Amir Syarifuddin (rektor)
Prof. Dr. H. Amir Syarifuddin (lahia di Pakan Sinayan, Banuhampu, Agam, Sumatra Barat, 9 Mei 1937; umua 86 taun)[1][2] adolah ahli hukum Islam, pangajar jo politisi Indonesia. Inyo pernah manjabaik sabagai Rektor IAIN Imam Bonjol, Katua MUI Sumatra Barat,[3] anggota penasihat MUI Pusat, sarato anggota MPR RI.[4]
Biografi | |
---|---|
Lahia | 9 Mai 1937 Pakan Sinayan |
Kamatian | 27 Desember 2023 (86 tahun (id) terjemahkan) Lubuk Lintah |
Kalompok etnis | Urang Minangkabau |
Almamater | Universitas Islam Negeri Syarif Hidayatullah Jakarta (id) |
Kagiatan | |
Karajo | Dosen paguruan tinggi jo politikus |
Kaluarga | |
Pasangan hiduik | Afni Bustami (id) |
Kerabat (id) | Zulfi Akmal (id) (menantu (id) ) |
Riwayaik suntiang
Kahidupan pribadi suntiang
Amir Syarifuddin lahia pado tahun 1937 di Pakan Sinayan, Banuhampu, Agam, pado maso Hindia Belanda.[4] Amir manikah lagi pado 29 Juli 1977 jo Afni Bustami nan juo saurang akademisi. Inyo manikahi adiak dari istri partamonyo nan alah labiah dulu maningga dunia.[5]
Karir suntiang
Prof. Amir parnah manjabaik sabagai Rektor Institut Agama Islam Negeri Imam Bonjol (IAIN Imam Bonjol) Padang, Sumatra Barat, manggantikan H. Hasnawi Karim nan manjabaik sabagai Caretaker Rektor sapanjang 1982-1983.[6] Inyo manjabaik Rektor IAIN Imam Bonjol nan ka-9 salamo duo pariode (1983-1993) sabalum digantikan dek rektor barikuiknyo, Dr. H. Mansur Malik.[4][6] Inyo dikenal juo sabagai pandiri jo Direktur Pascasarjana IAIN Imam Bonjol.[4]
Sabagai politisi, Amir Syarifuddin parnah manjadi anggota MPR RI salamo duo pariode pado maso-maso sabalum kajatuhan Orde Baru (tahun 1999). Sabagai ulamo, inyo juo dipacayo manjabaik sabagai Katua Majelis Ulama Indonesia (MUI) Sumatra Barat periode 1995-2000, sarato sabagai ciek dari banyak anggota panasihat MUI Pusat periode 2010-2015. Sadangkan sabagai Guru Besar, Prof. Amir parnah pula manjadi profesor palawat pado Fakultas Pengkajian Islam Universitas Kebangsaan Malaysia (UKM), Selangor, Malaysia.[4]
Pado tahun 1984 karya tulisnyo nan bajudul Pelaksanaan Hukum Kewarisan Islam di Minangkabau mandapek panghargaan dari Depdikbud RI sabagai buku paliang baiak di bidang ilmu sosial.[4]
Referensi suntiang
- ↑ https://books.google.co.id/books?id=ro9ADwAAQBAJ&pg=PA481&dq=Amir+Syarifuddin+9+mei+1937&hl=id&sa=X&ved=2ahUKEwiAk4nXmoLxAhXSbn0KHbMrCZIQ6AEwAnoECAMQAw#v=onepage&q=Amir%20Syarifuddin%209%20mei%201937&f=false
- ↑ https://books.google.co.id/books?id=LeVNDwAAQBAJ&pg=PA177&dq=Amir+Syarifuddin+9+mei+1937&hl=id&sa=X&ved=2ahUKEwiAk4nXmoLxAhXSbn0KHbMrCZIQ6AEwAHoECAwQAw#v=onepage&q=Amir%20Syarifuddin%209%20mei%201937&f=false
- ↑ https://muisumbar.or.id/baca-474-cerita-buya-amir-syarifuddin-jadi-ketum-mui-sumbar-dan-anggota-mpr-tahun-1988.html
- ↑ a b c d e f "Ushul Fiqh Bukanlah Kaidah Baku" Padang Ekspres, 13-11-2012.
- ↑ "Prof. Dr. Amir Syarifuddin" Archived 2014-05-31 di Wayback Machine. Padang Ekspres.
- ↑ a b "Periode Kepemimpinan" Archived 2014-05-29 di Wayback Machine. Situs IAIN Imam Bonjol, 3-3-2012.
Pranala luar suntiang
- https://www.cendananews.com/2018/12/prof-dr-amir-syarifuddin-guru-agama-itu-hebat.html Archived 2021-10-22 di Wayback Machine.
Didaului jo: H. Hasnawi Karim |
Rektor IAIN Imam Bonjol Padang 1983 - 1992 |
Digantian dek: Dr. H. Mansur Malik |
Didaului jo: Jalaluddin |
Ketua MUI Sumatra Barat 1995–2000 |
Digantian dek: Mansoer Malik |