Mayor Jenderal TNI (Purn.) Basuki Rahmat (lahia di Senori, Tuban, Jawa Timur, 4 November 1921 - maningga di Jakarta, Indonesia, 8 Januari 1969 pado umua 47 tahun) adolah Jenderal Tentara Nasional Indonesia nan manjadi saksi panandotanganan Supersemar dokumen serah tarimo kakuasaan dari Presiden Soekarno ka Jenderal Soeharto.

Infobox orangBasuki Rahmat
Biografi
Lahia4 Nopember 1921 Edit nilai pada Wikidata
Tuban (id) Terjemahkan Edit nilai pada Wikidata
Kamatian8 Januari 1969 Edit nilai pada Wikidata (47 tahun (id) terjemahkan)
Daerah Kusuih Ibukota Jakarta Edit nilai pada Wikidata
Kagiatan
KarajoPejuang (id) Terjemahkan jo anggota angkatan basanjato Edit nilai pada Wikidata
Periode aktif1943 Edit nilai pada Wikidata –
Pangkat militer (id) TerjemahkanJenderal (id) Terjemahkan Edit nilai pada Wikidata
Panghargaan

Kahidupan awal suntiang

Basuki Rahmat lahia pado tanggal 4 November 1921 di Kecamatan Senori, Kabupaten Tuban, Jawa Timur. Ayahnyo, Raden Soedarsono Soemodihardjo, adolah asisten residen (Wedono). Ibunyo, Soeratni, maningga pado bulan Januari 1925 katiko Basuki baumua ampek taun, sapuluah hari sasudah malahiaan adiaknyo. Katiko baumua tujuah taun, Basuki masuak sakolah dasar. Pado tahun 1932 ayahnyo maningga, sahinggo pandidikan Basuki baranti pulo. Basuki dikirim untuak tingga jo adiak ayahnyo, baliau tamaik dari SMP pado tahun 1939 sarato tamaik dari SMA Muhammadiyah Yogyakarta pado tahn 1942, katiko Japang mulai manduduki Indonesia.[1]

Karier militer suntiang

Pado taun 1943, salamo pandudukan Jepang di Indonesia, Basuki bagabuang jo Tentara Pembela Tanah Air (PETA), nan didirian dek tentara Japang untuak melatih tentara tambahan dalam manghadapi invasi tentara Amerika Serikat ka Pulau Jawa. Di PETA, Basuki diangkek manjadi Komandan Kompi.

Dek tajadinyo Proklamasi Kemerdekaan pado tanggal 17 Agustus 1945 nan diproklamasian dek para pamimpin Nasionalis Soekarno jo Mohammad Hatta, Basuki bagabuang ka kalompok milisi nan disiapan untuak mambantuak tentara Angkatan Darat Indonesia. Pado tanggal 5 Oktober 1945, Tentara Keamanan Rakyat (TKR) dibantuak, pado bulan nan samo, Basuki mandaftar manjadi anggota TKR di kota Ngawi di provinsi asanyo Jawa Timur. Disinan Basuki ditampekan di KODAM VII / Brawijaya (nan dikana sabagai Wilayah Militer V/Brawijaya), komando militer batangguang jawek atas kaamanan provinsi Jawa Timur.

Dalam panugasan militer ko, Basuki manjabaik sabagai Komandan Batalyon di Ngawi (1945–1946), Komandan Batalyon di Ronggolawe (1946–1950), Komandan Resimen di Bojonegoro (1950–1953), Kepala Staf Panglima Tentara dan Teritorium V/Brawijaya (1953–1956) jo Penjabat Panglima Daerah Militer V/Brawijaya (1956).[2]

Pado bulan September 1956, Basuki dipindahan ka Melbourne, Australia untuak batugas sabagai atase militer di Kedutaan Besar Republik Indonesia. Basuki baliak ka Indonesia pado bulan November taun 1959 jo manjabaik sabagai Asisten IV / Logistik di bawah Kepala Staf Angkatan Darat Abdul Haris Nasution.

