Kalompok etnik
Kalompok etnik atau Suku banso adolah kalompok manusia nan anggotanyo mangaikan diri malalui pasamoan nan ado, biasonyo manuruik katurunan nan dianggap samo.[1][2] Identitas etnik tabantuak dek ado nan mambedakan antaro ciek kalompok jo kalompok lain misanyo pabedaan budayo, bahaso, agamo, parangai, sarato ciri-ciri biologisnyo.[3]
Manuruik patamuan internasional manganai tantangan-tantangan dalam mangukua dunia etnis pado taun 1992, "Etnisitas adolah sabuah faktor fundamental dalam kahidupan manusia. Iko adolah sabuah gejala nan takanduang dalam pangalaman manusia" walaupun definisi iko acokkali murah diubah-ubah. Nan lainnyo, umpamonyo antropolog Fredrik Barth jo Eric Wolf, manganggap etnisitas sabagai hasil interaksi, dan bukan sifat-sifat hakiki sabuah kalompok.[4] Proses-proses nan malahiakan identifikasi mode itu disabuik etnogenesis. Sacaro manyaluruah, para anggota dari sabuah kalompok suku banso mangklaim kasinambungan budayo malintasi wakatu, walaupun para sajarawan jo antropolog alah mandokumentasikan baso banyak dari nilai-nilai, praktik-praktik, jo norma-norma nan dianggap manunjuakan kasinambungan jo maso lalu itu pado dasarnyo adolah tamuan nan relatif baru.[5]
Garih katurunan
suntiangAnggota suatu suku banso pado umumnyo ditantukan manuruik garih katurunan ayah atau patrilinial) umpamonyo suku Batak, manuruik garih katurunan mandeh matrilineal umpamonyo suku Minang, atau manuruik kaduonyo umpamonyo suku Jawa. Adopulo nan ditantukan manuruik agamonyo, istilah Melayu di Malaysia untuak urang asali nan muslim, urang Serani bagi nan agamonyo Nasrani (paranakan Portugis umpamonyo urang Tugu di Jakarta), suku Muslim di Bosnia, urang Moro atau banso Moro di Filipina Selatan, dan sabagainyo.[6]
Suku banso campua
suntiangAdopulo suku banso manuruik pacampuran ras sarupo Urang Paranakan nan marupokan campua dari banso Melayu jo Cino, urang Indo istilah untuak campuran bule jo banso Melayu, urang Mestiso untuak campuran Hispanik jo urang asali, urang Mulato campuran ras Negroid jo ras Kaukasoid, Eurasia, dan sabagainyo.[7]
Rujuakan
suntiang- ↑ Smith 1987Templat:Page number
- ↑ Marcus Banks, Ethnicity: Anthropological Constructions (1996), p. 151 "'ethnic groups' invariably stress common ancestry or endogamy".
- ↑ T.H. Eriksen, Small places, large issues. An introduction to social and cultural anthropology (second edition, London 2001), 261 ff.
- ↑ Fredrik Barth ed. 1969 Ethnic Groups and Boundaries: The Social Organization of Cultural Difference; Eric Wolf 1982 Europe and the People Without History hlm. 381
- ↑ Friedlander 1975 Being Indian in Hueyapan, Hobsbawm and Ranger 1983 The Invention of Tradition, Sider 1993 Lumbee Indian Histories.
- ↑ Kusnanto, Kusnanto (2010). Keanekaragaman Suku dan Budaya Indonesia. Semarang: PT. Bengawan Ilmu. pp. 9. ISBN 978-979-021-307-4.
- ↑ Kusnanto, Kusnanto (2010). Keanekaragaman Suku dan Budaya Indonesia. Semarang: PT. Bengawan Ilmu. pp. 16. ISBN 978-979-021-307-4.
Pautan lua
suntiang
 |
Iko baru laman rancangan. Bantulah Wikipedia untuak mangambangannyo. |