Ikan mas koki
| Ikan mas koki | |
|---|---|
| |
| Ikan mas koki di galeh akuarium | |
| Klasifikasi ilmiah | |
| Kingdom: | Animalia |
| Phylum: | Chordata |
| Class: | Actinopterygii |
| Order: | Cypriniformes |
| Family: | Cyprinidae |
| Subfamily: | Cyprininae |
| Genus: | Carassius |
| Species: | C. auratus |
Ikan mas koki adolah sajinih ikan hias nan barasa dari nagara Chino. Ikan nan mamiliki namo spesies C.auratus ko biasonyo dijadian sabagai hewan paliharaan akuarium. Ikan ko patamo kali ditaranakan sajak 1000 tahun nan lalu di nagara Cino zaman dulu. Katiko ikan ko dikawinan, anakannyo mamiliki ukuran badan, bantuak badan sarato warna nan baragam saparti kuniang, putiah, oranye, sirah, coklat jo itam.[1]
Karakteristik
suntiangIkan mas koki ko marupoan ikan nan barasa dari subspesies dari Carassius carassius atau Carassius gibelio. Ikan mas koki kini adolah spesies dari C. auratus, nan marupoan hewan asli dari Cino Selatan.[2] Ikan mas koki bisa dikawin silangan jo spesies ikan Carassius laiinyo. Saroman jo ikan koi jo ikan ameh nan manghasilkan katuranan nan steril.[3]
Ukuran
suntiangIkan mas koki mamiliki ukuran badan rato rato sapanjang 2,5 cm sampai 5 cm. Ikan ko di akuarium panjang maksimal nyo bisa mancapai 15 cm. Sadangkan di alam lia panjang ikan ko bisa mancapai 36 cm.[4] Di Balando ado ikan mas koki nan tacatat mamiliki ukuran badan sapanjang 48 cm, sakaligus manjadian mas koki nan paliang gadang di dunia pado tahun 2008.[5] Samantaro itu di Inggirih tadapek ikan mas koki nan mamiliki panjang 38 cm jo barek 0,91 kg nan majadian nyo nomor 2 ikan mas koki nan paliang gadang di dunia satalah ikan mas koki nan ado di Balando. Pado Juli 2010, ikan mas koki ditangkok di dalam salah satu kolam di Inggirih nan mamiliki panjang 41 cm jo barek 2,3 kg.[6] Rato-rato ikan ko iduik salamo 10 tahun.[7]
Panglihatan jo pandangaran
suntiangIkan mas koki mailiki 4 sel karucuik nan bisa mancaliak jo mambedakan 4 warna diantaronyo sirah,ijau,biru jo ultraviolet. Indra pandangaran pado mas koki baguno untuak marasoan partikel suaro jo mandeteksi takanan suaro.[8]
Kamampuan
suntiangIkan mas koki mamiliki kamampuan sosial nan ancak, inyo dapek mambedaan satiok urang nan inyo caliak. Contoh nyo adolah katiko urang lain tibo abis tu malatakan tangannyo di ateh permukaan, mas koki akan pai ka permukaan karano nyo manganggap urang maagiah makanan. Sairiang waktu mas koki akan mamintak makanan ka pamiliknyo katiko lapa dan maagiah tando-tando supayo pemilik tau bahwasonyo inyo lapa. Dari segi ingatan hewan ko mamiliki ingatan nan ancak yoitu dapek meingek sesuatu salamo 3 bulan. Mas koki dapek dilatih untuak mangenali cahayo dari babarapo warna. Ikan ko marespon berbagai warna untuak mangenali makanannyo.[9][10]
Reproduksi
suntiangIkan mas koki malakukan perkawinan jiko tampek nyo tadapek aia nan cukuik jo nutrisi yang cukuik pulo. Biasonyo proses perkawinan tajadi di panangkaran atau di kolam. Perkawinan biasonyo tajadi pado musim semi. Batino nan mambaok talua-talua hasil dari perkawinan tu. Saparti pado hewan Cyprinidae lainnyo, talua talua nyo manempel di tanama aia saparti tanaman Camboba atau Elodea, atau kalau inyo di panangkaran talua ko manempel di kakaban. Talua-talua ko manateh dalam wakatu 48 sampai 72 jam. Satalah talua lahia, talua ko rentan dimakan dek ikan mas koki, saranggo, bahkan