|
==Karir Para-Tenis Meja==
Jacobs mulai bamain dalam turnamen para tenis meja pado akhirakhia taun 2009 dan manjadi anggota [[Komite Paralimpiade Nasional]] pado taun 2010.{{Sfn|Santi 2012, David M. Jacobs}} Inyo batandiang pado ''Class 10'', nan marupoan level fungsional tatinggi pado sistem tasabuik.{{Sfn|Kompas 2011, David Fokus ka London}} David Jacobs biasonyo balatiah jo olahragawan nan punyo fungsi badan penuah.{{Sfn|Santi 2012, David M. Jacobs}} Jacobs punyo masalah fungsional pado salah satu tangannyo.{{Sfn|Kompas 2011, David Fokus ka London}}
Pado [[Asian Para Games]] taun 2010 di [[Guangzhou]], China, Jacobs mamanangkan medali parunggu. Sabalum kompetisi inyo hanyo punyo waktuwakatu satu bulan untuak balatiah.{{Sfn|Kompas 2010, Indonesia Raih 1 Emas}} Jacobs bakompetisi pado babarapo turnamen internasional, mamanangkan medali ameh di Thailand, perak di Beijing, perunggu di Ceko, perak di Inggirih, dan ameh di Taiwan.{{Sfn|Santi 2012, David M. Jacobs}} Pado [[ASEAN ParaGames]] taun 2011 di [[Surakarta]], Jacobs mamanangkan tujuah medali ameh: singles pria (open), doubles pria (open), double campuran (open), double pria, double campuran, team, dab single.{{Sfn|Kompas 2011, David Fokus ka London}}{{Sfn|Widakdo 2012, David Jacobs Juara di Slowakia}} Pado bulan Januari di taun berikuiknyo, Jacobs bamain jo presiden [[Susilo Bambang Yudhoyono]] dalam tigo seri patandingan. Walaupun presiden manang satu pertandingan jo skor 13-11, Jacobs mamanangkan kasaluruhan seri, mamanangkan duo patandingan nan ba skor 11-7 jo 11-9. Sahabih kompetisi tasabuik, presiden Yudhoyono mambarian pidato manganai butuahnyo dukungan tahadok atlet payandang cacek.{{Sfn|Trinugroho 2012, Presiden SBY Dikalahkan}}
Pado bulan Maret 2012 Jacobs mamanangkan duo medali ameh pado Protour Paratable Tennis Liknano Open di Italia. Inyo mangalahkan [[Ivan Karavec]] dari Ceko pado patandingan single pria. Pado patandingan tim pria, inyo dipasangkan jo [[Komet Akbar]] dan mamanangkan tim dari Belanda Balando dan Ceko.{{Sfn|Widakdo 2012, David Jacobs Juara di Italia}} Pado bulan Juni Jacobs mamanangkan Turnamen Tenis Meja Slowakia, manampekan posisinyo pado tigo tabaiak dunia.{{Sfn|Widakdo 2012, David Jacobs Juara di Slowakia}}
Jacobs adolah salah satu altet Indonesia nan marepresentasikan Indonesia pado [[Paralimpiade Musim Paneh 2008]] di London, basamo jo Ni Nengah Widiasih (angkek basi), Agus Ngaimin (paranang), dan Setyo Budi Hartanto (atletik).{{Sfn|Kompas 2012, Hanya Tiga Atlet}} Jacobs mamanangkan medali perunggu pado patandingan tenis meja individual klasifikasi C10. Kamanangan iko adolah kamanangan patamo Indonesia sajak hampia 20 taun.{{Sfn|The Jakarta Post 2012, Indonesia gets bronze}}
|
