Fakih Usman

Kyai Haji Fakih Usman (juo ditulih Faqih Usman; lahia 2 Maret 1904 – maningga 3 Oktober 1968 pado umua 64 taun) adolah aktivis Islam di Indonesia jo politikus dari Partai Masyumi. Inyo manjadi Menteri Agama dalam duo kali maso jabatan: patamo, pado Kabinet Halim sangkek Republik Indonesia manjadi bagian dari Republik Indonesia Serikat, dan kaduo sabagai Menteri Agama pado Kabinet Wilopo. Sangkek masih mudo, Fakih dikritik dek kaitannyo jo organisasi Islam Muhammadiyah, tapi kudian dikana dek organisasi tersebut. Sabuah jalan di Gresik dinamoan untuak inyo.

Fakih Usman

Namo dalam bahaso usali	(id) Fakih Usman
Biografi
Lahia	2 Maret 1904 Gresik (id)
Kamatian	3 Oktober 1968 (64 tahun (id) terjemahkan) Indonesia
Anggota DPR-RI (id)   4 Maret 1956 – 5 Juli 1959   Menteri Agama Republik Indonesia (id)   3 April 1952 – 30 Juli 1953 ← Wahid Hasjim (id) – Masjkur (id)  →   Menteri Agama Republik Indonesia (id)   21 Januari 1950 – 17 Agustus 1950 ← Masjkur (id)
Data pribadi
Agamo	Islam
Kagiatan
Karajo	Politikus
Partai politik	Partai Masyumi (1945)

Fakih digadangan di Gresik, Hindia Belanda. Inyo baraja tantang Islam dari ayahnyo jo masuak ka sajumlah pesantren hinggo tahun 1920-an. Pado tahun 1925, inyo bagabuang jo Muhammadiyah dan manjadi ketua untuak cabang Surabaya pado tahun 1938; inyo juo ikuik sarato dalam kancah politik satampek. Katiko sajumlah organisasi Islam bakarajo samo pado tahun 1940 untuak managakkan Majilis Islam Ala Indonesia, Fakih manjadi bandaharo. Salamo panduduakan Jepang jo Revolusi Nasional Indonesia, Fakih taruih padok dalam bidang tersebut. Sambia manjalani duo periode sabagai Menteri Agama, Fakih manjadi makin bapangaruah di Muhammadiyah. Inyo bajaso sabagai wakil ketua di bawah babarapo pamimpin, sablun inyo pulo nan manjadi Ketua Umum Muhammadiyah pado akhia tahun 1968, beberapa hari sebelum ia meninggal.

Kahidupan awal

Fakih lahia di Gresik, Jawa Timur, Hindia Belanda, pado 2 Maret 1904. Ayahnyo, Usman Iskandar, bakarajo sabagai panggaleh kayu, samantaro ibunyo adolah saurang ibu rumah tangga nan marupoan turunanan ulama. Pasangan itu, nan hiduiknyo pas-pasan, mampunyai ampek anak lain. Dek mereka indak barasa dari kaum priyayi, anak-anak mereka indak bisa mandapekan pandidikan di sakolah Belanda. Fakih baraja Islam samanjak ketek; inyo banyak diaja ayahnyo. Katiko inyo baumua sapuluah tahun, inyo mulai baraja di sabuah pesantren di Gresik. Sasudah lulus pado tahun 1918, inyo baraja di babarapo pesantren di lua kota Gresik, tamasuak di Bungah.

Padok di Muhammadiyah

Fakih manuruik ayahnyo malakoni bidang perdagangan; pado wakatu nan samo inyo juo baraja bahaso jo Islam sacaro mandiri. Katiko organisasi Islam modernis Muhammadiyah masuak ka Gresik pado tahun 1922, Fakih manjadi salah satu anggota patamonyo. Dek inyo sangaik aktif jo Muhammadiyah Gresik, dalam wakatu tigo tahun, inyo manjadi pamimpinnyo; sangkek Fakih mamimpin kelompok itu, Muhammadiyah Gresik diakui sacaro resmi sabagai cabang Muhammadiyah. Malalui karajanyo jo cabang Gresik, Fakih manjadi labiah dikenal dalam kalangan Muhammadiyah dan dipindahan ka cabang Surabaya. Inyo juo aktif dalam politik, dan pado tahun 1929, inyo dipiliah sabagai anggota Dewan Kota Surabaya. Sambari itu, Fakih taruih manggaleh alaik pambangunan; inyo juo mampunyai parusahaan pambuatan kapa.

