukai di Skotlandia dan hiduik basamo ibunyo di Edinburgh. Tahun 1783 baliau manjadi salah satu pandiri Royal Society of Edinburgh, dari tahun 1787 sampai 1789 baliau mandapek posisi kahormatan Lord Rektor Universitas Glasgow. Baliau maningga di edinburgh pado 17 Juli 1790 karano sakik kareh dan dikubuakan di Canogatw Kirkyard.

Eksekutor literatur Smith adolah duo urang kawan lamo dari akademi dunia Skotlandia, fisikawan jo kimiawan Joseph Black, jo geolog pionir James Huton. Smith maninggakan banyak catatan jo material nan indak dipublikasian, tapi maagiah instruksi untuak mahancuakan apopun nann indak pantas dipublikasian. Baliau manyabuik History of Astronomy cocok, jo muncua pado tahun 1795, basamo material lain, sabagai Essay on Philoshopical Objects.

Pangikuik kontemporer Adam Smith tamasuk John Millar[2]

Karakter Pribadi dan Pandangan- Pandangan suntiang

Sangaik saketek nan dikatahui tantang Adam Smith salain dari apo nan bisa dideduksi dari karya-karyanyo nan alah ditabikan. kasado paper pribadinyo alah dihancuakan sasudah kamatiannyo. Baliau indak manikah dan bantuaknyo mampartahankan hubungan dakek jo ibunyo, di mano baliau tingga sasudah pulang dari Prancis jo mendahului kamatian Smith hanyo 6 tahun balalu. Kasaksian kontemporer manjalehkan Smith sabagai eksentrik tapi intelektual nan dermawan jo ramah, kepikunan nan komikal, jo kabiasaan nan barulang tantang pidato sarato maagiah senyuman nan "ramah tanpa ekspresi." Kesabarannyo disabuik mampunyoi nilai pantiang dalam karajonyo sabagai administrasi Glasgow. Sasudah kamatiannyo ditamukan kalau sabagian gadang pandapatannyo disumbangan sacaro rahasio.

Alah tajadi bara buah debat tentang pandangan relijius dari Adam Smith. Ayahnyo mampunyoi ketertarikan gadang pado Kekristenan sarato marupokan sayok moderat dari gereja Skotlandia (gereja nasional di Skotlandia sejak 1690). Smith mungkin pai ka Inggris untuak maniti karir di dalam Gereja Inggris: parnyataan ko kontroversial jo bagantuang pado status eksibisi Snell. Di Oxford, Smith menolak Kristen sarato dipicayo kalau baliau pulang ka Skotlandia sabagai Deis.

Ekonom Ronald Coase, baa pun, alah manantang pandangan kalau Smith marupokan saurang Deist, manyatokan kalau, katiko Smith mungkin dihubungkan sabagai "Arsitek Gadang Alam Semesta", sarjana lain alah "jauah malabiah-labiahkan perluasan sampai di mano Adam Smith alah mamasuki sabuah kayakinan dalam sabuah Tuhan Pribadi". Baliau mandasari analisis ko dari sabuah remark dalam The Wealth of Nations di mano Smith manulis kalau kaingintahuan umat manusia tantang "fenomena luarbiasa dari alam" sarupo "generasi, kahidupan, partumbuhan jo kamatian dari tanaman jo binatang" alah mambuaek manusia untuak "mamasukkannyo dalam akal sihaik mereka". Coase mencatat observasi Smith di mano: "Takhayul partama-tamo ditujukkan untuak mamanuahi kaingintahuan, jo caro manghubungkan kasado panampakan manakjubkan pado agensi tantang Tuhan". Baapun, kapicayoan ko indak batantangan jo Deisme, sabuah sistem kapicayoan yang mamegang ide sekptis tantang Tuhan pribadi.[1]

Karya suntiang

Indak lamo sabalun kamatiannyo Smith mahancuakan hampia sado manuskrip miliknyo. Pado tahun terakhirnyo baliau sarupo alah marencanakan duo keterilmuan gadang, ciek dalam teori jo sejarah hukum dan ciek dalam ilmu sains jo kasenian. Tebitan sasudah kamatiannyo Essays on Philoshopical Subjects (1795) mungkin barisi bagian dari apo nan ka manjadi pambelokan salanjuiknyo.

The Wealth of Nations manjadi bapangaruah karano alah jo kareh mambuek bidang ekonomi dan parkembangannyo ka dalam disiplin yang sistematis sarato tagak surang. Dalam dunia barat, masih dibincangan kalau iko marupokan buku paliang bapangaruah dalam subyek tasabuik nan pernah ditabikan. Katiko buku tasabuik manjadi manifestasi klasik melawan merkantilisme (teori dima cadangan gadang dari logam mulia marupokan kaharusan bagi suksesi ekonomis), muncua pado tahun 1776, ado kesadaran kuek untuak pardagangan bebas, di Inggris maupun Amerika. Perasaan baru ko alah dilahiakan dari kesusahan keadaan ekonomi jo kamiskinan yang diakibaikkan dek Parang kamerdekaan Amerika. Baapun, pado saaik publikasinyo, indak kasado urang lantas yakin pado kalabiahan pardagangan bebas: publik jo parlemen di Inggris masih memakai sistem merkantilisme untuak bara tahun kamuko.[2]

