|
'''Tomé Pires''' (1465?–1524 atau 1540)<ref name="madureira 150 150">Madureira, 150–151.</ref> adolah surang apoteker abaik ka-16 dari Lisbon, Portugis nan antaro 1512 inggo 1515 tingga di Malaka indak lamo sasudah kota ko ditaklukan Portugis, yaitu pado maso banso Eropa baru mulai datang ka [[Asia Tenggara]]. Satalah malalui pangalaman nan sarik di India dan Hindia Timua, inyo kudian mamimpin kadutaan rasmi patamo banso Eropa di Cino (ateh namo [[Portugis]] kapado Kaisar Zhengde dari Cino, pado maso Dinasti Ming), inggo wafaiknyo.
Pires adolah apoteker anak buah Afonso, Putra Mahkota Portugis nan banasik malang, yaitu anak Rajo Joao II dari Portugis. Pires pai ka India pado 1511, manyalidikidiangkek sabagai "pamareso ubek-ubek" (''feitor das drogarias''),<ref>(Pires 1990:xi)</ref> yaitu komoditas Timua nan adolah salah satu elemen pantiang dari nan umumnyo disabuik sabagai "padagangan rampah-rampah". Di Malaka jo Cochin inyo takun mangumpuan dan mancatat informasi manganai wilayah [[Urang Malayu|Malay]]<nowiki/>a-[[Indonesia]], dan pai bakunjuang ka [[Jawa]], [[Sumatera]] (kini duo pulau utamo Indonesia moderen) sarato [[Kapulauan Maluku|Maluku]].
== ''Suma Oriental'' ==
Dari babagai pajalanannyo di wilayah Malaya-Indonesia, inyo manulih buku tanamo tantang padagangan Asia, bajudua ''Suma Oriental que trata do Mar Roxo até aos Chins'' ('Karingkasan tantang Timua, dari Lauik Sirah inggo ka urang Cino'). Inyo manulih buku tu di Malaka dan India antaro 1512 dan 1515, nan salasai sabalun kamatian Afonso de Albuquerque (Desember 1515).<ref>This is inferred from the tenor of his references to Albuquerque (Pires 1990:lxiii).</ref>
Buku tu marupoan gambaran patamo urang Eropa tantang Malaya, sarato gambaran tatuo dan paliang langkok tantang Timua Portugis. Isinyo adolah kumpulan babagai informasi: sijarah, geografi, etnografi, tumbuah-tumbuahan, ekonomi, padagangan, jll., tamasuak pitih logam, ukuran barek jo timbangan. Pires taliti manyalidiki katapatan infomasi nan didapeknyo dari satiok saudaga, palauik, jo lainnyo nan basobok jo nyo. Pandangannyo taliek agak diskriminatif, walaupun ditulihnyo dalam bantuak prosa tasirek,<ref>"His style is far from clear," his modern editor has noted (Pires 1990:lxxiii) "and no doubt it often becomes more confused, owing to the transcriber's mistakes."</ref> akan tatapi labaih elok daripado sado panulih Portugis lainyo di maso tu. Buku ko, nan ditulih sabagai laporan kapado Manuel dari Portugal dan kamungkinan untuak mamanuhi tugeh nan dibarikan sabalun maninggaan Lisbon,<ref>Armando Cortesão, introduction to Pires 1990:lxxiii</ref> dianggok sabagai salah satu sumber tangan patamo nan paliang taliti tantang geografi dan padagangan di Hindia maso tu, sarato tamasuak salah satu sumber kontemporer paliang pantiang manganai Islam di Indonesia. Sungguahpun indak dianggok bana-bana lapeh dari kaindak-akuratan dalam detilnyo, apo nan tatulih cukuik konsisten jo bukti-bukti di maso tu dan indak ado panyatoan nan sicaro fundamental kaliru manganai wilayah nan disabuikan. Buku ko cukuik dapek dibandiangan mutunyo jo sumber lain nan labiah tamusaua<ref>Barbosa's work was translated into Spanish and Italian and published several times in the sixteenth century.</ref> yaitu buku karya Duarte Barbosa, sarato karya Garcia de Orta di kudian ari.
''Suma Oriental'', nan indak ditabikan<ref>An excerpt was published anonymously by Giovanni Battista Ramusio</ref> dan dianggok ilang inggo ditamuan dalam arsip taun 1944, mamuek juo tulisan patamo manganai '[[Kapulauan Maluku|kapulauan rampah-rampah]]', nan salah satunyo adolah Banda di [[Kapulauan Maluku|Maluku]],<ref>{{Cite book|last=Muller|first=Karl|authorlink=|editor=Pickell, David|title=Maluku: Indonesian Spice Islands|publisher=Periplus Editions|year=1997|location=Singapore|pages=86|url=|doi=|isbn=962-593-176-7}}</ref> nan mambuek banso Eropa tapikek untuak datang ka Indonesia. Detil isinyo "indak talampaui, dalam banyak hal, salamo labieh dari satu inggo duo abaik," damikian manuruik panyuntiang moderennyo, Armando Cortesão.<ref>Armando Cortesão, introduction to Pires 1990:xix.</ref> ''Suma Oriental'' diwakili dek sabuah manuskrip nan daulu lamo ilang di Paris. Ado pulo ditamuan ampek surek nan ditulih Pires, saratorujuakan nan tapisah-pisah tantangnyo dari tokoh nan sajaman, di antaronyo dalam surek dari Albuquerque kapado rajo, tangga 30 Nopember 1513.
Pires manyabuik babarapo namo kota di Tamil, [[Sarilangka|Sarilangko]] nan dikunjuanginyo dalam pajalanannyo di dalam manuskripnyo, antaro lain Kali, Nigumbo, Celabão, dan Tenavarque, yaitu tampek komplek kuil tanamo Tenavarai.
== Misi kadutaan 1516 ka Cino ==
Taun 1516, Tomé Pires pai ka Canton (Guangzhou) manompang armada Fernão Pires de Andrade dan mamimpin delegasi kadutaan nan dikirm dek Rajo Manuel I kapado Kaisar Zhengde dari [[Republik Rakyaik Cino|Cino]].<ref>Detailed information on this embassy in Tomé Pires, Armando Cortesão, Francisco Rodrigues, ''The Suma Oriental of Tome Pires: The Suma oriental of Tome Pires, books 1-5'', Introduction p.27 - 32, Armando Cortesão, Publisher Asian Educational Services, 1990, [//en.wikipedia.org/wiki/Special:BookSources/8120605357 ISBN 81-206-0535-7]</ref> Namun, inyo indak panah ditarimo dek kaisar, karano kamunduran nan tajadi, tamasuak kacurigaan pihak Cino dan siasaik dari Sultan Mahmud Shah dari Malaka nan diguliangkan Portugis taun 1511. Kaormatan kadutaan jatuah, babarapo anggotanyo pun tabunuah, dan sasudahnyo tajadi periode paaniayoan urang Portugis salamo tigo dekade di Cino. Tomé Pires disabuikan wafaik akibaik panyakik pado 1524 di Cino, walau ado pulo nan manyabuik inyo taruih iduik inggo 1540 di Jiangsu, tapi dilarang manginggaan Cino.
Iko adolah delegasi kaduataan rasmi patamo sabuah nagara Eropa ka Cino, satalah Giovanni de' Marignolli nan dikirim dek Paus (ka [[Beijing]] antaro 1342 inggo 1345).
== Caliak pulo ==
|
