Wikipedia

Bir pletok

Bir pletok adolah jinih minuman paangek badan khas urang Betawi. Bahan utamo untuak minuman ko adolah jahe jo cacang, sarato babagai bumbu lainnyo. Pangolahan bir Pletok dilakukan jo caro mamiliah jo manyiapkan bahan baku nan kamudian diabuih jo disaring. Sabalun diidang, bir pletok dapek juo dikocok dulu sampai mangaluaan busa. Warna, aroma, jo raso bir pletok dapek bavariasi tagantuang pado bahan baku jo caro pangolahannyo. Kanduangan bumbunyo mambuek bir pletok manjadi minuman nan kayo jo senyawa antioksidan.

Bir pletok
Bir Pletok.JPG
Empat botol bir pletok
Asa
NagaraIndonesia Bendera Indonesia
DaerahJakarta[1]
Detail
Jinih idanganMinuman
PanyajianPanas atau dingin
Bahan utamoair, cengkeh, daun pandan, jahe, kapulaga, kayu manis, garam, gula, pala, secang, serai[2]
Bahan tambahanadas, bunga lawang, cabai jawa, daun jeruk purut, jintan hitam, kayu angin, kayu mesoyi, kencur, lada hitam, temu kunci, temu lawak

Asa mulo bir pletok indak tacataik sacaro jaleh, walaupun minuman ko umumnyo dipakiroan barasa dari kabiasoan urang Betawi untuak mambuek minuman parayoan maniru anggur jo bir Eropa. Namun, walaupun manggunoan namo "bir", minuman ko indak manganduang alkohol sahinggo dapek disertifikasi halal. Bir pletok umumnyo diidang pado upacara siklus hiduik Betawi sarupo sunek jo parkawinan, sarato pado alek-alek nan maarah pado wisata. Minuman iko alah diakui sabagai warisan budaya takbenda Indonesia, dan marupokan salah satu ikon budayo Betawi nan pelestariannyo didukuang dek Pamarintah Provinsi DKI Jakarta.

Sijarah

suntiang
 
Suasana sabuah alek makan malam di Batavia pado masa Hindia Balando

Indak ado catatan pasti nan manyatoan bilo bir pletok partamo kali ado,[3] walaupun bantuaknyo minuman iko alah ado saindaknyo sajak maso kolonial.[4] Sijarawan JJ Rizal manyabuik bahaso bir pletok mulonyo dibuek dek urang Betawi manirubir khas Barat.[5] Pado maso panjajahan, urang Betawi mamparatian basonyo Balando acok mairuik bir untuak maangekan badan.[6]> Ditambah lai, sumaraknyo alek nan diadoan dek urang Balando acok bana dicaliak dari sabarapo banyak minuman beralkohol nan diidang.[5][7] Paparan jo budaya Bulando mambuek urang Betawi indak namuah kalah. Mereka nio pulo ado minuman sarupo nan bisa diidagan untuak maramian alek. Namun, dek urang Betawi, nan mayoritasnyo baagamo Islam, minuman nan mambuek mabuak ditagak. Dek baitu, ado bir pletok, minuman nan maangekan badan barono coklat sirah, mirip jo campuran bir jo anggur, tapi indak manganduang alkohol samo sakali.[5][8] Dapek disabuik bahasonyo minuman iko marupoan hasil parkawinan dari budaya minum bangso Eropa jo panggunoan bahan baku rempah khas Nusantara.[9]