bisa dimakan jo induaknyo. Satakah manateh anakan ko masih dalam bantuak burayak dan mambutuahkan wakatu saminggu untuak bisa tabantuak saparti ikan mas koki. Satalah satahun ikan mas koki mampunyoi sisiak bawarna perak alun mamiliki warna nan baragam. Mas koki nan masih dalam bantuak burayak rentan juo dimakan jo ikan lainnyo, ikan mas koki lainnyo, sarato jo saranggo. Di panangkaran, biason uran nan punyo mamisahan mas koki nan ka di kawinan dipisahan jo ikan lainnyo, sarato katiko lah manateh induakannyo dipisahan supayo indak dimakan jo induak surang.[11][12]
Habitat di akuarium
suntiangIkan mas koki marupoan ikan nan iduik di tampek aia nan dingin jo suhu 20 °C sampai 22 °C. Maskipun iduik di tempek aia nan dingin, ikan ko indak bisa iduik di tampek nan suhu nyo di bawah 10 °C. Katiko nio mangganti aia atau manambahan aia suhu aia musti dicaliak, karano bisa jadi aia nan ditambah mamiliki suhu nan babeda. Suhu nan angek bana yoitu labiah dari Suhu 30 °C indak elok juo untuak mas koki sabab bisa mambuek ikan mati. Tatapi aia nan hangat (sakitar 25-27 °C) dapek mambantu mambunuah parasit nan di aia sahinggi mas koki indak takanai panyakik. Ikan mas koki marupoan ikan nan indak untuak dipacik. Sabab, katiko ikan ko diawai dapek marusak bagian palinduan pado badannyo. Katiko bagian palinduang nyo rusak ikan ko rentan takanai virus atau bakteri sahinggo takanai panyakik. Biaso nyo nan punyo akuarium malatih mas koki ko untuak maambiak makanan dari jari nyo. Mas koki katiko di latakan di tampek nan galok dalam wakatu nan lamo, warna nyo akan barubah manajdi warna abu-abu karano warna pado mas koki ko tagantuang dari pado warna cahayo nan masuak. Organ nan bafungsi maolah warna cahayo itu adolah sel Kromatofora nan fungsi nyo mamantuakan cahayo, sahinggo cahayo nan diserap tadi maagiah warna pado ikan tu. Pado musim dingin ikan ko maalami hibernasi sahinggo inyo indak makan jo inyo manetep di bawah dasar permukaan sampai tibonyo musim semi. Aia pado akuarium musti tajago kabarasiahan nyo jo saringan aia pado akuarium musti dipastian bakarajo.[11]
Habitat di alam lia
suntiangDi alam lia biasonyo mas koki iduik di danau, kolam, aliran sungai jo di lahan basah. Mas koki ko tamasuak ikan na kuek karano dapek iduik di tampek nan tatutuik aia es, salamo di sinan masih tadapek oksigen jo tampek itu indak mambaku sapanuahnyo. Tatapi mas koki ko marupoan ikan nan mambuek aia di lingkuangannyo manjadi karuah sarato inyo mamakan talua-talua ikan lain, sahinggo ikan ko tamasuak ikan nan babahayo bagi hewan nan lain. Di alam lia ikan mas koki ko mamakan tumbuh-tumbuhan alga.[11]
Pakan
suntiangPakan ikan mas koki mamiliki jumlah karbohidrat labiah banyak dibandiangan protein. Hal iko disebabkan karano hewan iko marupoan hewan nan indak pernah baranti makan, sahinggo jiko diagiah makanan nan banyak inyo ndak baranti sahinggo manyababkan pencernaanyo manjadi tahambek karano ikan ko indak sempurna dalam mancerna protein. Makan tertalu banyak manyababkan juo akuarium capek kumuah jo kotoran. Pelet iko banyak macam nyo ado nan tabuek dari kacang-kacangan, sayuran, jo jenti-jentik nyamuk sarato udang ketek juo bisa manjadi pakan nyo.[11]
Rujuakan
suntiang- ↑ "Ikan Mas Koki - Definisi, Jenis, Ciri, Memelihara, Oranda". www.gurupendidikan.co.id (dalam bahasa Indonesia). 2020-12-24. Diakses tanggal 2020-12-27.
