Ahmad Syafii Maarif

panggiat Indonesia

Prof. Dr. H. Ahmad Syafii Maarif (lahia di Sumpur Kudus, Sijunjung, Sumatera Barat, 31 Mei 1935; umua 88 taun) adolah surang ulama, ilmuwan sarato pandidik Indonesia. Baliau pernah manjabat Katua Umum Panguruih Pusek Muhammadiyah, Presiden World Conference on Religion for Peace (WCRP). Baliau adolah pandiri Maarif Institute sarato dikana pulo sabagai surang tokoh nan mampunyoi komitmen kabangsaan nan tinggi.[1] Sikapnyo nan plural, kritis, sarato basahajo mamposisiannyo sabagai "Bapak Bangso". Baliau indak sagan-sagan mangkritik sabuah kakaliruan, walaupun nan dikritik tu adolah kawannyo sandiri.

Infobox orangAhmad Syafii Maarif
Namo dalam bahaso usali(id) Ahmad Syafii Ma'arif Edit nilai pada Wikidata
Biografi
Lahia31 Mai 1935 Edit nilai pada Wikidata
Sumpur Kudus Edit nilai pada Wikidata
Kamatian27 Mai 2022 Edit nilai pada Wikidata (86 tahun (id) terjemahkan)
Yogyakarta Edit nilai pada Wikidata
Panyabab kamatianInfarksi miokardium Edit nilai pada Wikidata
Kalompok etnisUrang Minangkabau Edit nilai pada Wikidata
AgamoIslam Edit nilai pada Wikidata
AlmamaterUniversitas Chicago
Madrasah Muallimin Muhammadiyah Yogyakarta (id) Terjemahkan
Universitas Negeri Yogyakarta (id) Terjemahkan
Universitas Negeri Ohio (id) Terjemahkan
Universitas Cokroaminoto Yogyakarta (id) Terjemahkan Edit nilai pada Wikidata
Kagiatan
KarajoCendekiawan (id) Terjemahkan jo dosen paguruan tinggi Edit nilai pada Wikidata
Kaluarga
Pasangan hiduikNurchalifah (id) Terjemahkan Edit nilai pada Wikidata

Kahidupan suntiang

Kahidupan awal suntiang

Ahmad Syafii Maarif laia di Minangkabau, Sumatera pado 31 Mei 1935.[2] Baliau basudaro 15 urang nan saayah tapi indak saibu.[3] Ayahnyo, Ma'rifah Rauf adolah surang saudagar gambia nan balakangan diangkek sabagai kapalo suku Malayu.[4] Namun, katiko baliau baumua satu satangah taun, ibunyo, Fathiyah maningga sahinggo baliau kudian dititip-an dek ayahnyo ka rumah eteknyo nan banamo Bainah.[4][lower-alpha 1]

Pado taun 1942, baliau dimasuak-an ka Sakola Rakyat di Sumpur Kudus.[2] Sapulang sakola, Pi'i, panggilan akrabnyo samaso ketek,[5] baraja agamo ka sabuah Madrasah Ibtidaiyah Muhammadiyah pado sore hari sadangkan malamnyo baraja mangaji di surau nan barado di sakitar tampek tingganyo, sarupo umumnyo anak laki-laki di Minangkabau pado maso itu.[4] Pandidikannyo di Sakola Rakyat, nan harusnyo ditampuah salamo anam tahun, dapek baliau salasaian salamo limo taun.

Baliau tamaik dari Sakola Rakyat pado taun 1947, tapi indak mandapek-an ijazah karano pado maso itu tajadi parang revolusi kamardekaan.[6] Namun, sasudah tamaik, karano baban ekonomi nan ditangguang ayahnyo, baliau indak dapek manaruihan sakolanyo salamo babarapo taun.[2] Baru pado taun 1950, baliau masuak ka Madrasah Muallimin di Balai Tangah, Lintau lalu baraja di sakola nan didirian dek Muhammadiyah tu sampai duduak di bangku kelas tigo.[3]

Marantau ka Jawa suntiang

Pado taun 1953, pado umua 18 taun, inyo maninggakan kampuang halamannyo untuak manantau ka Jawa. Samo jo duo dunsanak sepupunyo, yaitu Azra'i jo Suward, inyo diundang untuak baraja ka Yogyakarta dek M. Sanusi Latief.[7] Namun, sampai di Yogyakarta, niat asalnya untuak maambiak sikolahnyo ka Madrasah Muallimin di kota tu indak tawujud, karano pihak sikolah indak manarimo inyo di kelas ka ampek dek alasan kelas alah panuah.[7] Indak lamo sasudah itu, inyo ditugaskan sabagai guru bahaso Inggirih jo bahaso Indonesia di sikolah itu tapi indak lamo. Pado wakatu nan samo, inyo jo Azra'i mangikuti sikolah montir sampai akhirnyo lulus sasudah babarapo bulan baraja.[7] Sasudah itu, inyo babaliak untuak mendaftar ka Muallimin dan akhirnyo inyo ditarimo tapi harus maulang kuartal akhir kelas tigo. Salain baraja di sikolah tu, inyo aktif dalam organisasi pandidikan Hizbul Wathan dan pernah manjadi kapalo panarangan majalah Sinar (Kini dibawahi dek Lembaga Press Mu'allimin), sabuah majalah pelajar Muallimin di Yogyakarta.