Bir pletok mulai umum dijua dek padagang kaki limo kaliliang pado tauhn 1900-an..[10] Dalam pakambangannyo, popularitas bir pletok mulai puda dek masuaknyo minuman ala Barat nan tasadio di toko-toko jo restoran, tarutamo sajak dibukaknyo karan investasi asiang pado tahun 1970-an. Untuak malastarian masakan Betawi nan samakin tapinggia, Pamarintah Provinsi DKI Jakarta juo mandukuang adonyo spesialisasi kuliner Betawi dalam babagai festival, tarutamo Jakarta Fair sabagai acara tahunan paliang gadang. Bir pletok juo alah mangalami banyak pakambangan, dengan babagai produk turunan nan dihasilkan dari pangolahannyo. Namun, usaho-usaho pangambangan iko alun maagiah dampak nan laweh. Tukang bir pletok umumnyo hanyo manjalanan usaho skala ketek, sahinggo inyo indak punyo kapasitas untuak produksi massal tanpa dukuangan nan cukuik. Hal iko dipaparah dek mulainyo pudanyo popularitas masakan Betawi di Jakarta, sairing tagusurnyo mayoritas urang Betawi ka pinggiran kota.[11]

Minuman ini diakui sabagai warisan budaya takbenda di tingkek nasional pado tahun 2014.[1] Malalui Peraturan Daerah Nomor 4 tahun 2015 sarato Peraturan Gubernur Nomor 11 tahun 2017, pamarentah Provinsi DKI Jakarta juo manetapkan bir pletok sabagai salah satu dari salapan ikon kabudayaan Betawi nan wajib didukuang palastariannyo.[12] Manjangkiknyo pandemi Covid-19 di Indonesia pado tahun 2020 mambuek panjualan bir pletok maningkek, dek masyarakaik picayo baso minuman iko punyo khasiat maningkekan daya tahan tubuah.[13] Pado tahun 2022, resep bir pletok manduduki paringkek katigo dari sapuluh resep paliang banyak dicari malalui Google Search dek warganet Indonesia.[14]

Rujukan

suntiang

Catatan kaki

suntiang
  1. ↑ a b "Bir pletok". Warisan Budaya Takbenda. 2014-01-01. Diakses tanggal 2024-06-26. 
  2. ↑ Giyatmi (2018), hlm. 275–276.
  3. ↑ Christiyaningsih; Rezkisari, Indira (2017-07-11). "Berbagai versi sejarah lahirnya bir pletok". Republika Online. Diarsipkan dari versi asli tanggal 2024-06-27. Diakses tanggal 2024-06-27. 
  4. ↑ Attas (2021), hlm. 589.
  5. ↑ a b c Afrisia, Rizky Sekar (2015-06-22). "Sejarah bir pletok Betawi, tiruan anggur Barat tanpa alkohol". CNN Indonesia. Diarsipkan dari versi asli tanggal 2024-06-27. Diakses tanggal 2024-06-27. 
  6. ↑ Yuniar, Nanien (2020-06-23). "Apa arti "pletok" dalam bir pletok?". Antara News. Diarsipkan dari versi asli tanggal 2024-06-27. Diakses tanggal 2024-06-27. 
  7. ↑ Attas (2021), hlm. 590.
  8. ↑ Sultani, Anastasia & Yuliswara (2020), hlm. 144–146.
  9. ↑ Attas (2021), hlm. 591.
  10. ↑ Gardjito, Putri & Dewi (2017), hlm. 113–114.
  11. ↑ Sultani, Anastasia & Yuliswara (2020), hlm. 151–154.
  12. ↑ Wiguna, Dewa Ketut Sudiarta (2022-06-25). "Para perawat ikon Betawi". Antara News. Diarsipkan dari versi asli tanggal 2024-06-27. Diakses tanggal 2024-06-27. 
  13. ↑ Pirlo, Reza Antares (2020-03-16). "Disebut anti corona, bir pletok Tangsel tembus luar negeri". Tagar.id. Diarsipkan dari versi asli tanggal 2024-07-03. Diakses tanggal 2024-07-03. 
  14. ↑ Aisyah, Yuharrani (2023-01-01). "10 Resep paling viral di Indonesia pada 2022, kamu pernah bikin?". Kompas.com. Diarsipkan dari versi asli tanggal 2023-08-07. Diakses tanggal 2024-09-13. 

Daftar pustaka

suntiang
Diambiak dari "https://min.wikipedia.org/w/index.php?title=Bir_pletok&oldid=3161819"