Angso
| Angso | |
|---|---|
| |
| Cygnus olor | |
| Klasifikasi ilmiah | |
| Kingdom: | Animalia |
| Phylum: | Chordata |
| Class: | Aves |
| Order: | Anseriformes |
| Family: | Anatidae |
| Genera | |
| |
Angso adolah buruang aia baukuran gadang dari genus Cygnus famili Anatidae. Bebek jo Angso balihia pendek tadapek juo di famili Anatidae. Angso basamo angso balihia pendek masuak ka dalam subfamili Anserinae namun Angso mamiliki suku surang, iyolah suku Cygnini. Tadapek tujuah spesies dalam genus Cygnus. Angso adolah hewan monogami, 'pacaraian' kadang-kadang tajadi jiko proses basarang mangalami kagagalan.
Angso adilah anggota tagadang dari famili Anatidae, jo marupoan salah satu buruang aia tagadang nan dapek tabang. Spesies tagadang dari angso, iyolah Angso Putiah, Angso Trompet, jo Angsi Whooper dapek mancapai panjang 60 inci jo barek 50 pound. Bantangan sayok mereka dapek mancapai panjang tigo meter. Dibandiangan jo saudaranyo, angso balihia pendek, angso baukuran labiah gadang dalam ukuran jo sacaro proporsional mamiliki kaki jo lihia nan labiah gadang. Pado angso dewasa, mereka mampunyoi tando barupo kulik nan indak ditutuiki bulu di antaro mato jo paruh. Angso jantan jo batino mirip, indak manunjuakan sipek dimorfisme seksual. Namun ukuran angso jantan umumnyo labiah gadang jo labiah barek.
Spesies di balahan bumi utaro mamiliki warna bulu nan putiah barasiah, namun angso di balahan bumi salatan campuran warna hitam jo putiah. Angso Hitam Australia (Cygnus atratus) bawarna hitam sacaro kasaluruahan kacuali bulu nan digunoan untuak tabang padi bagian sayoknyo. Angso hitam mudo bawarna abu-abu cerah. Di Amerika Salatan, Angso Balihia Hitam mamiliki lihia bawarna hitam sasuai namonyo. Kaki angso umumnyo bawarna abu-abu kalam, kacuali duo spesies nan barasa dari Amerika Selatan nan mamiliki kaki bawarna sirah mudo. Warna paruh bavariasi; spesies subartik mamiliki paruh bawarna hitam jo campuran warna kuniang. Nan lainnyo bawarna sirah jo hitam.
Angso umumnyo tadapek di daerah baiklim sadang, jarang tadapek di daerah tropis. Limo spesies tadapek di balahan bumi utara, satu spesies disobokan di Australia jo Salandia Baru, sisonyo tagadang di Amerika Selatan. Angso indak tadapek di Asia tropis, Amerika Tangah, bagian utara Amerika Salatan, jo saluruah Afrika.
Angso makan di daratan jo di aia. Inyo hampia salalu mnjadi herbivora, walau sasakali binatang akuatik ketek lain disembanyo. Di parairan, makanan mereka dapekan jo manyariang aia, jo makanan mereka tadiri dari aka-akaan, batang, jo daun tanaman akuatik jo tanaman dalam aia.
Angso mambantuak ikatan monogami nan dapek balangsuang salamo bataun-taun. Dalam babarapo kasus, ikatan iko dapek balangsuang saumua hiduik. Sarang mereka barado di daratan dakek parairan, jo jaraknyo sakitar satu meter. Indak misalnyo bebek jo angso balihia pendek, angso jantan mambantu pambangunan sarang. Ukuran ratk-rato talua angso adolah (tinggi x diameter) 113 x 74 mm jo berat 340 g. Inkubasi balangsuang salamo 34—45 hari.
Spesies
suntiangGenera Coscoroba
- Coscoroba coscoroba, daerah sebaran di Amerika Salatan
Genera Cygnus
- Cygnus olor, daerah sebaran di Eurasia
- Cygnus atratus Angsa Hitam, daerah sebaran di Australia
- Cygnus melancoryphus, daerah sebaran di Amerika Salatan
- Cygnus cygnus, daerah sebaran di sub-artik Eropa jo Asia
- Cygnus buccinator, daerah sebaran di Amerika Utaro
- Cygnus columbianus, daerah sebaran di Eropa jo Amerika Utaro
Referensi
suntiang- Kear, Janet, ed (2005). Ducks, Geese and Swans. Bird Families of the World. Oxford: Oxford University Press.