Basuki baliak ka KODAM VII/Brawijaya pado taun 1960 jo manjabaik sabagai Kepala Staf sabalun akhianyo manjadi Panglima pado taun 1962.

Pambunuhan Jenderal suntiang

Pado taun 1965, banyak tajadi ketegangan politik di Indonesia, khususnyo antaro Angkatan Darat joPartai Komunis Indonesia (PKI). PKI nan lambek laun dapek pijakan dalam politik Indonesia, siap manjadi partai politik nan paliang kuek dek hubungannyo jo Presiden Soekarno. Pado bulan September tahun 1965, Basuki manjadi samakin waspada jo kagiatan PKI di Jawa Timur sahinggo pai ka Jakarta untuak malaporan pangamatannyo ka Panglima Angkatan Darat, Ahmad Yani. Kaduonyo basuo di malam 30 September katiko Basuki malaporan ka Yani tatang paningkatan kagiatan PKI di provinsinyo. Yani mamuji laporan Basuki jo maajaknyo untuak basuo Presiden bisuaknyo guno malaporan tantang PKI tu.[3]

Bisuak paginyo pado tanggal 1 Oktober, Basuki dihubungi dek Markas Besar Angkatan Darat jo diagiah tau tantang panculikan para jenderal, tamasuak Yani. Mandanga kaba tu, Basuki basamo jo saurang pambantunyo masuak oto jo pai ka kota untuak mamastian kaba tu. Katiko sadang dalam pajalanan, Basuki mancaliak pasukannyo dari Jawa Timur, Batalyon 530 manjago Istana Kepresidenan. Baliau takajuik mancaliak pasukannyo indak mamakai tando identitas. Sasudah mangamati pasukannyo dari jarak dakek basamo ajudannyo, Basuki baliak ka panginapannyo, disinan baliau di agiah tau basonyo baliau dibutuhan di markas Kostrad.

Basuki pai ka markas Kostrad nan manyadari basonyo Panglima Kostrad, Mayor Jenderal Soeharto alah mamutusan untuak maambiak aliah kapamimpinan Angkatan Darat jo mangandalian situasi. Dari Soeharto, Basuki mangetahui basonyo ado sabuah gerakan nan manyabuik dirinyo sabagai Gerakan September 30 nan manggunoan pasukan dari Batalyon 530 untuak manempati titiak-titiak strategis di Jakarta. Soeharto salanjuiknyo mamarintahan Basuki untuak banegosiasi jo pasukan tu supayo manyarahan diri sabalaun pukua 6.00 atau Soeharto akan manindak pasukan tu. Basuki manamui pasukan tu jo manyampaian ultimatum Soeharto. Baliau berhasil banegosiasi jo pasukan Batalyon 530 sahinggo pado pukua 16:00, Batalyon 530 manyarahan diri ka Kostrad.

Siang harinyo, Gerakan G30S mambuek pangumuman tantang adanyo Dewan Revolusi nan barancano malakuan makar. Diantaro namo-namo nan disabuik-sabuik dalam dewan tu tadapek namo Basuki. Namun Basuki bukan satu-satunyo jenderal nan namonyo diamsuakan ka dalam dewan tu, banyak namo jenderal anti-komunih lain sarupo Umar Wirahadikusumah jo Amirmachmud nan ado dalam daftar dewan. Basuki capek manyangkal keterlibatannyo dalam Dewan Revolusi.

Tanyato salamo beberapa hari sabalumnyo, tanpa sapangatahuan Basuki, diselenggarakannyo patamuan antaro Soekarno, Panglima Angkatan Udara Omar Dhani, Panglima Angkatan Laut RE Martadinata, jo Kapolri Sucipto Judodiharjo di Halim untuak manunjuak Panglima Angkatan Darat nan baru. Walaupun nan kudian ditunjuak sabagai Panglima Angkatan Darat adolah Mayor Jenderal Pranoto Reksosamudra, namun namo Basuki sempat dipatimbangan. Namun Soekarno mambarantian gagasan panujukan Basuki tu jo bagarah basonyo Basuki biasonyo akan sakik katiko dibutuhan.