The Wealth of Nations menolak juo parnyataan Psiokrat dalam pantiangnyo lahan, malah, Smith picaya kalo buruh marupokan proritas tinggi, jo pambagian buruh akan berakibaik pado kanaikan signifikan pado produksi. Smith mamakai contoh jo pambuatan sapik- sapik. Ciek pekerja bisa mambuek duopuluah pin sahari. Tapi kalau sapuluah urang dibagi manjadi lapanbaleh langkah yang diparaluan mambuek sabuah sapik- sapik, sadonyo bisa mambuek 48.000 sapik- sapik dalam sahari. Nations sangaik sukses, dan faktanyo, hal ko mangakibaikan pangosongan sakolah ekonomi nan labiah tuo jo ekonomi labiah mudo, sarupo Thomas Malthus jo David Ricardo, fokus dalam mampelokan teori Smith ka dalam apo yang ka dikenal sabagai ekonomi klasik. Elok ekonomi modern, sacaro tapisah, ekonomi Marxisan bagantuang sakali pado ekonomi klasik. Malthus mangambangkan ruminasi Smith dalam overpopulasi, sadangkan Ricardo picaya pado "hukum besi upah" - dima ledakan populasi bisa mencegah upah malewati tingkek yang rasional. Smith maagiah solusi pado kanaikan upah jo kanaikan produksi, pandangan nan dianggap labiha akuraik kini.[1]

Ciek dari poin utamo The Wealth of Nations adolah pasa bebas, katiko panampilannyo kacau dan tidak teratur, sabananyo dipandu untuak mambuek nilai nan batuah jo bamacam barang dek "tangan-tangan indak taliek" (sabuah imej yang dipakai Smith dalam Theory of Moral Sentiments, tapi partama kali dipakai dalam esai, "Sejarah Astronomy").[1] Kalau sabuah kelangkaan produk tajadi, misalnyo, mako hargonyo naiak, mambuek marjin kauntuangan yang mambuek insentif bagi nan lain untuak masuk ka produksi tasabuik, mangatasi kalangkaan. Jikok talalu banyak produsen nan masuak ka pasa, kompetisi yang meningkek di antaro para manufaktur jo kanaikan panawaran akan manurunkan harago di produk tasabuik sampai titiak di mano harago produksinyo, harago natural. Bahkan kalau kauntuangan sampai kosong "harga natural", mako akan ado insentif untuak mamproduksi barang jo jaso, Kasado ongkos produksi, tamasuak kompensasi untuak buruh pemilik, juga dimasukkan dalam harago barang ju. Kalau harago jatuah di bawah kauntuangan kosong, produsen akan kalua dari pasa, jikok barado di ateh kauntuangan kosong, produsen akan masuak ka pasa. Smith picayo kalau motif manusia acok egois jo tamak, kompetisi dalam pasa bebas akan batujuan manguntuangkan masyarakaik saluruahnyo jo mamaso harago tetap randah, di mano tetap mambangun dalam insentif untuak bamacam barang jo jaso. Salain itu, baliau cameh akan pebisnis sarato malawan formasi monopoli.[2]

Bibliografi suntiang

  • James Buchan. The Authentic Adam Smith: His Life and Ideas (2006)
  • Stephen Copley and Kathryn Sutherland, eds. Adam Smith's Wealth of Nations: New Interdisciplinary Essays (1995)
  • F. Glahe, ed. Adam Smith and the Wealth of Nations: 1776-1976 (1977)
  • Knud Haakonssen. The Cambridge Companion to Adam Smith (2006)
  • Samuel Hollander. The Economics of Adam Smith (University of Toronto Press) (1973)
  • Muller, Jerry Z. Adam Smith in his Time and Ours: Designing the Decent Society. Princeton Univ. Press (1995)
  • Muller, Jerry Z. The Mind and the Market: Capitalism in Western Thought. Anchor Books (2002)
  • Frederick Rosen, Classical Utilitarianism from Hume to Mill (Routledge Studies in Ethics & Moral Theory), 2003. ISBN 0-415-22094-7
  • P. J. O'Rourke. On The Wealth of Nations (Books That Changed the World) (2006)
  • Richard F. Teichgraeber. Free Trade and Moral Philosophy: Rethinking the Sources of Adam Smith's Wealth of Nations (1986)

Pranala luar suntiang

Wikiquote punyo koleksi kutipan nan berkaitan jo:
Wikisource bahaso Inggris mampunyoi halaman tantang
Ado naskah sumber nan bakaitan jo

Times Obituary of Adam Smith di Wikisource

Umum
Karya


Didaului jo:
Robert Cunninghame-Grahame of Gartmore 		Rektor Universitas Glasgow
1787-1789 		Digantian dek:
Walter Campbell of Shawfield
Ado kategori tantang Adam Smith di Wikimedia Commons

Rujuakan suntiang

  1. ↑ a b c d e f g h i https://www.liputan6.com/global/read/3912541/9-3-1776-adam-smith-merilis-pedoman-ekonomi-paling-berpengaruh-di-dunia
  2. ↑ a b c d e f https://www.kompasiana.com/fakhrialfarizi/5ca746f2cc5283133e483932/menelisik-ekonomi-adam-smith?page=all
Diambiak dari "https://min.wikipedia.org/w/index.php?title=Adam_Smith&oldid=3150398"