Pabedaan antaro revisi dari "Adaik Minangkabau"

Adaik Minangkabau pado dasanyo samo takah adaik lain nan mampunyoi aturan-aturan tatantu dalam kahidupan bamasyarakaik, nan mambedaannyo adolah kakhasan dari sistem adaik itu surang. Nan mambedaan adaik [[Minangkabau]] jo nan lainnyo adolah sistem katurunannyo, karano masyarakaik [[Minangkabau]] punyo sistem katurunan manuruik garis katurunan ibu. Kaunikan nan lainnyo adolah adaik [[Minangkabau]] marato dipakai baiak masyarakaik bawah ataupun masyarakaik ateh. Satiok urang tarikek jo talibaik jo adaik, hampia sadoalah laki-laki di [[Minangkabau]] mampunyoi gala adaik salain itu hubuangan kakarabatan diatua pulo dalam adaik. Ado papatah [[Minangkabau]] nan mangatokan ''hiduik dikanduang adaik'' nan aratinyo satiok kahidupan di [[Minangkabau]] diatua dek adaik. <ref name=>[http://urangminang.com/artikel-khusus/240-pengetahuan-tentang-adat-minangkabau-i-adat-nan-ampek//// "Adat Nan Ampek"]. 2011. Urang Minang </ref>

==Adaik Nan Ampek==

Marupoan adaik nan paliang stabil jo umum nan balaku bukan hanyo di wilayah [[Minangkabau]] sajo malainkan di saluruah alam semesta. Karano adaik nan sabana adaik ko merupoan katantuan alam nan indak pernah barubah dimano pun jo dalam kaadoan apopun. Alah disapakati pulo adaik nan sabana adaik iko marupoan ''Sunnatullah'' jo Hukum Allah nan tatuang dalam [[Al-Qur'an|Al-quran]]. Maambiak ajaran ''Alam Takambang Jadi Guru'' adaik iko dapek sasuai jo parubahan zaman dan manjago kalangsuangan budayo [[Minangkabau]] di tangah budayo asiang nan masuk dalam era global kini ko. Di dalam ungkapan adaik [[Minangkabau]] adaik nan sabana adaik iko adolah adaik ''nan indak lakang dek paneh, indak lapuak dek hujan, diasak indak layua, dibubuik indak mati; atau adaik babuhua mati.''

Adaik iko marupoan kalaziman dari katantuan Allah sahinggo indak batantangan jo ajaran [[Islam]]. Adaik nan sabana adaik manampati kaduduak-an tatinggi dari ampek jenis adaik di [[Minangkabau]]. Bafungsi sabagai landasan utamo dari norma, hukum, jo aturan-aturan masyarakaik Minangkabau. Sadoalah hukum adaik, ketentuan adaik, norma kemasyarakatan, jo paraturan-paraturan nan berlaku di Minangkabau basumber dari adaik nan sabana adaik.

<ref name=>[http://ukm.itb.ac.id/adat-budaya/adat-di-minangkabau//// "Adat di Minangkabau"]. 2010. Unit Kesenian Minangkabau Institut Teknologi Bandung </ref> <ref name=>[http://urangminang.com/artikel-khusus/240-pengetahuan-tentang-adat-minangkabau-i-adat-nan-ampek//// "Adat Nan Ampek"]. 2011. Urang Minang </ref>

Adaik nan diadaikkan adolah adaik nan dibuek, dirancang, jo disusun dek niniak muyang urang [[Minangkabau]] untuak balakuan dalam kahidupan sahari-hari. Aturan nan barupo adaik nan diadaikkan disampai-an dalam patatah jo patitiah, mamangan, pantun, sarato ungkapan bahaso nan khas.