- ↑ Wang, Shu-Yan; Jing Luo; Robert W. Murphy; Shi-Fang Wu; Chu-Ling Zhu; Yun Gao; Ya-Ping Zhang (27 Desember 2020). "Origin of Chinese Goldfish and Sequential Loss of Genetic Diversity Accompanies New Breeds". PLOS ONE. 430 (3): e59571. Bibcode:2013PLoSO...859571W. doi:10.1371/journal.pone.0059571. PMC 3602300
. PMID 23527220.
- ↑ Laboratory, NOAA Great Lakes Environmental Research. "NOAA National Center for Research on Aquatic Invasive Species (NCRAIS)". nas.er.usgs.gov. Diakses tanggal 27 December 2020.
- ↑ September 2010, Remy Melina 10. "Can a Goldfish Really Grow to 30 Pounds?". livescience.com (dalam bahasa Inggris). Diakses tanggal 27 December 2020.
- ↑ "Giant goldfish 'simply amazing'". BBC News. 17 April 2008. Diakses tanggal 27 Desember 2020.
- ↑ "Surrey schoolboy catches 5lb goldfish in Dorset lake". BBC News. 15 July 2010. Diakses tanggal 17 July 2010.
- ↑ "Goldfish has brain operation". BBC News. 2014-09-15. Diakses tanggal 2020-12-27.
- ↑ Neumeyer, C. (2003). "Color Vision in Fishes and Its Neural Basis". di dalam Collin, S.P.. Sensory Processing in Aquatic Environments. New York: Springer-Verlag. p. 223. https://archive.org/details/sensoryprocessin00bull. "In goldfish, as the best investigated fish species[...]"
- ↑ Research by the School of Psychology at the University of Plymouth in 1994. Goldfish were trained to push a lever to earn a food reward; when the lever was fixed to work only for an hour a day, the fish soon learned to activate it at the correct time. See: Gee, P; Stephenson, D; Wright, DE (July 1994). "Temporal discrimination learning of operant feeding in goldfish". Journal of the Experimental Analysis of Behavior. 62 (1): 1–13. doi:10.1901/jeab.1994.62-1. PMC 1334363 . PMID 16812735.
- ↑ The Discovery Channel's show MythBusters tested the contemporary legend that goldfish only had a memory span of three seconds and were able to prove that goldfish had a longer memory span than commonly believed. The experiment involved training the fish to navigate a maze. It was evident that they were able to remember the correct path of the maze after more than a month. MythBuster Results: A goldfish’s memory lasts only three seconds Archived 2010-07-16 di Wayback Machine.
- ↑ a b c d "BKIPM - IAS - Invasive Alien Species". www.bkipm.kkp.go.id. Diarsipkan dari versi asli tanggal 2019-06-20. Diakses tanggal 2020-12-27.
- ↑ Loh, Richmond. "Goldfish (Carassius auratus)" (PDF). The Fish Vet.com. Diarsipkan dari versi asli (PDF) tanggal January 27, 2014. Diakses tanggal December 27, 2020.
Pautan lua
suntiang| Ado kategori tantang Ikan mas koki di Wikimedia Commons |
Wikidata: Carassius auratus