Salamo periode 1932 sampai 1936, Fakih manjadi anggota dewan daerah Muhammadiyah, sakaligus manjadi redaktur majalah Muhammadiyah Bintang Islam jo Ketua Majelis Tarjih. Dengan semakin aktifnyo, Fakih mulai bolak-balik dari Surabaya ka Gresik jo oto pribadinyo, sabuah barang mewah nan jarang dipunyoi urang pribumi pado sangkek itu; di Surabaya inyo maurus kapentingan Muhammadiyah, samentaro di Gresik inyo maurus usahanyo. Dalam wakatu luangnyo, Fakih barjaa bahaso Belanda dan mandalami ilimu Islam dengan mampalajari pamikiran Muhammad Abduh.

Pado 21 September 1937, Muhammadiyah, organisasi Islam konservatif Nahdatul Ulama (NU), kooperasi panggaleh Sarekat Islam, jo sajumlah organisasi Islami lain – nan alah lamo bamusuhan – bagabuang untuak mambantuak sabuah payung organisasi banamo Majelis Islam A'la Indonesia (MIAI), nana bapusat di Surabaya. Fakih manjadi bandaharo organisasi tersebut. Pado tahun 1938, Fakih manjadi ketua cabang Muhammadiyah Surabaya, manggantian Mas Mansoer. Pado tahun 1940, inyo malatakan jabatan ketua cabang Muhammadiyah Surabaya jo anggota dewan kota untuak manjadi pamimpin sekretariat MIAI.

Menteri Agama

Fakih sabagai Menteri Agama, tahun 1952

Fakih dijadian Menteri Agama dalam Kabinet Wilopo. Inyo dilantiak pado 3 April 1952; sasudah itu, inyo jo kaluarga bapindah ka ibu kota Indonesia di Jakarta. Satiba di sana, Fakih mulai program reformasi dalam Kementerian Agama, tamasuak maresmikan tujuan kementerian: untuak manyadioan guru agamo, mampromosian hubungan antar-agamo nan elok, jo manantuan tangga hari rayo. Inyo juo bausaho untuak maninjau ulang struktur kementerian. Iko tamasuak maresmikan hierarki kapamimpinan jo mambantuak cabang di tingkek provinsi jo daerah. Kementerian juo malanjuikan paningkatan mutu pandidikan agamo jo maurus ribuan haji nan barangkek dari Indonesia ka Mekkah satiok tahun. Kabinet Wilopo bubar pado 30 Juli 1953, sasudah adonyo masalah imigrasi jo sangketo tanah di Medan. Fakih diganti Masjkur.

Bacaan lanjuik

• Adi, A. Kresna (2011). Soedirman: Bapak Tentara Indonesia. Yogyakarta: Mata Padi Pressindo. ISBN 978-602-95337-1-2. 
• Basya, M. Hilaly (26 November 2009). "A Century of Muhammadiyah and Modern Indonesia". The Jakarta Post (dalam bahasa Inggris). Diarsipkan dari versi asli tanggal 2012-07-15. Diakses tanggal 15 July 2012. 
• Djurdi, Syarifuddin (2010). 1 Abad Muhammadiyah. Jakarta: Kompas. ISBN 978-979-709-498-0. http://books.google.ca/books?id=2vZDhPYaBjsC. 
• Imran, Amrin (1980). Panglima Besar Jenderal Soedirman. Jakarta: Mutiara. OCLC 220643587. 
• "KH Faqih Usman". Muhammadiyah. Diarsipkan dari versi asli tanggal 2012-07-15. Diakses tanggal 15 July 2012. 
• Mohammad, Herry (2006). Tokoh-Tokoh Islam yang Berpengaruh abad 20. Jakarta: Gema Insani. ISBN 978-979-560-219-4. http://books.google.co.id/books?id=s3dw1plnW5gC. 
• Syafruddin, Didin (1998). "K.H. Fakih Usman: Pengembangan Pendidikan Agama". di dalam Azra, Azyumardi; Umam, Saiful. Menteri-Menteri Agama RI: Biografi Sosio-Politik. Jakarta: Indonesian-Netherlands Cooperation in Islamic Studies, Center for Study of Islam and Society, dan Kementerian Agama Republik Indonesia. ISBN 978-979-95248-3-6. http://www.kemenag.go.id/file/dokumen/5.FakihUsman3.pdf. Diakses pado 27 Juli 2012. 

Jabatan politik
Didaului jo: Wahid Hasyim	Menteri Agama Indonesia 1953–1955	Digantian dek: Masjkur
Jabatan pamarintahan
Didaului jo: K.H. Ahmad Badawi	Ketua Umum Muhammadiyah 1968–1971	Digantian dek: K.H. A.R. Fachruddin