Urang Minangkabau mamparcayoi dua urang tokoh sabagai parancang, nan marancanokan, jo panyusun adaik nan diadaikkan, yaitu [[Datuak Parpatiah Nan Sabatang]] jo [[Datuak Katumangguangan]]. Inti dari adaik nan diadaikkan nan dirancang dek Datuak Parpatiah Nan Sabatang iyolah demokrasi, badaulat kepado rakyat, jo mautamoan musyawarah untuk mufakaik. Sadangkan adaik nan disusun Datuak Katumangguangan intinyo malaksanokan pamarintahan nan badaulat ke ateh, otokrasi dan indak sawanang-wanang.

Sapinteh, keduo konsep adaik itu balawanan. Namun dalam palaksanoannyo kaduo konsep itu batamu, mambaua, jo saling mangisi. Gabungan kaduanya malahia-an demokrasi nan khas di Minangkabau nan diungkap-an dalam papatah barikuik ''bajanjang naiak, batanggo turun, naiak dari janjang nan di bawah, turun dari tanggo nan di ateh,titiak dari langik, tabasuik dari bumi.<ref name=>[http://ukm.itb.ac.id/adat-budaya/adat-di-minangkabau//// "Adat di Minangkabau"]. 2010. Unit Kesenian Minangkabau Institut Teknologi Bandung </ref> <ref name=>[http://urangminang.com/artikel-khusus/240-pengetahuan-tentang-adat-minangkabau-i-adat-nan-ampek//// "Adat Nan Ampek"]. 2011. Urang Minang </ref>

''

Adaik nan taradaik adolah katantuan adaik nan disusun di nagari untuak malaksanokan adaik nan sabana adaik jo adaik nan diadaikkan sasuai samo kaadoan jo kabutuhan nagarinyo. Adaik iko disusun dek tokoh jo pamuko masyarakaaik nagari malalui musyawarah jo mufakaik. Dari pangartian itu lahialah istilah ''adaik salingkuang nagari''.

Adaik nan taradaik disebaik jo ''adaik babuhua santak'', artinyo dapek diperbaiki, diubah, jo diganti. Fungsi utamonyo sabagai paraturan palaksanoan dari adaik Minangkabau. Contoh panarapannyo antaro lain dalam upacara ''batagak pangulu'', turun mandi, sunat rasul, ko perkawinan.<ref name=>[http://ukm.itb.ac.id/adat-budaya/adat-di-minangkabau//// "Adat di Minangkabau"]. 2010. Unit Kesenian Minangkabau Institut Teknologi Bandung </ref> <ref name=>[http://minang.wikia.com/wiki/Adat//// "Adat Istiadat Minangkabau"]. 2011. Wikia </ref>

Adaik istiadaik marupokan aturan adaik nan dibuek dari mufakaik niniak mamak dalam suatu nagari. Paraturan iko manampuang sagalo kamauan anak nagari nan sasuai menurut ''alua jo patuik, patuik jo mungkin''. Aspirasi nan disalua-an ka dalam adaik istiadaik iyolah aspirasi nan sasuai samo ''adaik jo limbago, manuruik barih jo balabeh, manuruik ukuran cupak jo gantang, manuruik alua jo patuik.''

Ado duo proses tabantuaknyo adaik istiadaik. Partamo, manuruik usua dari anak nagari, anak kemenakan, jo masyarakaik satampek. Kaduo, manuruik fenomena atau gajalo nan tumbuah jo bakambang di dalam masyarakat. Ini diungkapkan dalam kato pusako ''tumbuah bak padi digaro, tumbuah bak bijo disiang, Elok dipakai, buruak dibuang, elok dipakai jo mufakat, buruak dibuang jo rundiangan.''<ref name=>[http://ukm.itb.ac.id/adat-budaya/adat-di-minangkabau//// "Adat di Minangkabau"]. 2010. Unit Kesenian Minangkabau Institut Teknologi Bandung </ref> <ref name=>[http://urangminang.com/artikel-khusus/240-pengetahuan-tentang-adat-minangkabau-i-adat-nan-ampek//// "Adat Nan Ampek"]. 2011. Urang Minang </ref>

==Rujuakan==

{{reflist}}