Pabedaan antaro revisi dari "Tari Piriang"

Alaik utamo parago pado tari piriang ko iolah piriang, Salain tu, ado juo pakaian panari jo alaik musik pangiriang tari sabagai alaik palangkok tari piriang ko. Pado umumnyo, pakaian nan bawarna-warni jo rancak adolah hal nan waib dipakai untuak sabuah tarian. Namun baitu, pado tari piriang cukuik jo babaju melayu sajo. Warna baju pun tasarah kapado panari warna baju apo nan kan dipakainyo. Namun, warna-warna tarang sarupo merah jo kuniang acok manjadi pilihan dek panari tari piriang karano warna-waran kolabiah murah untuak dicaliak dek panonton.<ref name=":0" />

Alaik musik nan digunoan untuak mangiriangi tari piriang ko cukuik jo rebana jo gong sajo. Pukualan gong sangaik paralu karano iko nan manjadian paduan antaro panari untuak manantuan garak jo langkahnyo katiko manari. Pado umumnyo katiko di acara baralek, kumpulan rebana nan mangiriangi jo mangarak pasangan nan baralek diagia tangguangjawab juo untuak mangiaringi pasambahan tari piriang. Numun, dalam kaadaan tatantu tari piriang ko buliah juo diiriangi dek alaik musik lain sarupo talempong jo gandang.<ref name=":0" />