Sasudah 1 Oktober, sadolah pihak manyalahan PKI, tarutamo di Pulau Jawa banyak tajadi kagiatan untuak mambubaran PKI. Samantaro itu, Basuki baliak ka Jawa Timur untuak mangawasi gerakan anti-PKI disinan. Pado tanggal 16 Oktober 1965, sabuah pawai gadang diadoan di Surabaya katiko Komando Aksi Bersama nan tadiri dari baragam partai politik dibantuak.

Walaupun Basuki alah mandorong partai-partai politik untuak bagabuang jo Komando Aksi Bersama, Basuki indak langsuang mamarintahan pasukannyo untuak manyarang PKI sarupo komando-komando nan lain. Salamo minggu patamo panumpasan PKI di sadolah penjuru nagari, indak ado insiden nan tajadi di ibu kota Jawa Timur Surabaya. Kurangnyo komitmen untuak manumpas PKI ko jo dimasuakannyo namo Basuki sabagai anggota Dewan Revolusi mambuek banyak urang curiga basonto Basuki adolah simpatisan PKI. Sajumlah staf harus mamaso Basuki sabalum mambarantian kagiatan-kagiatan pro-PKI di Surabaya dan Jawa Timur.[4]

Pado bulan November taun 1965, Basuki dipindahan ka Jakarta jo manjadi anggota staf Soeharto nan katiko itu manjabaik sabagai Panglima Angkatan Darat, jo manduduki jabatan sabagai Deputi Bidang Keuangan dan Hubungan Sipil. Basuki aktif pulo sabagai anggota Panitia Sosial Politik (Panitia SosPol), sabuah think-tank politik Angkatan Darat nan dibantuak Soeharto sasudah baliau manjadi Komandan.[5] Pado bulan Februari taun 1966, dalam sabuah Reshuffle Kabinet, Basuki diangkek manjadi Menteri Urusan Veteran.

Supersemar suntiang

Pado tanggal 11 Maret 1966, Basuki manghadiri rapek kabinet nan patamo diadoan sasudah nan patamo diadoan sasudah Soekarno malakuan panggantian kabinet di akhia bulan Februari di Istana Presiden. Patamuan tu alun lamo balangsuang katiko Soekarno tibo-tibo maninggaan ruangan sasudah manarimo catatan dari komandan pangawalnyo. Katiko patamuan tu salasai, Basuki jo Menteri Perindustrian, Mohammad Jusuf, pai kalua dari Istana Presiden untuak batamu jo Amir Machmud, Komandan KODAM V / Jaya. Basuki salanjuiknyo diagiah tau apo nan alah tajadi jo dapek informasi basonyo Soekarno alah pai ka Bogor naiak helikopter dek karano indak aman di Jakarta.

Jusuf manyaranan supayo Basuki pai ka Bogor untuak maagiah dukungan moral ka Soekarno. Duo jenderal tu satuju jo basamo-samo pai ka Bogor sasudah mamintak izin ka Soeharto. Manuruik Amir Machmud, Soeharto mamintak katigo jenderal tu untuak maagiah tau Soekarno tantang kasiapannyo untuak mamuliahan kaamanan katiko diparintahan dek Soekarno.

Di Bogor, katogo jenderal tu batamu jo Soekarno nan indak sanang jo situasi kaamanan katiko itu. Soekarno salanjuiknyo mulai mambicaroan pilihan-pilihan nan ado jo Basuki, Jusuf, sarato Amir Machmud sabalum akhianyo batanyo baa caronyo baliau mangandalian situasi. Basuki jo Jusuf diam, tapi Amir Machmud manyaranan supayo Soekarno mangaluaan kawenangan jo basamo-samo mamarintah Indonesia sahinggo situasi dapek diamanan. Patamuan salanjuiknyo dibubaran jo Soekarno, salanjuiknyo disiapan Surat Keputusan Presiden.

