|
#redirect [[Oto listrik]]
[[Berkas:Reva_charging.jpg|jmpl|Oto listrik REVAi/G-Wiz i sadang maisi baterai di tampek pengisian listrik di pinggir jalan kota London.]]
[[Berkas:2013-Monster-Tajima-Giti-EV.jpg|jmpl|Nobuhiro Tajima basiap di Pikes Peak International Hill Climb jo oto sport listrik.]]
[[Berkas:OSCar_eO_Dakar_2012.jpg|jmpl|Oto sport listrik OSCar eO pada Dakar 2012.]]
Oto listrik iolah [[oto]] nan digarakan dek [[motor listrik]], manggunoan energi listrik nan disimpan dalam baterai atau tampek panyimpanan energi lainnyo. Oto lisrik sangaik populer di akhir abad ke-19 jo awal abad ke-20, tapi kamudian maredup karano teknologi [[masin pambakaran dalam]] nan samakin maju jo harago kandaraan babahan baka bensin nan samakin murah. [[Krisis energi]] pado tahun 1970-an jo 1980-an pernah mambangkikan saketek minaik pado oto-oto listik ko, tapi pado tahun 2000-an lah para produsen kandaraan baru manaruah parhatian nan serius pado kandaraan listrik. Dek mangko bak itu dikaranokan harago minyak nan mambumbuang tinggi pado tahun 2000-an sarato banyak masyarakat dunia nan alah sadar akan buruaknyo dampak [[emisi]] [[gas rumah kaco]]. Sampai bulan Novmber 2011, model-model listrik nan tasadio dan dijua di pasa-pasa babarapo negri iolah [[Tesla Roadster]], [[REVAi]], [[Renault Fluence Z.E.]], [[Buddy,]] [[Mitsubishi i MiEV]], [[Tazzari Zero]], [[Nissan Leaf]], [[Smart ED]], [[Wheego Whip Life]], [[Mia listrik]], dan [[BYD e6]]. Nissan Leaf, di jua labiah dari 20.000 unit di saluruah dunia (sampai November 2011), dan Mitsubishi i-MiEV, dijua global labiah dari 17.000 unit (sampai Oktober 2011), iolah kaduo oto listrik paliang laku di dunia.
Oto listrik mamiliki babarapo kalabiahan nan potensial jikok dibandiangan jo oto bamesin pembakaran dalam biaso. Nan paliang utamo iolah oto listrik indak manghasilkan [[emisi kendaraan bermotor]]. Salain tu, oto jenis iko dapek manguranggi emisi gas rumah kaco karano indak mambutuhkan bahan baka fosil sabagai pangerak utamonyo. Pado akhirnyo, katagantuangan minyak dari lua nagari pun bakurang, karano bagi babarapo [[nagari maju]] sarupo [[Amerika Serikat]] jo banyak nagari [[Eropa]], kanaikan harago minyak dapek manakan ekonomi mereka. Bagi [[nagari bakembang]], harago minyak nan tinggi samakin mambaraikan [[naraca pambayiaan]] nagari, sahinggo maambek patumbuahan ekonomi nagari.
Maskipun oto listrik punyo babarapo kauntuangan potensial sarupo nan disabuikan di ateh, tapi pangunoannyo sacaro maluas mamiliki banyak paambek dan kakuranggan. Sampai di tahun 2011, harago oto listrik masih jauah labiah maha dibandiangan jo oto bamasin bensin biaso nan [[kandaraan listrik hibrida]] karano harago [[batrai ion litium]] nan maha. Maskipun dek tu, kini ko harago batrai mulai turun karano mulai diproduksi dalam jumlah gadang. Faktor lainyo nan maambek tumbuahnyo panggunoan oto listrik iolah masih saketeknyo [[stasiun pangisian]] batrai untuak oto listrik, ditambah katakuikan pagendara jo habisnyo isi batrai oto sabalum sampai ka tujuan. Babarapo pamarentah di babarapo nagari di dunia alah manabikan babarapo insentif jo aturan untuak mananggulangi masalah ko, nan tujuannyo untuak maningkatkan panjualan oto listrik, untuak mambiayai pagembangan teknologi oto listrik sahinggo harago batrai jo komponen oto bisa samikin efisien. Pamarentah Amerika Serikat alah mambarikan dana hibah sagadang US$2,4 miliar untuak pangembangan oto listrik jo batrai. Pamarintah [[Cino]] mangumumkan bahwa inyo akan manyadiokan dana gadang US$15 miliar untuak mamulai industri oto listrik di nagarinyo. babarapo pamarentah lokal jo nasional di banyak nagari alah manabikan [[kredik pajak]], [[subsidi]], dan [[banyak insentif lainnyo]] untuak mangurangi harago oto listrik jo [[oto plug-in]].
Di nagari Indonesia ko, pado tanggal 1 April 2012 pamarentah kucuaan 100 miliar rupiah untuak riset oto listrik. Lanjuik tanggal 10 juni 2013 pamarentah tegaskan kandaraan listrik bebas pajak. Dan kamudian pado tanggal 12 Juni 2013 Zbee dari Swedia resmi mambukak pabrik kandaraan listrik dengan namo PT Lundin Industry, nan talatak di Kota Banyuwangi, Jawa Timur, dengan target produksi minimal 100.000 unit per tahun.
== Sajarah ==
[[Berkas:Bundesarchiv_Bild_183-1990-1126-500,_Kraftdroschke.jpg|kiri|jmpl|Oto listrik Jerman, 1904, pak sopirnyo di ateh]]
Oto listrik populer pado patangahan abaik ka-19 jo awal abaik ka-20, katiko listrik masih dipiliah sabagai pangarik utamo pado kandaraan. Hal iko disababkan karano oto listrik manawarkan kanyamanan jo pangoperasiannyo nan mudah nan indak dipunyoi dek kandaraan-kandaraan bamasin bensin wakatu itu. Pakambangan teknologi pambakaran dalam nan samakin maju, tautamo di starter listriknyo, lambek laun mangurangi popularitas oto listrik. Hal iko ditambah jo kamampuan oto bensin nan dapek manampuah jarak nan labiah jauah, pangisian bensin nan labiah capek, jo infrastruktur pangisian samakin batambah, ditambah jo sistem produksi massal nan diterapkan dek Ford Motor Company, mambuek harago oto bensin turun drastis sampai satangah harago oto listrik. Mobil listrik pun manjadi samakin indak populer, dan secara total mailang dipasaran, tautamo di pasaran gamuak sarupo Amerika Sarikaik, pado tahun 1930-an. Mangko dek itu, pado tahun-tahun balakanggan ko, samakin banyak urang nan sadar akan dampak lingkuangan nan ditimbuakan dek oto babahan baka bensin, ditambah harago bensin nan maha jo naiak taruih, mambuek oto listrik baliak diminati. Oto listrik jauah labiah ramah jo lingkuangan daripado oto bensin, biaya perawatan labiah murah, ditambah teknologi batrai nan samakin maju. Kakurangannyo adolah harago oto listrik saat ko masih maha. Oto listrik saat ko mulai mandapekan popularitasnyo baliak di babarapo nagari di dunia satelah sakian lamo mahilang dari paradaban.
|
