Museum Nasional Indonesia

Museum Nasional Indonesia adolah ciek museum arkeologi, sijarah, etnologi, jo geografi nan talatak di Jalan Medan Merdeka Barat, Jakarta Pusat, tapek di sabalah barat lapangan Medan Merdeka. Museum ko disabuik juo jo namo Museum Gajah, dek adonyo patuang gajah di alaman mukonyo. Koleksinyo nan banyak jo baragam maliputi sadonyo wilayah Indonesia, jo tarantang ampia ka sapanjang maso sijarahnyo. Museum iko alah baparan manyimpan baragam warisan sijarah Indonesia salamo labiah dari duo abaik.[1]

Museum iko dapek dianggap sabagai salah satu nan paliang tarancak jo paliang langkap di Indonesia, sarato salah satu museum tarancak di Asia Tenggara.[2] Museum iko manyimpan sakita 141.000 obyek, maliputi koleksi prasijarah, arkeologi, numismatik, keramik, etnografi, sijarah, jo geografi. [3] Tadapek koleksi patuang batu nan komprehensif, dari jaman klasik Hindu-Buddha di Jawa dan Sumatera kuno, sarato koleksi keramik Asia nan cukuik langkok.