India Salatan

India Salatan adolah area nan maliputi nagara-nagara bagian India, yaitu Andhra Pradesh, Karnataka, Kerala, Tamil Nadu dan Telangana; sarato wilayah-wilayah pasatuan yaitu Andaman dan Nikobar, Lakshadweep dan Puducherry; nan kasadonyo adolah salaweh 19.31% dari wilayah India (635,780 km² or 245,480 sq mi). Manampati bagian salatan dari samananjuang dataran tinggi Dekkan, India Salatan babateh jo Taluak Bengala di timua, Lauik Arabian di baraik, jo Samudera Hindia di salatan. Geografi wilayah ko baragam, tadapek duo pagunuangan, Ghat Baraik dan Timua, nan mambateh dataran tinggi di tanggah. Ado pulo batang-batang Godavari, Krishna, Kaveri, Tungabhadra, dan Vaigai nan adolah sumber aia non-perenial nan pantiang. Kota-kota Bengaluru, Chennai, Hyderabad, Vishakhapatnam, Coimbatore, Kochi, dan Mysuru adolah daerah-daerah urban tagadang.

Mayoritas urang di India Salatan babicaro jo ciek dari ampek bahaso-bahas Dravida iko: Telugu, Tamil, Kannada, jo Malayalam. Dalam sijarah, babarapo dinasti karajaan bakuaso di babagai wilayah India Salatan, di mano sarangan-sarangan ka Asia salatan jo tenggara mampangaruahi sijarah jo budayo wilayah tasabuik. Dinasti-dinasti gadang di India Salatan antaro lain Cheras, Cholas, Pandyas, Pallavas, Satavahanas, Chalukyas, Rashtrakutas, dan Vijayanagara. Nagara-nagara Eropa mulai masuak ka India malalui Kerala dan wilayah tu alah dijajah dek Britain dan nagara-nagara lainnyo.