Surek tu alah siap jo manunggu tando tangan dari Soekarno. Bliau ragu-ragu di detik-detik tarakhia, tapi Jusuf jo duo jenderal sarato urang-urang tadakek Soekarnoo di kabinet nan alah tibo pulo di Bogor mandorongnyo untuak manandotangani surek tu. Soekarno akhianyo manandotangani surek tu. Sabagai jenderal paliang senior, Basuki dipacayo untuak mambaok surek tu ka Soeharto. Malam tu tigo jenderal bagageh pai ka Markas Kostrad, Basuki pun manyampaian surek tu ka Soeharto.

Ado kontroversi takaik paran Basuki dalam paristiwa Supersemar. Ado salah satu versi nan manyatoan basonyo ado ampek jenderal nan pai ka Bogor, jenderal nan ka-ampek tu adolah Maraden Panggabean. Versi ko manyabuikan basonyo Basuki jo Panggabean manodongan pistol ka Soekarno jo mamasonyo untuak manandotangani Supersemar nan alah disiapan jo dibaok dek Jusuf dalam map barono merah mudo.[6]

Pado tanggal 13 Maret, Soekarno maimbau Basuki, Jusuf, jo Amir Machmud. Soekarno berang ka Soeharto dek alah malarang PKI jo manyatoan ka tigo jenderal basonyo indak ado parintah sarupo Supersemar tu. Soekarno salanjuiknyo mamarintahan supayo Surat Keputusan tu ditunjuakan ka baliau untuak dipaerso isinyo, tapi salinan surek tu indak pernah basuo kecuali salinan nan barado di tangan mantan Duta Besar Kuba, AM Hanafi.

Orde Baru suntiang

Panyarahan Supersemar sacaro de facto mambuek Soeharto dapek kakuasaan eksekutif jo mamulai mambantuak Kabinet nan labiah mauntuangan untuaknyo. Basuki manjabaik sabagai Menteri Dalam Negeri sajak Kabinet patamo Soeharto pado bulan Maret 1966 hinggo katiko Soeharto sacarao resmi manjadi presiden pado bulan Juni 1968.

Penghargaan suntiang

Basuki Rahmat maningga pado tanggal 9 Januari 1969 katiko masih manjabaik sabagai Menteri Dalam Negeri. Posisinyo digantian dek Amir Machmud. Sasudah baliau maningga, Pemda Jakarta maubah namo Jalan Proklamasi (Depok Timur) nan tahubuang ka Jalan Arif Rahman Hakim (Margonda) manjadi Jalan Basuki Rahmat. TV Jakarta jo Depok pernah mambuek pilem pendek riwayaik iduik Basuki.

Tando kahormatan
  •   Indonesia[7]
    •   Bintang Republik Indonesia Adipradana – 1995
    •   Bintang Mahaputera Utama – 1969

Rujuakan suntiang

  1. Djamaluddin, Dasman (1998). Basoeki Rachmat dan Supersemar. Jakarta: Grasindo. ISBN 979-669-189-2. 
  2. Bachtiar, Harsja W. (1998). Siapa Dia?: Perwira Tinggi Tentara Nasional Indonesia Angkatan Darat. Jakarta: Djambatan. ISBN 979428100X. 
  3. Hughes, John (2002). The End of Sukarno: A Coup That Misfired A Purge That Ran Wild. Singapore: Archipelago Press. p. 44. ISBN 981-4068-65-9. 
  4. "Report from East Java". Cornell University Library. Diarsipkan dari versi asli tanggal 23 September 2016. 
  5. Vatikiotis, Michael R.J. (2004). "The military and democracy in Indonesia". The Military and Democracy in Asia and the Pacific. Australian National University E Press. ISBN 9781920942007. https://press-files.anu.edu.au/downloads/press/p33231/pdf/book.pdf. 
  6. "Panggabean Bantah Menodong Bung Karno". Harian Suara Pembaruan. Indonesia Daily News Online. 28 Agustus 2018. Archived from the original on 2012-09-09. Diakses tanggal 2022-04-27. 
  7. "Daftar WNI yang Mendapat Tanda Kehormatan Bintang Mahaputera tahun 1959 s.d. 2003" (PDF). Sekretariat Negara Republik Indonesia.