Dalam ''tambo alam Minangkabau'', mangabakandikabakan kisah palayaran putera-putera Rajo Iskandar Zulkarnain tigo basudaro<ref>Mansoer, M.D., (1970), ''Sedjarah Minangkabau'', Jakarta: Bhratara.</ref>, nan paliang tuo banamo Maharajo Alif, yang tangah Maharajo Dipang, yang bungsu banamo Maharajo Dirajo, dakek pulau Sailan tajatuah mahkota ameh ka lauik. Kasado ândai silam alah diparintahkan maambiak jo mancari nyo. Tapi usaho itu tak ado hasil karano mahkota tu dibauik ula bidai di dasa lauik. Ceti Bilang Pandai maimbau pandai amaeh untuak mambuek mahkota palasu. Dek pandai ameh manggunokan camin taruih, dapeklahinyo mambuek mahkota nan samo. De Ceti, untuk manyimpan rahasia, dibunuahlah si pandai ameh tu. Katiko Sri Majarajo Dirajo tajago, diambiak baliau mahkota tu dan dipakai.
Duo urang kakak baradiak yang lain tabangun dan mandapati si bungsu menguasai mahkota. Batangka katigo badunsanak tu. Akhianyo, mereka bapisah. Sri Maharajo Alif ka Barat manjadi rajo di banua Ruhum. Sri Maharajo Dipang ka Timur mamarintah Cino jo Japang. Dan Sri Maharajo Dirajo taruih balayar ka selatan. Salain mambawo permaisurinyo, Maharajo Dirajo juo mambawo ''Harimau Campo'', ''Kuciang Siam'', ''Kambiang Hutan'' dan ''Anjiang Mualim''.
