Astrobiologi

Astrobiologi (kadang disabik juo eksobiologi, eksopaleontologi, bioastronomi, jo xenobiologi) adolah kajian tantang asa, evolusi, panyebaran, jo masa depan kehidupan di alam semesta. Bidang ilimu antardisiplin iko maliputi pancarian lingkungan laik huni baik di dalam maupun di lua Tata Surya, pancarian bukti kimia prebiotik, kahidupan di Mars jo benda lain di Tata Surya, panalitian laboratorium jo lapangan perihal asa jo evolusi mulo kahidupan di Bumi, sarato kajian potensi makhluk hidup untuak baradaptasi di Bumi jo di luar angkasa.[2]

Asam nukleat kamungkinan bukan satu-satunyo biomolekul di alam semesta nan bisa mangkodekan proses kahidupan.[1]

Astrobiologi mamanfaatan biologi molekuler, biofisika, biokimia, kimia, astronomi, kosmologi fisik, eksoplanetologi, jo geologi untuak manyalidiki kamungkinan kahidupan di dunia lain jo mambantu mangenali biosfer nan mungkin babedo dari nan ado di Bumi.[3] Asa mulo jo evolusi mulo kahidupan adolah bagian nan indak tapisahan dari disiplin ilmu astrobiologi.[4] Astrobiologi bakaitan jo interpretasi data ilmiah nan ado. Astrobiologi manyangkuik dirinyo surang tautamo jo hipotesis nan sasuai jo teori-teori ilmiah nan ado.

Bidang antardisiplin iko mancakup panelitian tantang asal mulo sistem planet, asal mulo senyawa organik di ruang angkasa, interaksi batuan-air-karbon, abiogenesis di Bumi, kelaikhunian planet, panalitian tantang biosignatures untuak deteksi kahidupan, jo studi tantang potensi kahidupan untuak baradaptasi jo tantangan di Bumi jo di lua angkasa.[5][6][7]

Bahkan kok kahidupan di lua bumi indak pernah ditamuan, sipaik astrobiologi antardisiplin, jo perspektif kosmik dan evolusi nan ditimbuaan deknyo, masih dapek mahasilan babagai manfaaik di Bumi.[8]

IkhtisarSuntiang

 
Indak diketahui apokah kahidupan di tempek lain di alam semesta akan mamanfaatan struktur sel takah nan basobok di Bumi.[9] (Kloroplas dalam sel tanaman ditunjuakan di siko.)

Istilah iko patamo bana diusulan dek astronom Rusia (Soviet) Gavriil Tikhov pado tahun 1953.[10] Astrobiologi sacaro etimologis barasa dari bahaso Yunani ἄστρον , astron, "rasi bintang, bintang"; βίος , bios, "kahidupan"; dan -λογία, -logia, baraja. Sinonim dari astrobiologi baragam. Namun, sinonim tastruktur dalam kaitannyo jo ilimu paliang penting nan tasirat dalam parkembangannyo: astronomi jo biologi. Sinonim nan dekek adolah exobiologi dari bahaso Yunani Έξω, "eksternal"; Βίος, bios, "hiduik"; dan λογία, -logia, baraja. Istilah eksobiologi diciptoan dek ahli biologi molekuler jo pamanang Hadiah Nobel Joshua Lederberg.[11] Eksobiologi dianggap punyo ruang lingkup nan terbatas pado pancarian kahidupan di lua Bumi, sadangkan bidang subjek astrobiologi labiah lueh dan manyalidiki hubungan antaro kahidupan jo alam semesta, nan indak hanyo mancakup pancarian kahidupan di lua bumi, tapi juo mancakup panalitian kahidupan di Bumi, asa mulonyo, evolusi, jo batehnyo.

RujuakanSuntiang

  1. "Launching the Alien Debates (part 1 of 7)". Astrobiology Magazine. NASA. 8 December 2006. Diakses tanggal 5 May 2014. 
  2. "About Astrobiology". NASA Astrobiology Institute. NASA. Januari 21, 2008. Diarsipkan dari versi asli tanggal 2008-10-11. Diakses tanggal 2008-10-20. 
  3. Ward, P. D.; Brownlee, D. (2004). The life and death of planet Earth. New York: Owl Books. ISBN 978-0-8050-7512-0. 
  4. "Origins of Life and Evolution of Biospheres". Journal: Origins of Life and Evolution of Biospheres. Diakses tanggal 6 April 2015. 
  5. "Release of the First Roadmap for European Astrobiology". European Science Foundation. Astrobiology Web. 29 Maret 2016. Diakses tanggal 2 April 2016. 
  6. Corum, Jonathan (18 Desember 2015). "Mapping Saturn's Moons". The New York Times. Diakses tanggal 18 Desember 2015. 
  7. Cockell, Charles S. (4 Oktober 2012). "How the search for aliens can help sustain life on Earth". CNN News. Diakses tanggal 8 Oktober 2012. 
  8. Crawford, I. A. (2018). "Widening perspectives: The intellectual and social benefits of astrobiology (regardless of whether extraterrestrial life is discovered or not)". International Journal of Astrobiology. 17 (1): 57–60. arXiv:1703.06239 . Bibcode:2018IJAsB..17...57C. doi:10.1017/S1473550417000088. </
  9. Gutro, Robert (4 November 2007). "NASA Predicts Non-Green Plants on Other Planets". Goddard Space Flight Center. Diarsipkan dari versi asli tanggal 6 Oktober 2008. Diakses tanggal 20 Oktober 2008. 
  10. Cockell, Charles S. (2001). "'Astrobiology' and the ethics of new science". Interdisciplinary Science Reviews. 26 (2): 90–96. doi:10.1179/0308018012772533. 
  11. Launching a New Science: Exobiology and the Exploration of Space The National Library of Medicine.