Sasudah apaknyo maningga pado 5 Oktober 1955, mako inyo tamat dari Muallimin pado 12 Juli 1956, inyo mamutuskan untuak indak manuluik sikolahnyo, utamo dek masalah biaya.[8] Di umua 21 taun, indak lamo sasudah tamat, inyo bajalan ka Lombok untuak mamanuhi permintaan Konsul Muhammadiyah dari Lombok untuak manjadi guru. Sapanjang tibo di Lombok Timur, inyo disambut dek pangurus Muhammadiyah setempat, mako inyo ka sabuah kampuang di Pohgading nan ditugaskan untuak manjadi guru.[8] Sasudah sataun maulah pangajaran di sabuah sikolah Muhammadiyah di Pohgading, pado bulan Maret 1957, pado umua 22 taun, inyo mangunjungi kampuang halamannyo,[9] sudah tu babaliak baliak ka Jawa untuak malanjutkan pandidikannyo ka paguruan tinggi di Surakarta.[10] Sasampai di Surakarta, inyo masuak Universitas Cokroaminoto dan mandapek gelar sarjana muda pado taun 1964.[10] Sasudah itu, inyo malanjuikan pandidikannyo untuak tingkek sarjana panuah (doktorandus) di Fakultas Keguruan Ilmu Sosial, IKIP (kini ko Universitas Negeri Yogyakarta) dan tamat pado taun 1968.[11] Salamo kuliah, inyo sempat mangarajoan babarapo karajo untuak manjalani iduik. Inyo pernah manjadi guru mangaji jo buruh sabalun ditarimo sabagai palayan toko kain pado taun 1958.[9] Sasudah kurang labiah sakitar sataun bakarajo sabagai palayan toko, inyo mambukak padagang ketek-kecek jo kawan-kawannyo, kamudian sempat manjadi guru honorer di Baturetno jo Solo.[9] Salain itu, inyo juo sempat manjadi redaktur Suara Muhammadiyah dan anggota Persatuan wartawan Indonesia.[11]

Karir suntiang

Salanjuiknyo mantan aktivis Himpunan Mahasiswa Islam iko, manaruskan amnekuni ilmu sajarah jo mangikuti Program Master di Departemen Sejarah Universitas Ohio, AS. Salain itu, inyo mandapek gelar doktornyo dari Program Studi Bahasa dan Peradaban Timur, Universitas Chicago, AS, jo disertasi: Islam sabagai Dasar Negara: A Study of the Islamic Political Ideas as Reflected in the Constituent Assembly Debates in Indonesia. Salain itu, di Chicago, anak nan paliang ketek dari ampek badunsanak ko, inyo banyak mangarajokan kajian Al-Qur'an, di bawah bimbiangan surang tokoh nan manjadikan pikiran Islam baru, Fazlur Rahman. Disiko, inyo acok terlibat diskusi intensif jo Nurcholish Madjid jo Amien Rais nan sadang mangalami pendidikan doktoralnyo. Panulih Damien Dematra mambuek sabuah novel tantang masa ketek Ahmad Syafi'i Maarif, nan judulnyo 'Si Anak Kampung'.[12] Novel ko alah difilmkan jo mandapek anugerah di Amerika International Film Festival (AIFF).[13]

Kagiatan suntiang

Sasudah maninggakan posisinyo sabagai Ketua Umum PP Muhammadiyah, inyo aktif dalam komunitas Maarif Institute. Salain itu, guru besar IKIP Yogyakarta iko, juo rajin manulih, salain itu inyo manjadi pambicarar dalam babarapo seminar. Kabanyakan tulisannyo adolah isu Islam, dan dipublikasikan di babarapo media cetak. Di koran Republik, inyo acok manulih pandapeknyo dalam kolom "Resonansi". Salain itu, inyo manuangkan pandapeknyo dalam bantuak buku. Bukunyo nan alah tabukak, di antaronyo, judulnyo: : Dinamika Islam dan Mengapa Tidak? kaduo-duonyo ditabikan dek Shalahuddin Press (1984). Salain itu Islam jo Masalah Nagari, nan ditabikan dek LP3ES (1985) jo Peta bumi Intellektualisme Islam di Indonesia (1993). Untuak karyanyo, pado taun 2008 Syafii mandapek anugerah Ramon Magsaysay dari pamarentah Filipina.[14]

Pado taun 2017, Buya Syafii diangkat sabagai Anggota Dewan Pengarah Badan Panduan Ideologi Pancasila (BPIP). Malalui BPIP iko Buya salalu mambagi pandapeknyo malalui tulisan jo diskusi jo pihak pamarentah.

