'''Daerah Istimewa Yogyakarta''' (atau '''Jogja, Yogya, Yogyakarta, Jogjakarta''' dan acok disingkek '''DIY''') adolah sebuah provinsi di [[Indonesia]] yangnan talatak di bagian salatan Pulau [[Jawa]] dan berbatasan jo Provinsi [[Jawa Tangah]] di sabalah utara. Sacaro geografis Yogyakarta talatak di pulau Jawa bagian Tangah. Daerah tasabuik kanai [[Gampo Bumi Yogyakarta Mai 2006|bancano gampo]] pado tanggal 27 Mai 2006 yangnan manjadian 1,2 juta urang indak punyo tampek tingga.
Provinsi DI. Yogyakarta mamiliki lembaga pangawasan palayanan umum banamo Ombudsman Daerah Yogyakarta yangnan dibantuak jo Kaputusan Gubernur DIY. Sri Sultan HB X pado tahun 2004.
== Sajarah ==
Daerah Istimewa Yogyakarta adolah sabuah provinsi yangnan badasarkan wilayah [[Kasultanan Ngayogyakarta Hadiningrat]] jo [[Kadipaten Paku Alaman|Kadipaten Pakualaman]]. Salain tu ditambahan pulo [[Kasunanan Surakarta Hadiningrat]] jo [[Praja Mangkunagaran]] yangnan sabalumnyo marupokan [[Enklave]] di Yogyakarta.
Pamarintahan Daerah Istimewa Yogyakarta dapek dicaliak asal mulonyo dari tahun 1945, bahkan sabalum tu. Babarapo minggu satalah Proklamasi 17 Agustus 1945, ateh desakan rakyaik jo satalah maliek kondisi yangnan ado, [[Hamengkubuwono IX|Hamengkubuwana IX]] mangeluaan dekrit karajaan yangnan dikana jo namo [[s:id:Amanat 5 September 1945|Amanat 5 September 1945]]. Isi dekrit tasabuik adolah pagabungan karajaan Yogyakarta ka dalam Republik Indonesia. Dekrit jo isi yangnan sarupo jo dikaluaan oleh [[Paku Alam VIII]] pado hari yangnan samo. Dekrit pagabungan jo Republik Indonesia samacam tu sabananyo alah pernah dikaluaan oleh babagai karajaan di Nusantara, walau indak saketek karajaan yangnan manunggu ditagakannyo pamarintahan [[Hindia Belanda]] satalah kakalahan [[Japang]].
