Hipokondria

Hipokondria adolah gangguan somatoform nan marujuak pado sabuah kondisi dimano saurang mampunyoi kekhawatiran nan balabihan atau mampunyoi obsesi nan gadang mangenai sabuah pemikiran, dimano urang tasabuik bapikia sadang atau mungkin mangidap panyakik nan cukuik parah, padahal inyo indak manunjuk-an gajalo fisik manganai panyakik tasabuik, sahinggo hal iko dapek mambuek taganggunyo fungsi sosial, fungsi karajo, dan fungsi penting lainnyo dari pandarito tasabuik.

saurang nan mangidap hipokondria akan mampunyoi raso khawatir nan tinggi, sarto mungkin sajo mampunyoi kagalisahan nan balabihan manganai suatu panyakik tatantu. Kagalisahan nan balabihan iko dapek mamicu stres pado panderito hipokondria.

gangguan hipokondria iko marupakan sabuah payakik mental nan dapek baubah-ubah intensitas gajalonyo, bisa sajo samakin mamburuk sariang wakatu jiko indak sagaro diatehi. salah ciek caro mancegak-annyo adolah dengan malakukan konseling psikologis (psikoterapi) dan dengan mangonsumsi babarapo ubek nan memang dianjuakan atau alah diresep-an samo dotor

Tando-tando dan Gajalo Hipokondria

tand-tando dan gajalo gangguan kacamehan hipokondria bisa babeda antaro ciek pandarito jo pandarito lainnyo. adopun tando-tando dan gajalo hipokondria nan umum adolah sabagai barikuik:

1. Pandarito disibuk-an dengan maraso mampunyoi panyakik nan kronis atau sarius.
2. stres atau khawatir balabihan manganai kasihatan tubuah.
3. Barulang kali mamariksokan diri kadotor, padahal indak mampunyoi gajalo nan marujuak pado panyakik tasabuik.
4. manghindari urang lain, tampek tatantu, atau enggan baraktivitas kareno raso takuik nan balabihan jo panyakik tatantu

Dari hal-hal nan telah disabuik-an diateh, masih banyak juo gajalo-gajalo lain nan dirasokan pandarito hipokondria.