Maningga suntiang

Mantan Ketua Umum PP Muhammadiyah, Buya Ahmad Syafii Maarif maningga di RS PKU Muhammadiyah Gamping, Sleman, Yogyakarta, pado pukul 10.15 WIB, Jumaah (27/5/2022). Sabalun itu, Buya alah di rumah sakit itu sajak Sabtu (14/5) dek karano alah maraso sakik dek karano jantung. Bahkan pado awal Maret lalu, Buya Syafii juo sempat menjalani perawatan medis di RS PKU Gamping. Buya alah alah manjalani perawatan salamo duo minggu sampai inyo batambah sanang dan buliah pulang.  [rujuakan?][

Janazah alhamrhum disamayamkan di Masjid Agung Kauman, Yogyakarta, sabalun dikubuan. Buya Syafii dimakamkan di Taman Makam Husnul Khotimah Muhammadiyah di Kabupaten Barat Progo, Daerah Istimewa Yogyakarta.[1]

Kontroversi suntiang

Islam Liberal suntiang

Cendekiawan muslim Adian Husaini manyabuik Ahmad Syafii Maarif sabagai tokoh Muhammadiyah nan manunjuang gagasan Islam Liberal (neomodernisme) nan dijuek dek Fazlur Rahman.[15] Adian mancatat baso Syafii mamuji tinggi-tinggi Fazlur Rahman nan marupokan dosennyo.[16] Inyo juo mancatat panyataan Syafii pado taun 2001 nan manulak baliak Piagam Jakarta ka dalam konstitusi.[15][17] Zuly Qadir mancatat Syafii jo Hasyim Muzadi manolak pambalakuan syariat Islam sacaro formal di Indonesia.[18]

Dalam buku nan judulnyo 50 Tokoh Islam Liberal Indonesia: Pengusung Ide Sekulerisasi, Pluralisme, dan Liberalisasi Agama dek Budi Handrianto, Syafii dikelompokkan sabagai kalompok senior.[19] Budi Munawar Rachman mangalompokan Syafii dalam kalompok neo-modernis Islam samo jo Nurcholish Madjid jo tokoh-tokoh lain.[20]

Muhammad Afif Bahaf manulih baso gerakan Islam Liberal tumbuah subur di Muhammadiyah saat pimpinan Syafii. Hal iko ditandai jo panamuan tigo komunitas intelektual iyolah Pusat Studi Agama jo Peradaban (PSAP), Maarif Institute, jo Jaringan Intelektual Muda Muhammadiyah (JIMM).[21]

Pambelaan kasus Ahok suntiang

Pado bulan November 2016, inyo mangaku Basuki Tjahaja Purnama alias Ahok jo mangatokan baso Ahok indak mangarajokan palanggaran agamo. Pandangan iko manantang pandapek mayoritas tokoh Islam lainnyo tamasuak Majelis Ulama Indonesia (MUI) nan alah manyatokan baso Ahok mangarajokan panistaan agamo Islam jo para ulama.[22] Dalam pembelaannyo, Buya Syafii sempat manulih di Koran Tempo dan manandokan: "kalau dalam proses pangadilan nanti ado unsur kriminal dalam tindakan Basuki Tjahaja Purnama alias Ahok pado 27 September 2016 itu, ambo mangusulkan agar inyo dihukum untuak 400 tahun dek tuduhan mancuruang Al-Qur'an, kitab suci umat Islam, supayo pihak-pihak nan manuduah dipuaskan tanpa bateh", inyo manambahkan: "bialah generasi nan ka datang nan manimbangkan baa barek nan bana tuduhan tu, sabuah generasi nan diharapkan labiah stabil dan labiah pandai dalam mambaco politik Indonesia nan sarat jo dendam kasimatan iko".[23]

Pandidikan suntiang

Karya tulih suntiang

  • Mengapa Vietnam Jatuh Seluruhnya ke Tangan Komunis, 1975
  • Dinamika Islam, 1984
  • Islam, Mengapa Tidak?, 1984
  • Percik-percik Pemikiran Iqbal, 1984
  • Islam dan Masalah Kenegaraan, 1985
  • Peta Bumi Intelektualisme Islam di Indonesia, 1993
  • Islam, Kekuatan Doktrin, dan Kegamangan Umat, 1997
  • Titik-titik Kisar di Perjalananku : Autobiografi Ahmad Syafii Maarif, 2009
  • Islam Dalam Bingkai Keindonesiaan dan Kemanusiaan : Sebuah Refleksi Sejarah, 2009
  • Politik Identitas dan Masa Depan Pluralisme Kita, 2010
  • Memoar Seorang Anak Kampung, 2013
  • Fikih Kebhinekaan, 2015
  • Krisis Arab dan Masa Depan Dunia Islam, 2018
  • Membumikan Islam, 2019
  • Percaturan Islam dan Politik, 2021

Katarangan suntiang

  1. Ayahnyo pernah babarapo kali manikah, samantaro ibunyo, Fathiyah adolah bini katigo ayahnyo; dari bini sabalunnyo ayahnyo indak dikaruniai katurunan. Sataun sasudah ibunyo maningga, ayahny manikah baliak jo duo urang padusi, yaitu Maran jo Lamsiah.[3]

Rujuakan suntiang

Catatan kaki
Daftar pustaka

Pautan lua suntiang

Didaului jo:
Amien Rais
Ketua Umum Muhammadiyah
2000—2005
Digantian dek:
Din Syamsuddin