Pabedaan antaro revisi dari "Masakan Indonesia"

Konten dihapus Konten ditambahkan
Ramayoni (rundiang | jariah)
Dibuek jo manajamahkan laman "Masakan Indonesia"
(Indak ado pabedaan)

Revisi pado 25 September 2017 09.55

Masakan Indonesia adolah salah satu tradisi kuliner nan paliang kayo di dunia, nan panuah jo cito raso nan kuaik. Kakayoan jenis masakanyo marupoan camin kabaragaman budayo jo tradisi Nusantara nan tadiri dari sakita 6.000 pulau an bapanghuni, dan manampati peran penting dalam budayo nasional Indonesia sacaro umum. Ampia sado masakan Indonesia kayo jo bumbu nan barasa dari rampah-rampah sarupo dama, lado, tamu kunci, langkueh, sipadeh, cakua, kunik, karambia, jo gulo anau nan diikuiki jo pangunoan caro-caro mamasak manuruik bahan, jo tradisi adaik nan tadapek pulo pangaruah perdagangan dari India, Tiongkok, Timur Tengan h, Jo Eropa.

Pado dasanyo indak ado bantuak tungga " masakan Indonesia:, tatapi labiah kapado kaanekaragaman masakan daerah nan dipangruahi sacaro lokal oleh kabudayoan Indonesia sarato pangaruah asiang. Contohnyo, Bareh nan diolah manjadi nasi putiah, katupek atau lontong(bareh nan dikukuih) sabagai makanan pokok bagi kabanyakan panduduak Indonesia, namun untuk bagian timur labih umum mangonsumsi sagu, jaguang, gabelo kayu, jo gabelo jala. Bantuak panyajian umum sabagian makanan Indonesia tadiri ateh makanan pokok jo lauak pauak barupo dagiang, ikan, jo sayua di sisi piriang

Sapanjang sajarahnyo, Indonesia alah talibaik dalam perdagangan dunia dek tampek jo sumber dayo alamnyo. Caro mamasak, jo bahan makanan asli Indonesia bakambang pulo, kamudian dipangaruahi dek seni mamasak India, Timur Tengah, Cino, jo Eropa. Padagang daro Spanyol jo Portugih mambao babagai bahan makanan dari banua Amerika jauh sabalum Bulando manguasoi Indonesia. Pulau Maluku nan terkenal sabagai Kapulauan Rampah-Rampah juo manyumbangkan tanaman rampah asli Indonesia pado seni mamasak di dunia. Seni mamasak di bagian timur Indonesia sarupo jo seni mamamsak di Polinesia jo Melanesia.

Masakan Sumatera, sabagai contoh acok manampilkan pangaruah Timur Tengah jo India, sarupo panggunoan bumubu kari pado hidangan dagiang dan sayuarannyo, samantaro di masakan Jao bakambang dari caro mamasak asli nusantara. Unsua Budayo masakan Cino ado pulo pado masakan Indonesia, contohnyo bakmi, bakso, jo lumpia.

Babarapo jenis hidangan asli Indonesia juo kini dapek ditamukan di babarapo negara di banua Asia. Masakan Indonesia nan populer sarupo sate, randang, jo sambal juo diminati di Malaysia jo Singapur. Bahan makanan babahan dasa dari kacang kadelai sarupo tahu jo tempe juoa sangaik populer. Tempe dianggap sabagai panamuan asli Jao, adaptasi lokal dari pamaraman kadelai. jenis lainnyo yaitu oncom yang sangaik populer di Jawa Baraik.

Makanan Indonesia umumnyo dimakan manggunoan sendok jo garpu namun di banyak tampek labiah acok manggunoan tangan lansuang.

Di rumah makan atau rumah tanggo tatantu lazim manggunoan tangan untuak makan sarupo rumah makan boga bahari, rumah makan tradisional Sunda jo Padang, atau kadai tenda pecel lele jo ayam goreng khas Jawa timur. Tampek sarupo iko biasonyo manyadiokan cabuak basuah, samangkuak aia jo irihan limau kapeh supayo maagiahkan aroma segar.

Manggunoan sumpit untuk makan lazim ditamui di restoran nan manyajikan masakan Cino nan alah basasuaian kadalam masakan Indonesia sarupo bakmi, mi ayam pangsit, mie goreang, jo kwetiau goreang.

Nasi

Nasi adolah bahan makanan pokok bagi saluruah masyarakaik Indonesia modern,[1] dan pertanian padi manampaiki tampek utamo dalam kebudayoan Indonesia; membantuak bantang alam; dijua di pasa; marupokan bahan dasa banyak jenis makanan dari nan gurih hinggo manih. Pado umumnyo bareh dimakan dalam bantuak nasi biaso nan bacito -raso amba jo saketek sayua-mayua,jo lauak-pauak kawan  nasi disisinyo sabagai sumber protein jo sumber gizi lainnyo. Bareh juo dapek dijadikan katupek (bareh dikukuih dalam anyaman daun karambia), lontong (bareh dikukuih dalam daun pisang), intip (karapuak bareh), jajanan, bihun, mi, tuak beras, jo nasi goreang.[2]

Referensi

  1. Taylor, Jean Gelman (2003). Indonesia: Peoples and Histories. New Haven and London: Yale University Press. pp. 8–9. ISBN 0-300-10518-5. 
  2. Witton, Patrick (2002). World Food: Indonesia. Melbourne: Lonely Planet. p. 29. ISBN 1-74059-009-0.