Buka menu utama

Gunuang Talang (namo lainnyo Salasi atau Sulasi) adolah gunuang barapi nan barado di kabupaten Solok, provinsi Sumatera Barat, Indonesia. Gunuang Talang balokasi sakitar 9 km dari kota Arosuka ibukota kabupaten Solok, atau sakitar 40 km sabalah timur kota Padang.

Talang
Mount Talang.JPG
Gunuang Talang
Katinggian 2,597 m (8,52 ft)[1]
Daftar Ribu
Lokasi
Talang terletak di Indonesia
Talang
Kabupaten Solok, Sumatera Barat, Indonesia
Jajaran Bukik Barisan
Koordinat 0°58′42″LU 100°40′46″BT / 0,97833°LS 100,67944°BT / -0.97833; 100.67944Koordinat: 0°58′42″LU 100°40′46″BT / 0,97833°LS 100,67944°BT / -0.97833; 100.67944
Geologi
Jinih Stratovolcano
Usia batuan Pleistosen
Busur/Sabuk vulkanik Busur Sunda
Latuih taakia 2007

Gunuang batipe stratovolcano nan bakatinggian 2.597 m ko adolah salah satu dari gunuang api aktif di Sumatera Barat, sarato salah satu kawahnyo manjadi sabuah danau nan disabuik Danau Talang. Gunuang Talang alah pernah malatuih baulang-kali sajak taun 1833 sampai jo taun 2007[2].

Ado ampek kecamatan nan warganyo bamukim di sakitar kaki gunuang ko, yaitu kacamatan Lembah Gumanti, Danau Kembar, Gunuang Talang, sarato Lembang Jaya. Jumlah panduduak di ampek kacamatan tu mancapai 160.000 jiwa, atau sapatigo dari jumlah panduduak kabupaten Solok.

Pado 11 April 2005, Gunuang Talang malatuih baliak. Gampo nan disaratoi bunyi gamuruah jo latusan nan mangaluaan abu vulkanik alah balangsuang sakurangnyo 42 kali. Di Aia Batumbuak, lokasi tadakek jo sumber latusan, hujan abu mancapai radius 5 km, sadangkan katabalan abu di jalan mancapai 10 cm. Di sabalah salatan Gunuang Talang tabantuak kawah baru nan mangaluaan asok balerang jo hujan baabu vulkanik. Sabanyak 27.000 panduduak harus dievakuasi dari wilayah tu.

RujuakanSuntiang

  1. "Talang". Global Volcanism Program. http://www.volcano.si.edu/world/volcano.cfm?vnum=0601-16=. Diakses pado 6 Juni 2010. 
  2. www.volcanolive.com diakses pada 6 Juni 2010

Pautan luaSuntiang